Misambu 119:144 - MUKANDA WA MYIDI MUKULU

¹⁴⁴ Meyi ebe adi makane kashidi, ungumvuije, nempande.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴⁴ Mikenji yebe idi ilesha bu mûdi idi miakane tô ne kashidi, umpeshe lungenyi bua ngikale ne muoyo.

Misambu 119:144 ပူးပေါင်းရင်းမြစ်များ

Misambu 119:138

Paudi muambile bantu meyi ebe, udi uleja buakane buebe ne bulelela buebe bujima.

Misambu 119:151

Maweja-Nangila, wewe udi pabuipi, bantu batekemene meyi ebe onsu.

Misambu 119:152

Meyi ebe ndi muamanye ku kale, uvua muambe bua kashidi.

Misambu 119:169

Maweja-Nangila, teleja muadi wanyi ne luse, umpeshe lungenyi bu muuvua mulaye.

Misambu 119:17

Ungenzele meme muena mudimu webe bimpe, ngikale ne muoyi, ndame diyi diebe.

Misambu 119:34

Ungunwuije mikenji yebe, nenyilonde, nenyilame ne muoyi wanyi mujima.

Misambu 119:66

Undongeshe mua kumanya ne kuanyisha meyi ebe, bualu ndi muatekemene amu wowu.

Misambu 119:73

Bianza biebe mbimfumbe, mbinkoleshe, umpeshe lungenyi lua kujingulula nalu malu, mmanye mikenji yebe.

Misambu 19:9

Meyi a Maweja-Nangila adi makane, aludika muntu mu njila wa diakalenga.

Nsumuinu 10:21

Miaku ya muntu muakane idi iludika bantu ba bungi. Kadi bapote badi bafue bua dibenga kuela meji.

Nsumuinu 4:4

Tatu wanyi uvua undongesha, wamba ne: “Vuluka malongesha anyi bimpe. Ukumbaje mikenji indi mukupe. Nanku neushale matuku mavule pa buloba.

Nsumuinu 7:2

Enza mundi nkuambila, nanku neulale matuku mavule panu. Lama bimpe dilongesha dianyi bu muudi ulama kamonyi ka disu diebe.

Yeshaya 27:11

Matamba a mitshi adi uma, atshibuka. Bakaji nebaangule bua kutemesha nawu kapia. Bulelela, bantu aba kabena bumvua bualu nansha bumue. Ke padi mubafuki wabu, kayi kabidi ubafuila luse. Uvua mubafumba kena musue kubalama ne muoyi to.

Yirmeya 4:22

Maweja-Nangila udi wamba ne: “Bantu banyi bena Izrayele kabena ne lungenyi to, kabena bammanye. Mbana badi kabayi ne meji. Mbamanye amu mua kuenza malu mabi. Kadi, kabena bamanye mua kuenza malu mimpe to.”

Danyele 12:10

Nebumbushe bantu ba bungi mikiya. Nebabatokeshe. Makenga neabalengeje. Bantu babi, badi kabayi mua kujingulula malu, nebatungunuke ne dienza dia malu abu mabi. Kadi bantu ba lungenyi nebajingulule malu adi enzeka.

Osheya 4:6

Bantu banyi nebafue, bualu kabena bammanye meme to. Wewe kabidi uvua mundengulule. Nanku, nenkubenge, nkumushe ku mudimu wanyi wa butuangaji! Bualu mikenji yanyi meme Mvidi Mukulu webe, udi muyipue muoyi. Nanku meme tshiakuvuluka kabidi bana bebe to.

Matayi 13:19

Padi bantu bumvua bakuabu balongesha malu a mu Bukalenga bua mu diulu, kabayi bajingulula muyayabu, Muena bubi udi ufika, umusha bivuabu bamiamine mu muoyi wabu. Ke ntete idi ipona ku muelelu wa njila.

Matayi 5:18

Ndi nnujadikila bulelela ne: too ne muajimina diulu ne buloba, kabena mua kukupula dileta nansha dikese, kalu nansha kamue ka mu mikenji. Bionsu bidi mikenji yamba, nebikumbane.

Yowanane 17:3

Muoyi wa tshiendelele udi nunku: bua bakumanye wewe Mvidi Mukulu umue mulelela, bamanye kabidi Yezu Kristu uuvua mutume.

2 Korente 4:6

Mvidi Mukulu uvua muambe ne: “Butoke bukenke mu miidima!” Ke muvuaye mukenkeshe butoke buende mu mioyi yetu, bua mmanye butumbi bua Mvidi Mukulu budi bubalakana pa mpala wa Kristu.