Misambu 111:1 - MUKANDA WA MYIDI MUKULU

¹ Aleluya, Maweja-Nangila ikale ne muoyi! Nensakidile Maweja-Nangila ne muoyi wanji mujima, munkatshi mua bantu bakane badi basangile.

Mukanda wa Nzambi Dihungila Dikulukulu ne Dihungila Dihia-dihia 2003

¹ Tumbishai Yehowa! Nensakidile Yehowa ne mutshima wanyi mujime, mu tshihangu tshia bantu bakane ne mu disangisha diabo.

Misambu 111:1 ပူးပေါင်းရင်းမြစ်များ

Misambu 138:1

Musambu wa mu mukanda wa misambu ya Davide. Maweja-Nangila, ndi nkutumbisha ne muoyi wanyi mujima. Ku mesu kua batumibue ba mu diulu ndi nkutumbisha ne misambu,

Misambu 149:1

Tumbishayi Maweja-Nangila, Aleluya! Imbilayi Maweja-Nangila musambu mupiamupia. Bantu batumbishe Maweja-Nangila muaba udi bena diende basangile!

Misambu 109:30

Nensakidile Maweja-Nangila ne diyi dikole, nemmutumbishe munkatshi mua tshisumbu tshia bantu.

Misambu 106:1

Tumbishayi Maweja-Nangila, Aleluya! Tumbishayi Maweja-Nangila bualu udi ne malu makane, dinanga diende kadiena ne ndekelu.

Misambu 108:3

Lunzenze luanyi ne lunkombe luanyi, tabalayi, bualu nengambile kabundubundu bua kutabalaku.

Misambu 89:5

Nenjadike umue wa ku ndelanganyi yebe mu bukalenga tshiendelele. Nenteke bantu ba ku ndelanganyi yebe mu bumfumu buebe, mu bikondu bionsu.”

Misambu 35:18

Nanku nenkuele tuasakidila muaba udi bantu bebe basangile. Nenkutumbishe, bonsu bateleje.

Misambu 106:48

Maweja-Nangila Mvidi Mukulu wa bena Izrayele, tuasakidila! Nuele Maweja-Nangila tuasakidila misangu yonsu. Bantu bonsu bambe ne: “Amene, eyo, bikale nanku! Tutumbishayi Mvidi Mukulu, Aleluya!”

Misambu 89:7

Maweja-Nangila, kuena ne wa kukuidikija nende mu diulu amu, nansha ku bamvidie bonsu, kakuena mvidie udi bu wewe.

Misambu 22:25

Bualu kavua mupepeje nansha mupetule bapela, kavua mubele nyima! Kadi uvua muteleje lubila luabu!”

Misambu 107:32

Bamutembe mu bisangilu biabu, bamutumbishe mu tshipangu tshia bakulu.

Misambu 9:1

Musambu wa mu mukanda wa mulombodi wa bena misambu, wa kuimba ne meyi matue. Musambu wa mu mukanda wa misambu ya Davide.

Misambu 103:1

Musambu wa mu mukanda wa misambu ya Davide. Ndi musue kuela Maweja-Nangila tuasakidila, ndi musue kuela Mvidi Mukulu tuasakidila ne muoyi wanyi onsu.

Misambu 22:23

Nanku nemmanyishe bana betu biuvua muenze! Nenkutumbishe, bantu bateleja: