Misambu 122:6 - MUKANDA WA MYIDI MUKULU

⁶ Jingilayi Yerushalayime bupole ne: “Bantu bakunange wewe Yerushalayime, basombe talalaa!

Mukanda wa Nzambi Dihungila Dikulukulu ne Dihungila Dihia-dihia 2003

⁶ Nulombele Yelushalema ditalala. Badi bakunanga bikale ne diakalengele.

Misambu 122:6 ပူးပေါင်းရင်းမြစ်များ

Genese 12:3

Bonsu badi bakuela lupemba, nembele. Kadi bonsu badi bakutshipa, nembatshipe. Nengele bisamba bionsu bia pa buloba lupemba bualu buebe.

Nehemya 11:1

Bamfumu ba bantu kuyabu kusomba mu Yerushalayime. Kadi, ku bantu bakuabu bavua bashale, kusungulabu muntu umue pa dikumi, bua asombe mu Yerushalayime, tshimenga tshia tshijila. Bantu bakuabu tshitema pa dikumi kuyabu kusomba mu misoku ne mu bimenga bia mu ditunga.

Nehemya 11:2

Bena Yuda bavua basankidila bikole, bela ka lumbandi, bantu bavua badianza kuitaba ku budisuile buabu, bua kuya kusomba mu Yerushalayime.

Estere 4:8

Mordekayi kumupesha kabidi mukanda uvuabu bafundile bena Shushane, muikale ne mukenji wa kubutula bena Yuda. Uvua umusengelela bua ambile Estere bionsu abi, amuleje ne mukanda. Atake uvua kabidi ne bua kutendakena Estere bua aye kudi mukalenga, bua kuakuila bena tshisamba tshiabu ne kubalombela luse.

Misambu 51:18

Kuena musue nkulambule milambu. Nansha ya diosha kayena ikulengelela.

Yeshaya 62:7

Kanumushidi mpunga, too ne pamanaye kuibakulula tshimenga, ne penzaye tshimenga etshi muaba udibu batumbisha mu matunga onsu.”

Yeshaya 66:10

Nuenu badi bananga Yerushalayime, sankayi nende pamue, sangulukayi bualu buende. Nuenu bonsu bavua mu madilu, bua pavuaye mu dikenga, sankayi nende mpindiewu.

Yirmeya 29:7

Nuambuluishe tshimenga tshindi munutume ku bupika, tshipete bubanji. Nutshilombele kundi. Bualu, tshiotshi tshikale ne diakalenga, nenuikale nadi ne nuenu kabidi.

Yirmeya 51:50

Nuenu bavua bapambuke mu mvita, umukayi nuye, kanushadi apa nansha. Muaba unuikala awu, nuele meji kudi Maweja-Nangila, mwuluke Yerushalayime.

Dibadika 24:9

Bena Izrayele kuzonzama, kulala panshi bu nyama ya ntambue. Udi mua kubajula ku bukole nnganyi? Izrayele, udi ukuela lupemba, bamuele pende! Udi ukutshipa, bamutshipe biende!

Yowanane 17:21

Ndi ntendelela bua bonsu benze tshintu tshimue. Tatu, benze tshintu tshimue netu, muudi wewe munda muanyi, meme munda muebe. Benze tshintu tshimue bua ba pa buloba bitabe ne: wewe uvua muntume.

Efeze 4:3

Nuenze muenu muonsu bua kulama bobumue budi Mueyelu wa Tshijila ufila, pa kunusuikakaja pamue mu bupole.

2 Tesalonike 3:16

Mfumu udi ufila bupole, anupe ditalala diba dionsu ne mishindu yonsu. Mfumu ikale nenu bonsu.

1 Yone 3:14

Tudi bamanye ne: tudi bapatuke mu lufu, bua kubuela mu muoyi. Tudi bajadike nanku, bualu tudi tunanga bana hetu. Udi kayi unanga, utshidi mu lufu.

1 Samuele 12:23

Meme Samuwele, tshiena musue kuenzela Maweja-Nangila bibi to. Misangu yonsu nengikale ndomba Maweja-Nangila bualu buenu. Ndi anu nnuleja njila muimpe, mululame.