Misambu 111:2 - MUKANDA WA MYIDI MUKULU

² Malu adi Maweja-Nangila muenze adi manene, bantu badi baamone badi baanyishe.

Mukanda wa Nzambi Dihungila Dikulukulu ne Dihungila Dihia-dihia 2003

² Midimu ya Yehowa idi minene, idi mikononona kudi bonso badi basanka bualu buai.

Misambu 111:2 ပူးပေါင်းရင်းမြစ်များ

Yobe 37:14

Yobe, bionsu ebi ubiteleje ne ntema. Juka, utangile malu a dikema adi Mvidi Mukulu muenze.

Yobe 37:7

Udi upumbisha bantu bua kuenza mudimu, bua bantu bonsu bakeme mudimu udiye yeye ukuata.

Yobe 5:9

Yeye ke udi wenza malu manene, adi muntu kayi mua kujingulula. Udi wenza bishima bungi kabuyi kubala.

Yobe 9:10

Malu adiye muenze mmanene, muntu kena mua kuajingulula. Kena nansha mua kubala bishima biende bungi buabi.

Misambu 104:24

Maweja-Nangila, mudimu webe udi munene! Udi muenze bionsu ne dimanya dia kuenza bintu bia mpatshi! Buloba mbuwule ne bintu biudi mufuke.

Misambu 104:34

Maweja-Nangila, musambu wanyi ukulengelele, meme ndi ne disanka bua pandi nebe wewe Mvidi Mukulu!

Misambu 107:43

Muntu udi ne meji avuluke malu aa, ajingulule ne Maweja-Nangila udi ne malu mimpe.

Misambu 118:15

Bitabi ba Mvidi Mukulu badi bela mbila ya disanka, mu ntenta yabu bua lupandu ludibu bapete, bamba ne: “Diboku dia Maweja-Nangila nditshimune.

Misambu 139:14

Maweja-Nangila, tuasakidila, bualu udi muenzele mubidi wanyi, malu a dikema. Biudi muenze bidi bia dikema, ndi mubimanye.

Misambu 143:5

Ndi mvuluka matuku akadi mamane kupita, ngela meji a bionsu biudi muenze, nganyina mudimu webe.

Nsumuinu 17:16

Makuta adi mua kuambuluisha muntu mutatakane ku tshinyi? Bua kusumba nawu meji anyi? Kena nansha welaku meji to!

Nsumuinu 24:14

Kadi wavuluka ne: meji mempe neakusankishe kabidi bikole. Pawikala wenza nawu mudimu, neakulongeshe. Neusanke matuku atshidi kumpala. Biudi utekemena neubipete.

Muambi 3:11

Bionsu bidi Mvidi Mukulu muenze bidi bimpe, udi ubikumbaja ne tshikondu tshiabi. Uvua mutupeshe kabidi ne dijinga dia kumanya bia kale ne bitshidi kumpala. Kadi katuena mua kujingulula bionsu bidi Mvidi Mukulu wenza, biangatshile ku ntuadijilu too ne ku ndekelu nansha.

Yeshaya 40:12

Uvua mupime mayi manene mu tshianza tshiende nnganyi? Uvua muidikije diulu ne ntanta wa tshianza tshiende nnganyi? Uvua musangishe dimfuekenya dia buloba mu mbeketshi, bua kudipima nnganyi? Uvua muteke mikuna minene ne mikese pa tshipiminu nnganyi?

Danyele 4:3

Meme kutuma diyi bua bena meji bonsu ba mu Babilone bafike kundi bua kunjanduila tshilota.

Rome 1:28

Bu muyuabu babenga kumanya Mvidi Mukulu, Mvidi Mukulu mmubafile ku butshimbakane, bua kuenzabu bivuabu kabayi mua kuenza.

Rome 8:6

Kukeba bidi buntu buetu nkayabu bujinga, kudi kufikisha bantu ku lufu. Kadi kukeba bidi Mueyelu wa Tshijila musue, kudi kubafikisha ku muoyi ne ku ditalala.

Efeze 1:19

Nenumanye kabidi bukole busunguluke budiye utuambuluisha nabu, tuetu badi bamuitaba. Bobu mene ke buvuaye muleje muende muonsu,

Didimanyisha 15:3

Bavua bimba musambu wa Moshe, muntu wa Mvidi Mukulu, kabidi ne musambu wa Muana wa mukoku ne: “Maweja-Nangila Mvidi Mukulu wa bukole buonsu, udi muenze malu manene a dikema! Mukalenga wa bisamba bionsu, malu audi wela meji, ne audi ukumbaja, adi mimpe, aleja muudi muena diyi dimue.