Misambu 113:9 - MUKANDA WA MYIDI MUKULU

⁹ Udi upesha mukaji udi kayi mulele nzubu, umupa disanka dia mamu wa bana. Tumbishayi Maweja-Nangila, Aleluya!

Mukanda wa Nzambi Dihungila Dikulukulu ne Dihungila Dihia-dihia 2003

⁹ Udi ushikamisha mukashi udi nkumba mu nsubu, umuvuisha muledi wa bana udi ne disanka. Tumbishai Yehowa!

Misambu 113:9 ပူးပေါင်းရင်းမြစ်များ

Genese 25:21

Kadi bu muvua Rebeka muikale nkumba, Izake kutendelela Maweja-Nangila bua mukajende awu alele muana. Maweja-Nangila kuitaba dilomba adi. Rebeka kuimita difu dia bana ba mapasa.

2 Bakalenga 4:17

Mukaji awu, kuimita difu. Tshidimu tshikuabu, anu tshikondu tshia mumue atshi, kulelaye muana wa balume muvua muambi Elisha mumuambile.

Misambu 68:6

Mvidi Mukulu udi usomba mu nzubu wende wa tshijila. Udi Tatu wa bana ba nshiya, ulumbuluila bakamba.

Yeshaya 54:1

Wewe Yerushalayime, ukavua bu mukaji uvua kayi ne bana. Ela mbila mikole ya disanka. Wewe uvua kuyi ulela kabidi bana ba balume, Sankaku amu kusanka. Bualu Maweja-Nangila udi wamba ne: “Wewe mukaji mudiombola, udi ne bana ba bungi mpindiewu, bapite ba mukaji udibu banange kudi bayende.”

Dibadika 5:28

Kadi pikalaye kayi mumanye bualu, kayi mudinyange, mayi a bululu aa kaena amuenzela bualu to. Nealele bana.

Ngalate 4:27

Bualu Mikanda ya tshijila idi yamba ne: “Sankaku, wewe mukaji udi kuyi ne bana! Ela mbila ya disanka, wewe udi kuyi mumvue dikenga dia pa kulela! Bualu mukaji muabu babenge, neikale ne bana bavule, bapite ba mukaji udi bayende munange.”

1 Samuele 2:5

Bavua badia bukuta, badi bakeba mudimu bua kupeta biakudia. Kadi bavua ne nzala, kabena ne bua kukuata mudimu kabidi to. Mukaji wa nkumba udi ulela, bana muanda mutekete, kadi mukaji uvua ne bana ba bungi, udi ushala nkumba.