Misambu 117:1 - MUKANDA WA MYIDI MUKULU

¹ Bisamba bionsu, tumbishayi Maweja-Nangila, muimbilayi misambu,

Mukanda wa Nzambi Dihungila Dikulukulu ne Dihungila Dihia-dihia 2003

¹ Tumbishai Yehowa, nuenu ba mu bisamba bionso bia bantu! Numutumbishe, nuenu bukua bantu bonso!

Misambu 117:1 ပူးပေါင်းရင်းမြစ်များ

Misambu 150:6

Bionsu bidi ne muoyi bitumbishe Maweja-Nangila! Tumbishayi Maweja-Nangila, Aleluya!

Misambu 66:1

Musambu wa mu mukanda wa mulombodi wa bena misambu. Bantu bonsu ba pa buloba, kokuelayi Mvidi Mukulu.

Misambu 66:4

Maweja-Nangila, bantu bonsu ba pa buloba, bakukukuile, bakuimbile misambu, bakutumbishe!”

Misambu 67:3

Nanku pa buloba bujima nebamanye muudi utulombola. Bisamba bionsu nebimanye ne: udi utupandisha.

Misambu 86:9

Wakafuka bisamba bionsu, nebifike bua kukukukuila, ne kukutumbisha wewe Maweja-Nangila.

Rome 15:11

Udi wamba kabidi ne: “Nuenu bena matunga onsu, tumbishayi Maweja-Nangila. Bisamba bionsu bimusamune!”

Didimanyisha 15:4

Maweja-Nangila, wabenga kukutshina nnganyi? Wabenga kukunemeka udiku anyi? Bualu Wewe nkayebe udi wa tshijila. Bisamba bionsu nebikukukuile, bualu bantu bonsu badi bamona patoke malu mimpe audi wenza.”

Didimanyisha 5:9

Bavua bimba musambu mupiamupia, bamba ne: “Wewe udi muakanyine kuangata mukanda, kulamuna bitampi biawu. Bavua bakushipe. Nanku ku lufu luebe, Wewe kupikuila Mvidi Mukulu bantu, ba meku onsu, ba miakulu yonsu, ba bisamba bionsu, ne ba mu matunga onsu.