Misambu 118:27 - MUKANDA WA MYIDI MUKULU

²⁷ — Maweja-Nangila udi Mvidi Mukulu nkayende. Atutokeshe ne butoke buende! — Elayi tshijengu too ne ku tshilambuilu.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Yehowa udi Nzambi, yeye wakututemeshila munya. Suikai nyama wa mulambu ne mionshi, umulombole tô ne ku nsengu ya ha tshioshelu.

Misambu 118:27 ပူးပေါင်းရင်းမြစ်များ

1 Bakalenga 18:21

Eliya kusemena kumpala kua bena Izrayele bonsu, ubakonka ne: — Nenulekele kutendelela bakalenga babidi, dikasa mu mayi, dikuabu ku mukuna, diba kaayi? Padi Maweja-Nangila muikale Mvidi Mukulu bulelela, nutendelele Maweja-Nangila! Kadi, padi Baale muikale Mvidi Mukulu bulelela, nutendelele Baale! Muntu nansha umue kena muandamune to.

1 Bakalenga 18:39

Bena Izrayele bamone nanku, kutuabu mpala panshi bonsu. Pashishe, kutuadijabu kuela mbila ne: “Anu Maweja-Nangila ke Mvidi Mukulu mulelela. Anu Maweja-Nangila ke Mvidi Mukulu mulelela!”

1 Kulondolola 29:21

Butshia dinda, kulambulabu Maweja-Nangila milambu ya bobumue ne ya kuosha. Kulambulabu Mvidi Mukulu ngombe milume tshinunu, bimpanga tshinunu, ne mikoku tshinunu, pamue ne maluvu a mvinyo, bu mudi meyi a pa milambu. Milambu ya bobumue ivua bungi bukumbane bua bena Izrayele bonsu bavuapu bamone mua kudia.

Estere 8:16

Bena Yuda bavua ne diakalenga, basanka bua pavuabu batshimuna baluishi babu.

Misambu 18:28

Udi usungidila badi badipuekesha, upetula badi baditambisha.

Misambu 37:6

Neakulumbuluile, akubingishe. Neutoke bu munya wa mu dinda, neukenke bu diba munda munya.

Ekesode 27:2

Mu matumba onsu anayi a tshilambuilu, ulamikamu nsengu ya mabaya milamakane ne tshilambuilu. Kabidi, tshilambuilu tshijima tshikale tshilamike tshiamu tshikunze.

Ekesode 38:2

Kadi matumba onsu anayi avua majuke kulu bu nsengu, milamakane pamue ne tshilambuilu. Kabidi tshilambuilu tshijima tshivua tshilamika tshiamu tshikunze.

Yeshaya 60:1

Yerushalayime, juka, ukenke bu diba! Bualu meme ndi mfika, meme butoke buebe. Lumu lua Maweja-Nangila nelukutokeshe, bu diba ditshidi dipatukilaku.

Yeshaya 9:2

Maweja-Nangila, wewe kubasankisha bikole, kuvudija musangelu wabu! Badi basanka kumpala kuebe, mudi bantu batshionkomoka matuku a kunowa, mudibu babanyangana bivuabu bapawule mu mvita, beela mbila ya disanka.

Mika 7:9

Maweja-Nangila mmutunyoke ne tshiiji, bualu tuvua bamuenzele bibi. Kadi diba nedifike didiye utulumbuluisha, utubingisha. Yeye neatupingaje mu butoke, neatuenzele malu mimpe mavule.

Yowanane 8:12

Yezu kulongesha kabidi bantu, ubambila ne: — Meme ndi butoke bua badi pa buloba. Muntu udi undonda katshia kena wenda mu miidima, kadi neikale ne butoke bua muoyi.

Ebrewu 13:15

Nanku batumbishe Mvidi Mukulu diba dionsu. Ke wetu mulambu utudi tumulambula kudi Yezu. Mmomumue ne: tusamune dina diende mukana muetu katuyi tulekela.

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.