Misambu 113:4 - MUKANDA WA MYIDI MUKULU

⁴ Maweja-Nangila udi ku mutu kua bisamba bionsu bia bantu, butumbi buende mbupite too ne diulu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Yehowa udi mulu ku mutu kua bisamba bionso bia bantu, butumbi buandi budi ku mutu kua bidi mu diulu.

Misambu 113:4 ပူးပေါင်းရင်းမြစ်များ

1 Bakalenga 8:27

“Kadi Maweja-Nangila udi mua kusomba pa buloba anyi? Diulu, nansha diodi dialabale, kadiena mua kumukumbana to! Mudiye mua kusomba mu kazubu kandi muibake aka mbishi?

Misambu 148:13

Tumbishayi Maweja-Nangila, bualu yeye nkayende ke udi ne dina dia lumu. Udi ne buneme pa buloba ne mu diulu.

Misambu 8:1

Musambu wa mu mukanda wa mulombodi wa misambu, wa kuimba ne lunkombe lua Ngate. Musambu wa mu mukanda wa misambu ya Davide.

Misambu 97:9

Bualu wewe Maweja-Nangila, ke udi Mvidi Mukulu Muena kulu pa buloba bujima, udi ku mutu kua mvidie.

Misambu 99:2

Maweja-Nangila udi munene mu Siyone, — Eyowa, udi ku mutu kua bantu bonsu.

Yeshaya 40:15

Kumpala kua Maweja-Nangila, bisamba bia bantu, bidi amu bu dimata dia mayi, didi dimata mu mbeketshi, nansha bu kasoka ka lusenga, kadibu bateka pa dilongu dia tshitempelu. Bantu ba kulekule, badi amu ne bujitu bu bua lupuishi lukese.

Yeshaya 40:17

Bisamba bionsu bisanga pamue, kabiena ne bujitu ku mesu ende. Bidi amu kajitu ka patupu.

Yeshaya 40:22

Ke Maweja-Nangila udi usomba mu nkuasa wende, kulu kule ku mutu kua buloba. Udi umona bantu pa buloba, bamueneka bu tunkenene. Udi ubalula diulu, bu tshilamba tshinene tshidibu bakudika. Udi utshibalula bu ntenta, bua bantu basombe muinshi muatshi.

Yeshaya 66:1

Maweja-Nangila udi wamba ne: “Diulu didi nkuasa wanyi wa bukalenga, buloba ntshitekelu tshia makasa anyi. Nzubu unudi mua kungashila meme, nnzubu kaayi? Muaba undi meme mua kusomba mmuaba kaayi?