Misambu 128:2 - MUKANDA WA MYIDI MUKULU

² Usanke ne tshiudi mupete ku mudimu webe. Wikale ne disanka, malu ebe onsu neikale bimpe!

Mukanda wa Nzambi Dihungila Dikulukulu ne Dihungila Dihia-dihia 2003

² Bua wewe neudie bia kudia biwakukuatshila mudimu ku bianza biebe; newikale ne disanka, newikale ne diakalengele.

Misambu 128:2 ပူးပေါင်းရင်းမြစ်များ

Genese 3:19

Neupete tshiakudia tshiebe anu ku tshisululu tshia mu mpala muebe, too ne pawapingana mu buloba bundi mukufuke nabu. Udi lupuishi, newandamuke kabidi lupuishi.

Misambu 1:3

Udi bu mutshi udi bantu bakuna ku muelelu wa mayi. Mutshi awu udi ukuama bimuma pa tshikondu tshiabi. Mabeji awu kaena mua kufubidila. Bionsu bidi muntu wa nanku wenza bidi amu ne tshipeta.

Misambu 109:11

Muntu uvua mumusombeshe bintu, abiangate bionsu, benyi banyenge bintu bivuaye mupete ku mudimu wende.

Muambi 8:12

Nanku muntu mubi udi mua kuenza bibi misangu lukama, kushala amu ne muoyi matuku mavule. Ndi mumanye kabidi mudibu bamba ne: “Amu bantu badi batshina Mvidi Mukulu nebapete diakalenga, bualu badi banemeka bumfumu buende.

Yeshaya 3:10

Vulukayi ne: diakalenga ndia bantu badi bitaba Mvidi Mukulu, bualu bidibu benze nebibapeteshe tshipeta tshimpe.

Yeshaya 62:8

Maweja-Nangila mmuditshipe, wamba ne: “Bulelela, bu mundi ne bukole bua kuenza tshindi musue, ndi nditshipa kudi bantu banyi ne: tshiena mua kuitaba bua baluishi bebe kudiabu ntete ya bukula iudi mudime, nansha bua bantu badi bafuma ku matunga a bende kunuabu maluvu mapiamapia, audi mutatshile ne midimu.

Yeshaya 65:13

Telejayi, tshindi meme Maweja-Nangila Mvidi Mukulu ngamba: nuenu nenuikale ne nzala, kadi bantu banyi nebadie. Nuenu nenufue nyota, kadi bantu banyi nebanue. Nuenu nenufue bundu, kadi bantu banyi nebasanke.

Yirmeya 22:15

Udi wela meji ne: udi mukalenga muimpe, bua paudi usungula mabaya a sedre, adi bakalenga bakuabu kabayi nawu anyi? Tatuebe uvua udia unua, anu mudi bantu bonsu benza. Kadi uvua ukosa nsambu amu pa yoyi. Ke muvuaye mupete dikasa dimpe.

1 Korente 15:58

Nenku, bana hetu basuibue, shindamayi bikole, kanunyungi. Tungunukayi amu kutungunuka nuye kumpala. Nutungunuje mudimu wa Mfumu. Numanye ne: mudimu unudi nukuata badisange ne Mfumu kawena wa patupu.

Efeze 6:3

“Neikale ne diakalenga. Neashale matuku a bungi pa buloba.”

Dielulula 28:11

Panuafika mu ditunga divua Maweja-Nangila mulaye bankambua benu bua kunupesha, nenulele bana ba bungi. Bimuna bienu nebivulangane. Kabidi nenuikale ne biakudia bipite bungi.

Dielulula 28:39

Nenukune mitshi ya mvinyo, nuyilame bimpe. Kadi kanuakunua maluvu ayi, kanuakupola nansha tumuma. Bualu nebatudie kudi meshi.

Dielulula 28:4

Maweja-Nangila neanupe bana ba bungi, biakudia bipite bungi pa madimi enu; neavudije ngombe yenu, mikoku ne mbuji.

Dielulula 28:51

Nebanyenge bimuna bionsu, ne biakudia bionsu binuvua banowe: ntete ya kuenza bukula, maluvu a mvinyo, mafuta, too ne bana ba ngombe, ba mikoku ne ba mbuji. Nenufue, nubutuke bonsu ne nzala.

Dielulula 28:8

Maweja-Nangila Mvidi Mukulu wenu nealame biakudia bionsu binudi bateke mu mayeba enu. Neanuendeshe diakalenga ku midimu yenu yonsu. Nanku neanusankishe bulelela, mu ditunga didiye munupe.