Misambu 110:4 - MUKANDA WA MYIDI MUKULU

⁴ Maweja-Nangila udi muditshipe, kena mua kuyila: “Wewe udi mutuangaji wa kashidi bu Melkisedeke.”

Mukanda wa Nzambi Dihungila Dikulukulu ne Dihungila Dihia-dihia 2003

⁴ Yehowa wakuditshiha, kena ukudimuna mutshima wandi ne, Wewe udi muakuidi tshiendelele wa ku mulongo wa Melekisedeke.

Misambu 110:4 ပူးပေါင်းရင်းမြစ်များ

Genese 14:18

Nanku Melkisedeke uvua mukalenga wa bena Saleme, muikale kabidi mutuangaji wa bantu ne Mvidi Mukulu muena kulu. Kutuadilaye Abrame mampa ne maluvu.

Misambu 132:11

Maweja-Nangila uvua muditshipe kudi Davide ne mutshipu, udiye kayi mua kulekela ne: “Nensungule umue wa ku bana bebe ba balume, bua kukupinganaye mu bukalenga.

Zekâya 6:13

Eyo, yeye ke wamuasa tshiakabidi. Neavuale bimanyinu bia bukalenga, neasombe mu nkuasa wa bumfumu bua kulombola bantu. Mutuangaji neikale pabuipi nende. Bantu aba babidi nebumvuangane bikole.

Dibadika 23:19

Mvidi Mukulu kena muntu, kena ushima! Kena muana wa Adame, kena ushintulula meji ende. Udi wenza amu mudiye wamba. Udi ukumbaja bionsu bidiye ulaya.

Ebrewu 5:6

Kaba kakuabu uvua muambe kabidi ne: “Newikale mutuangaji kashidi bu muvua Melkisedeke.”

Ebrewu 6:20

Ke muaba uvua Yezu mubuele kumpala kuetu bua kutuleja njila. Udi mutuangaji munene bua kashidi mushindu wa Melkisedeke.

Ebrewu 7:11

Butuangaji bua bena Levi ke mfuki wa mikenji ivuabu bapeshe bena Izrayele. Nanku bu batuangaji ba bena Levi bafike ku bujima buabu, katuvua tukengela mutuangaji mukuabu, mutuangaji wa mushindu wa Melkisedeke, kayi wa mushindu wa Arone.

Ebrewu 7:17

Bualu Mukanda wa tshijila udi wamba ne: “Wewe newikale mutuangaji kashidi mushindu uvua Melkisedeke.”

Ebrewu 7:21

Kadi pavua Mvidi Mukulu muteke Yezu mu butuangaji, uvua muditshipe, bualu mbafunde ne: “Maweja-Nangila mmuditshipe, nanku kena uvila bivuaye muambe ne: ‘Wewe newikale mutuangaji kashidi.’ ”

Ebrewu 7:28

Mikenji ya Moshe idi iteka bantu badi ne bilema mulongu wa batuangaji banene. Kadi miaku ya mutshipu wa Mvidi Mukulu ivuaye muambe kunyima kua mikenji, mmiteke Muana udi mufike ku bujima buende bua kashidi bu mutuangaji munene.

Didimanyisha 1:6

mMutuenze bakalenga ne batuangaji, bua tukuatshile Tatuende Mvidi Mukulu mudimu. Yezu Kristu udi ne butumbi, kabidi ne bukole, mu nkama ne nkama ya bidimu! Amene.