Misambu 127:3 - MUKANDA WA MYIDI MUKULU

³ Bana, ke tshiuma tshilelela tshia bena nzubu, ndifutu didi Maweja-Nangila ubapesha!

Mukanda wa Nzambi Dihungila Dikulukulu ne Dihungila Dihia-dihia 2003

³ Monai, bana badi buhianyi bufume kudi Yehowa, bana badi bahatuka munda mua mamu wabo badi difutu diandi.

Misambu 127:3 ပူးပေါင်းရင်းမြစ်များ

Genese 1:28

Kubelaye lupemba, wamba ne: “Tantayi, nulelangane, nuvulangane buloba bujima. Nubukokeshe, nuikale bamfumu ba minyinyi ya mu mayi, nyunyi ya mulu, bimuna, bilandadi ne bionsu bidi pa buloba.”

Genese 24:60

Baledi ba Rebeka kumuela lupemba, bamba ne: “Wewe muanetu wa bakaji, Ulele balume, ulele bakaji ba bungi. Ndelanganyi yebe inyenge bimenga bia bena lukuna bayi!”

Genese 33:5

Esawu ubanduluka, kumona bakaji ne bana. Kukonka Yakobe ne: — Baudi muende nabu mbanganyi? Yakobe kuandamuna ne: — Mbana bandi mupete ku luse lua Mvidi Mukulu.

Genese 4:1

Adame kubuelela mukajende Eva mu nzubu. Awu kuimita difu, kulelaye Kayine. Eva kusanka bikole wamba ne: “Ndi mufuke muana wa balume ku bukole bua Maweja-Nangila.”

Genese 48:4

Uvua mundaye ne: “Neulele bana ba bungi. Ndelanganyi yebe neivulangane, yenza bisamba bivule. Ditunga edi nedishale dienu kashidi.”

2 Samuele 3:5

Muana muisambombu udi Itreyame, muana wa Egla. Egla uvua kabidi mukaji wa mukalenga Davide. Aba ke bana ba balume ba mukalenga Davide, bavuaye mulele mu Ebrone.

1 Kulondolola 28:5

Mpindiewu udi usungula muana wa balume mu bana banyi bavule bavuaye mumpeshe bua ampingane, adie bukalenga bua Izrayele mu dina dia Maweja-Nangila.

1 Kulondolola 8:40

Bana ba Ulame bavua bilobu, bamanye mua kuludikila mikete. Bakapeta bana ba balume ne biikulu ba bungi. Bonsu pamue bavua 150. Bonsu aba mbena tshisamba tshia Binyamine.

Yobe 1:2

Uvua tatu wa bana ba balume muanda mutekete, ne ba bakaji basatu.

Yeshaya 13:18

Nebase bansongalume mikete. Kabena bafuila bana ba ku dibele, nansha bana batekete bakuabu, luse to.”

Yeshaya 8:18

Meme ne bana badi Maweja-Nangila mumpeshe, tudi bimanyinu bidi bilongesha bantu mu Izrayele malu a kudi Maweja-Nangila muena bukole buonsu, udi usomba mu nzubu wende pa mukuna wa Siyone.

Dielulula 28:11

Panuafika mu ditunga divua Maweja-Nangila mulaye bankambua benu bua kunupesha, nenulele bana ba bungi. Bimuna bienu nebivulangane. Kabidi nenuikale ne biakudia bipite bungi.

Dielulula 28:4

Maweja-Nangila neanupe bana ba bungi, biakudia bipite bungi pa madimi enu; neavudije ngombe yenu, mikoku ne mbuji.

Balombodi 12:9

Uvua ne bana ba balume makumi asatu, kabidi ne ba bakaji makumi asatu. Uvua museleshe bana bende ba bakaji kudi bantu bavua kabayi ba tshisamba tshiabu to. Uvua muselele kabidi bana bende ba balume bakaji anu ba mu bisamba bikuabu. Ibsane uvua mushale mulombodi wa bena Izrayele bidimu muanda mutekete.

1 Samuele 1:27

Muana umvua ndomba mu ditendelela nyeye ewu. Maweja-Nangila wamumpeshi.