Misambu 119:4 - MUKANDA WA MYIDI MUKULU

⁴ Wewe Maweja-Nangila, udi mumanyishe bantu mikenji yebe, bua bayilame.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Wewe wakajadika mikenji yebe bua tuetu tuyenze ne dinanukila.

Misambu 119:4 ပူးပေါင်းရင်းမြစ်များ

Ezela 7:21

“Meme, Artashasta, mukalenga munene, ndi ngambila balami ba bibutshilu bionsu bidi mu buloba budi luseke ludi diba dibuelela lua musulu wa Perate ne: bakumbaje bidi mutuangaji Ezra wamba, bualu yeye udi mumanye bimpe mikenji ya Mvidi Mukulu wa mu diulu.

Ekesode 7:6

Moshe ne Arone kukumbaja bionsu bivua Maweja-Nangila mubambile.

Yirmeya 7:23

Kadi, meme Maweja-Nangila mvua mubambile ne: Nuteleje tshindi nnuambila. Nanku nengikale Mvidi Mukulu wenu, nuenu nenuikale bantu banyi. Nukumbaje bionsu bindi nnuambile. Nanku nenuikale bimpe.

Yezekiyele 20:19

Meme ndi Maweja-Nangila Mvidi Mukulu wenu. Nulonde mikenji yanyi. Nukumbaje meyi anyi.

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

Yowanane 14:15

— Panudi nunnanga, nenutumikile mikenji yanyi.

Yowanane 14:21

Muntu udi ulama mikenji yanyi, uyitumikila, ke udi munnange. Muntu udi munnange, Tatu wanyi neamunange. Meme kabidi nemmunange, nendileje kudiye.

Dielulula 11:13

Nuenu bakumbaje bimpe mikenji ya Maweja-Nangila Mvidi Mukulu, indi nnuambila lelu eyi, nuenu bamunange, bamuenzele mudimu ne muoyi wenu mujima ne bukole buenu buonsu,

Dielulula 11:22

Eyowa, nukumbaje mikenji yonsu indi nnuambila. Nunange Maweja-Nangila Mvidi Mukulu wenu. Nuitabe bionsu bidiye unuambila, numulamate.

Dielulula 30:16

Nudimuke, nukumbaje mikenji indi nnuambila lelu eyi: nunange Maweja-Nangila Mvidi Mukulu wenu, nulonde njila idiye unuleja, nutumikile meyi ende ne mikenji yende. Nanku nenushale ne muoyi; nenuvulangane. Maweja-Nangila neanuenzele bimpe mu ditunga dinuakuata.

Dielulula 4:1

Moshe kuambila kabidi bena Izrayele ne: Nuenu bitabe meyi ne mikenji bindi munulongeshe, nenuikale ne muoyi. Kabidi nenukuate ditunga dia Kenaane, didibu banupesha kudi Maweja-Nangila Mvidi Mukulu wa bankambua benu.

Dielulula 4:9

Nanku nuenu bena Izrayele, dimukayi. Nudi bamanye bionsu bidi Maweja-Nangila muenze. Kanuena mua kubipua muoyi musangu nansha umue to. Nubivuluke, nubilondele bana benu ne bikulu benu.

Dielulula 6:17

Nuitabe ku meyi, nukumbaje mikenji yende, bivuaye munuambile.

Dielulula 6:3

Nuenu bena Izrayele, nulame mikenji eyi bimpe, nuyikumbaje. Neyinupeteshe diakalenga. Nenutante mu ditunga didi ne biakudia bia bungi, bu muvua Maweja-Nangila Mvidi Mukulu wa bankambua benu munulaye.

Yoshua 1:7

Wewe kolesha muoyi, kutshinyi to. Kumbaja bimpe mikenji yanyi yonsu ivua Moshe muntu wanyi mukuambile. Kulenguludi mukenji nansha umue. Nanku wewe muyikumbaje yonsu, neupete dikasa dimpe mu bionsu biudi wenza.

1 Yone 5:3

Bualu kunanga Mvidi Mukulu ke kuitaba mikenji yende. Mikenji yende kayena mipite kutukolela to.