Misambu 131:1 - MUKANDA WA MYIDI MUKULU

¹ Musambu wa bena ngendu udi mu mukanda wa misambu ya Davide. Maweja-Nangila, tshiena ne ditambisha, mesu anyi ki nga muena ditambisha. Tshiena nkeba butumbi, nansha malu adi mampite.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa, mutshima wanyi kawena udibandisha, mesu anyi kaena ne dihetu. Tshiena ngela meji anyi ku mianda mitambe bunene, anyi ku mianda mitambe kunkemesha bua meme kuyenza.

Misambu 131:1 ပူးပေါင်းရင်းမြစ်များ

2 Samuele 6:22

Neudipuekeshe, ndifuisha bundu bikole, kadi nansha bakaji bena mudimu baudi wamba aba, nebannemeke, bampetesha lumu.

Yobe 42:3

Wewe kungebeja ne: muudi wela mpata pa malu andi mulongolole, muudi wakula pa malu audi kuyi mujingulule mbishi? Eyowa, ndi ntonda ne: mvua muakule pa malu adi mampite, pa malu a dikema amvua tshiyi mua kumvua.

Misambu 101:5

Nempuwishe bantu badi bajana bakuabu mu musokoku. Tshiena mua kubuikidila bantu badi bapetula bakuabu, ne badi baditambisha.

Misambu 122:1

Musambu wa bena ngendu udi mu mukanda wa misambu ya Davide. Ndisanka kaayi, dingakumvua pavuabu bangambile ne: “Tuye mu nzubu mua Maweja-Nangila!”

Misambu 124:1

Musambu wa bena ngendu udi mu mukanda wa misambu ya Davide. Bu Maweja-Nangila kayi netu… — Izrayele ambulule ne:

Misambu 133:1

Musambu wa bena ngendu udi mu mukanda wa misambu ya Davide. Eyi, bidi bilenga, bidi disanka bua kusomba pamue bu bena muntu!

Misambu 139:6

Mushindu uudi mummanye udi unkemesha, mmupite bionsu bindi mua kumvua.

Nsumuinu 21:4

Mpala wa kapeja ne muoyi wa ditambisha ke bidi bileja bubi bua muena lonji.

Yirmeya 17:16

Maweja-Nangila, meme tshivua mukusake bua wewe kubatumina dikenga. Tshivua mujinge ne: babutuke. Amu wewe ke uvua mujadike malu onsu amvua muambe.

Yirmeya 45:5

Kadi wewe udi ne dikamakama dia kukeba bidi bikusankisha amu wewe! Kukebi kantu nansha kamue to! Bualu dikenga dingatuma nedikuate bantu bonsu. Ke tshindi meme Maweja-Nangila ngamba. Kadi ndi nkulaya amu bualu bumue: Konsu kuudi musue kuya, kabakukushipa nansha!”

Dibadika 12:3

Kadi Moshe uvua muntu wa muoyi mupuekele, mupite bantu bonsu ba pa buloba ku lutulu.

Matayi 11:29

Ambulayi bujitu buanyi pambidi penu. Nuanyishe bua meme kunulongesha, bualu ndi mupole ne mupuekele ku muoyi. Nanku nenupete dikisha mu mioyi yenu.

Bienzedi 20:19

Mvua mukuatshile Mfumu mudimu ne bupuekele buonsu. Bena Yuda bavua bambungamija, bankengesha, bualu bavua bangelela bifufu bibi.

Rome 11:33

Bubanji bua Mvidi Mukulu mbunene be! Meji ende ne dimanya diende mbiondoke! Udi mua kumvuija bidiye wenza nnganyi? Udi mua kujingulula meji adiye nawu, udiku anyi?

Rome 12:16

Umvuanganayi munkatshi muenu. Kanuditambishi to. Kadi nuanyishe midimu mishadile yonsu. Kanudiangatshi bu bena meji.

Dielulula 17:20

Bionsu ebi nebimuambuluishe bua kaditambishi, bu mupite bantu bonsu ba mu tshisamba tshiende, kabidi bua kalenguludi mikenji, kadi ayikumbaje yonsu too ne mikese mene. Nanku mukalenga awu ne ndelanganyi yende, nebashale mu bukalenga matuku a bungi, balombola bena Izrayele.

1 Tesalonike 2:10

Nuenu nudi mua kujadika bitudi tuamba. Mvidi Mukulu kabidi udi mua kubijadika: nsombelu wetu nenu, bena ditaba, uvua muakane, mululame, kayi kalema.

1 Samuele 16:13

Samuwele kuambula mafuta, kuela Davide pa mutu bua kumujidila, bana babu batangile. Mueyelu wa Maweja-Nangila kutulukila Davide, kushalawu nende biangatshile dituku adi too ne kashidi. Pashishe Samuwele kupingana ku Rama.

1 Samuele 16:18

Muena mudimu mukuabu kuamba ne: — Ndi mumanye muntu, muana wa Ishayi, muena mu Betleyeme. Udi mumanye mua kuimba lunkombe bimpe. Udi kabidi muntu wa mushinga mukole, mumanye mvita, mumanye mua kuakula ne meji. Udi ne mpala muimpe mutambe. Kabidi Maweja-Nangila udi nende.

1 Samuele 16:22

Ke Shawule kutumina Ishayi diyi ne: “Ndi musue bua Davide ashale anu ku mudimu wanyi, bualu ndi mumuanyishe bikole.”

1 Samuele 17:15

uvua uya kuenzela Shawule mudimu, kadi uvua upingana misangu mivule ku Betleyeme bua kulama mikoku ya tatuende.

1 Samuele 18:23

Balombodi ba mu bukalenga bua Shawule kuambila Davide bionsu abi. Kubakonkaye ne: — Bua meme muntu mupele, tshiyi ne tshindi natshi, kushala muku wa mukalenga, nuenu nudi bamone ne: mbualu bukese anyi?