Misambu 110:6 - MUKANDA WA MYIDI MUKULU

⁶ udi ulumbuluisha bisamba bia bantu, uwuje bibandabanda tente ne bitalu, uboza bamfumu mu ditunga dijima.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Nealumbuluishe ba mu bisamba bia bantu, neûshe maloba abo tente ne bitalu. Neatekeshe badi ku mutu kua buloba butantakane.

Misambu 110:6 ပူးပေါင်းရင်းမြစ်များ

Genese 3:15

Nenteke lukuna pankatshi pebe ne mukaji, pankatshi pa ndelanganyi yebe ne yende. Kabidi muana wa ku ndelanganyi ya mukaji neaboze mutu webe, wewe pebe neumusume ku tshikankanya.

Misambu 68:21

Yeye ke Mvidi Mukulu udi utupandisha, ke Maweja-Nangila udi ne bukole bua kutusungidila ku lufu.

Misambu 68:22

Kadi Mvidi Mukulu neabose mitu mikale ne nsuki mile ya baluishi bende, neazaze tubalubalu tua mitu ya benji ba bibi.

Yeshaya 11:3

Disanka diende didi dia kunemeka Maweja-Nangila. Kena ukosa nsambu anu ku bidi bimueneka kudi bantu to. Kena ukosa tshilumbu ku biambamba bia bantu.

Yeshaya 2:4

Neakose nsambu ya bisamba pa yoyi, nealumbuluishe bantu bonsu. Nebandamune mafuma abu, ne miele ya mvita, bishale nkasu ne bikasu, bia kudima ne kunowa nabi. Tshisamba katshitshiena tshiluisha tshikuabu. Bantu kabatshiena balongeshangana mvita.

Yeshaya 42:1

Maweja-Nangila udi wamba ne: Tangila muntu wanyi. Ndi mumukoleshe. Ndi mumunange, mumusungule. Ndi mumuwuje ne Mueyelu wanyi, bua kumanyishaye bukua bisamba bilenga bindi mulongoluele bantu.

Yeshaya 42:4

Kakuteketa mu maboku, kakupungila, too ne muabuejaye malu malenga pa buloba bujima. Bantu ba ku matunga a kule, badi amu bamuindila, bua abalongeshe.

Yeshaya 51:5

Nkadi pabuipi, nkadi pa kunupandisha. Nkadi pa kutshimuna baluishi benu. Bantu badi basomba mu matunga a kule, nembaleje njila mululame. Badi basomba mu bidiila bidi kule kuaka, nebatekemene kundi bua meme kubasungidila.

Yeshaya 66:24

Nenku nebafike bua kumona bitalu bia bantu bavua bantombokele. Tshikusu tshidi tshibikunya katshiena mua kufua to. Kapia kadi kabiosha, kakena kajima lukasa to. Bidibu bamone nebikuatshishe bantu bonsu buowa.

Yezekiyele 39:4

Nanku wewe, tshiluilu tshiebe tshionsu, ne bantu ba mu bisamba bivule biudi nabi, nenufuile pa mikuna ya mu Izrayele. Nentume nyunyi midianganyi ne nyama ya muitu, bua idie bitalu bienu.

Mika 4:3

Yeye nealumbuluishe bisamba bia bantu ba bungi. Neakose bilumbu bia bisamba binene, nansha bidi kule mene. Miele yabu ya mvita, nebayifule nkasu ya kudima nayi. Mafuma abu, nebaafule miele ya kusolela nayi matamba a mionji ya mvinyo. Tshisamba katshiena tshiluisha kabidi tshikuabu. Bantu kabena balonga kabidi mua kuluangana mvita.

Abakuke 3:13

Kadi udi ufika bua kusungila bantu bebe, ne mukalenga uudi musungule, mujidile. Udi ushipa mukalenga wa tshisamba tshia bena buenzayi, ubutula kashidi bonsu badi bamulonda.

Yowanane 5:22

Tatu kena ulumbuluisha muntu; kadi mmupeshe Muana bumfumu buonsu bua kulumbuluisha bantu,

Didimanyisha 14:20

Bavua bazajila tumuma mu tshikaminu ku mpenga kua tshimenga. Mashi kupatuka mu tshikaminu, menza musulu. Kupuekawu mutantshi wa kilometre nkama isatu, mikale ne buondoke bua metre umue ne tshitupa.

Didimanyisha 19:11

Pashishe meme kumona diulu diunzuluka, kabalu katoke kamuenekamu. Udi mubandepu badi bamuinyika: Wa diyi dimue, Wa malu malelela; udi ukosa nsambu pa yoyi, uluangana mvita amu pa bualu.

1 Samuele 2:10

Maweja-Nangila udi udidisha, makubakuba mu diulu, bua kubutula baluishi bende. Udi mulumbuluishi munene wa buloba bujima. Udi ukolesha mukalenga wa bantu bende mu maboku, udiundisha bukalenga bua udiye musungule.