Misambu 127:1 - MUKANDA WA MYIDI MUKULU

¹ Musambu wa bena ngendu udi mu mukanda wa misambu ya Shelomu. Padi Maweja-Nangila kayi muibake nzubu, bibaki badi batata tshianana. Yeye kayi mulame tshimenga, balami badi batshisha tshianana.

Mukanda wa Nzambi Dihungila Dikulukulu ne Dihungila Dihia-dihia 2003

¹ Bikala Yehowa kayi wasa nsubu, badi bamuasa badi bakuata mudimu eu hatuhu. Bikala Yehowa kayi ulama musoko, mutentekedi udi utabala hatuhu.

Misambu 127:1 ပူးပေါင်းရင်းမြစ်များ

1 Bakalenga 5:12

Uvua muele nsumuinu binunu bisatu, musake misambu ya meji tshinunu ne pa mutu.

1 Kulondolola 28:10

Mpindiewu, udi mumone mudi Maweja-Nangila mukusungule bua wewe kumuashila nzubu, bua ikale muaba wende wa tshijila. Nenku, kolesha muoyi, ubange amu mudimu ewu.”

1 Kulondolola 28:20

Pashishe Davide kuamba kabidi ne: — Muananyi, kolesha muoyi, utantamane. Tuadija mudimu ewu. Kutshinyi, kuzakadi! Maweja-Nangila Mvidi Mukulu wanyi kena ukulekela to. Udi nebe, ubambuluisha too ne muwajikija mudimu ewu wa nzubu wende.

1 Kulondolola 29:19

Upeshe Shelomu muoyi mukole bua kulama meyi, mikenji ne mikandu biebe, wa kubikumbaja, ne wa kuibaka muaba webe wa tshijila unkadi mumane kulongoluela bintu ebi.

Misambu 120:1

Musambu wa bena ngendu. Pavua dikenga dinkuata, meme kubila Maweja-Nangila, kungitabaye.

Misambu 121:1

Musambu wabena ngendu. Ndi ntangila ku mikuna minene: Kudi muntu udi mua kungambuluisha anyi?

Misambu 122:1

Musambu wa bena ngendu udi mu mukanda wa misambu ya Davide. Ndisanka kaayi, dingakumvua pavuabu bangambile ne: “Tuye mu nzubu mua Maweja-Nangila!”

Misambu 123:1

Musambu wa bena ngendu. Mesu anyi mmatangile kuudi, wewe Maweja-Nangila udi musombe pa kuasa wa bumfumu mu diulu.

Misambu 124:1

Musambu wa bena ngendu udi mu mukanda wa misambu ya Davide. Bu Maweja-Nangila kayi netu… — Izrayele ambulule ne:

Misambu 125:1

Musambu wa bena ngendu. Bantu badi beyemena Maweja-Nangila, mbafuane mukuna wa Siyone, udi kauyi utenkakana tshiendelele.

Misambu 126:1

Musambu wa bena ngendu. Pavua Maweja-Nangila mutupingajile disanka mu Siyone, tuvua bu bantu badi balota.

Misambu 72:1

Wa mu mikanda ya Shelomu. Mvidi Mukulu wanyi, upeshe mukalenga meji, akose nsambu pa yoyi bu muudi uyikosa. Upeshe muana wa mukalenga lungenyi, alonde dikasa diebe.

Misambu 78:69

Yeye kuibakilapu nzubu wende wa tshijila, nzubu uvua mukole bu diulu, ne bu buloba, buvuaye muibake nabu nzubu wa kashidi.

Nsumuinu 16:9

Muntu udi upangadika bua kuenza bualu, kadi Maweja-Nangila ke udi ubujadika, ubukumbaja.

Muambi 9:11

Ndi mumone kabidi malu a bungi pa buloba. Bena lubilu lukole kabatu bapita bantu bonsu mu diteta dia kunyema lubilu to. Badi batshimuna mu mvita kabena misangu yonsu bilobu nansha. Badi bimpe pa buloba ki mbena meji to. Badi bapeta biuma ki mbena lungenyi misangu yonsu to. Badi bapeta lumu ki mbadi bamanye malu to. Muntu yonsu udi mua kupeta dikasa dibi.

Musambu wa Solomo 3:3

Meme kusambakena ne balami ba tshimenga, badi benda batentekela musoku, kubakonka ne: “Nuvua bamoneku munanga wanyi anyi?”

Musambu wa Solomo 5:7

Meme kusambakena ne balami ba tshimenga, bavua batentekela musoku, bendakana pa bimana bia tshimenga. Bobu kuntuuta, kuntapa mputa, kunyengabu ne tshitambala tshianyi.

Yeshaya 27:3

“Meme Maweja-Nangila, ndi mulami wa budimi. Ndi ngelamu mayi pa diba, ndi mbulama munya ne bufuku, bua muntu nansha nyama kabunyangi.

Yeshaya 56:10

Balombodi ba bantu banyi bena Izrayele, badi bampofu bonsu. Kabena bamanye kalu. Bonsu buabu badi bu mbua idi kayiyi yenza mutoyi, kayiyi ibuluka. Badi balotakana, badiolola panshi, basue kulala amu tulu.

Yeshaya 62:6

Ndi muteke batentekedi pa bimana biebe wewe Yerushalayime. Kabena ne bua kupuwa, nansha munya nansha butuku. “Nuenu badi bavuluija Maweja-Nangila malaya avuaye mulaye bena Yerushalayime, kanuladi nansha kakese.

Yirmeya 51:12

Nuele diyi dia nuenu kubanga kuluisha bimenga bia Babilone. Nuteke bena mvita ku nseke yonsu ya tshimenga. Nuteke batentekedi. Ke mudi Maweja-Nangila ukumbaja tshivuaye mujadike bua kuenzela bena Babilone.

Yirmeya 51:31

Badi batuma bantu bua banyeme lubilu, bafike kua mukalenga wa Babilone, bamuambile ne: baluishi mbakuate tshimenga tshiebe tshijima tshia Babilone.

1 Korente 15:14

Pikala Kristu kayi mubike ku lufu, katuena ne tshitudi mua kulongesha to. Kanuena ne tshinudi ne bua kuitaba to.

1 Korente 3:7

Nanku mudimu wa mukunyi, ne wa mumiaminyi wa mayi, udi wa patupu. Kadi udi wenza bualu, ke Mvidi Mukulu. Bualu Yeye udi umenesha.

Ngalate 4:11

Ndi mpampakana bikole bualu buenu! Mudimu mukole undi munukuatshile, neupete tshipeta anyi?

Dielulula 8:18

Numanye ne: Maweja-Nangila Mvidi Mukulu wenu ke udi unuambuluisha, bua nupete diakalenga. Udi wenza nanku, bualu too ne lelu utshidi ulama ndondu wende, uvua-ye mutue ne bankambua benu.

Yoshua 2:2

Mukalenga wa bena Yeriko, kumvua muvua bena Izrayele babidi bafike mu tshimenga butuku, bua kutentekela mudi ditunga.