Misambu 116:5 - MUKANDA WA MYIDI MUKULU

⁵ Maweja-Nangila udi ne muoyi muimpe, udi ukumbaja bivuaye mulaye, Mvidi Mukulu wetu udi ufuila bantu luse.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Yehowa udi ne dinanga, udi muakane; Nzambi wetu udi ufuila bantu luse.

Misambu 116:5 ပူးပေါင်းရင်းမြစ်များ

Ezela 9:15

Lelu, Maweja-Nangila Mvidi Mukulu wa Izrayele, bu muudi ne luse, udi muanyishe bua bamue ba kutudi bashale ne muoyi. Tudi bimane kumpala kuebe, tuetu bena mibi. Kadi bu wewe kuyi ne luse, muntu nansha umue kavua mua kuimana kumpala kuebe ne bubi bua mushindu ewu.”

Nehemya 9:17

Bavua babenga kuyitumikila. Kabavua bavuluke malu a dikema, auvua mubenzele. Kukutombokelabu. Bavua basue kupingana mu Ejipitu mu bupika. Kadi wewe, udi Mvidi Mukulu udi ubuikila bubi bua bantu, udi ne luse ne dinanga, lutulu ne muoyi mulenga. Nanku, kuena mubalengulule to.

Nehemya 9:31

Kadi bu mudi dinanga diebe kadiyi ndekelu, wewe kuena mubabutule to. Kuena mubalekele, bualu udi Mvidi Mukulu wa luse ne dinanga.

Nehemya 9:33

Mu malu onsu adi matukuate, wewe udi wenza amu biakane. Nansha tuetu bakubenge, wewe uvua anu utukeba, utunanga.

Nehemya 9:8

Wewe kujadika muvuaye mukuitabe ne muoyi umue. Nanku wewe kutua nende ndondu: kumulaya bua kumupesha ditunga dia bena Kenaane, bena Iti, bena Amore, bena Perizi, bena Yebusa ne bena Ngirgashi, bua ndelanganyi yende isombemu. Wewe kukumbaja biuvua muambe, bualu wewe udi wa diyi dimue.

Misambu 103:8

Maweja-Nangila udi luse ne dinanga, kena upia tshiji lukasa, udi ne luse lua bungi.

Misambu 112:4

Munya udi utema mu miidima bua kutokeshila bantu bakane, Maweja-Nangila udi ne dinanga, udi ufuila bantu luse.

Misambu 115:1

Maweja-Nangila kabatutumbishi tuetu, kabatutumbishi to, bakutumbishe amu wewe. Bualu wewe udi utunanga, muikale kabidi muena diyi dimue.

Misambu 119:137

Maweja-Nangila, udi muakane, mapangadika ebe adi makane.

Misambu 145:17

Buakane bua Maweja-Nangila budi bumueneka, mu malu onsu adiye wenza. Bulenga buende budi budileja mu midimu yende yonsu.

Misambu 86:15

Kadi wewe, Maweja-Nangila, Mvidi Mukulu udi ufuila bantu luse, wa lutulu, muwule tente ne buimpe, ulama malaya ebe,

Misambu 86:5

Maweja-Nangila wewe udi muakane, udi ne muoyi wa kufuila bantu luse, ne wa kupesha badi bakubikila bintu.

Yeshaya 45:21

Buelayi mu bipangu, nukebe tshinudi mua kuamba bua kudibingisha! Kadi uvua munumanyishe ku kale bidi bienzeka lelu nnganyi? Uvua mubisokolole bangabanga ne kuenzekabi nnganyi? Ki mmeme Maweja-Nangila anyi? Kakuena Mvidi Mukulu mukuabu to, amu meme. Mvidi Mukulu wa diyi dimue, Mvidi Mukulu udi usungidilangana, kenaku, amu meme.

Yirmeya 12:1

Maweja-Nangila wewe udi amu mubinge, tshiena mua kukuasa tshilumbu. Kadi ndi musue anu kukuela lukonku pa malu audi wenza. Mudi bantu badi kabayi balonda mikenji yebe bapeta dikasa dimpe mmunyi? Badi bakutombokela badi basomba talalaa bua tshinyi?

Danyele 9:14

Ke paudi mututumine amu makenga aa. Bualu wewe Maweja-Nangila, Mvidi Mukulu wetu, udi ne diyi dimue mu malu onsu audi wenza. Kadi tuetu katuvua batumikile meyi ebe!

Danyele 9:7

Wewe Maweja-Nangila, kuena ne tshilema! Tuetu tudi ne bua kudipuekesha, bu mutudi tuenza lelu. Tuetu bonsu tudi ne bua kuenza nanku, ne badi mu Yerushalayime ne mu Yuda, ne bena Izrayele bakuabu bonsu badi pabuipi ne badi kule, ne badi batangalake mu matunga auvua mubatume bua dikutombokela diabu.

Danyele 9:9

Kadi wewe Maweja-Nangila, Mvidi Mukulu wetu, bu muudi utunanga, udi utufuila luse, nansha tuetu bakutombokele.

Efeze 2:4

Kadi Mvidi Mukulu udi ne luse lunene, kabidi udi utunanga bikole.

1 Timote 1:14

Nanku Mfumu wetu kunnanga ne dinanga dipite bunene. Kumpeshaye ditaba ne dinanga, bitudi tupeta patudi tudisanga ne Yezu Kristu.

1 Yone 1:9

Kadi tuetu batondele Mvidi Mukulu mibi yetu, tudi mua kutekemena ne: Mvidi Mukulu neakumbaje bivuaye mulaye. Neatujimijile mibi yetu; neatupikule ku bubi buonsu.