Misambu 108:7 - MUKANDA WA MYIDI MUKULU

⁷ Unsungidile ne tshianza tshiebe tshia balume, ungitabe, bua bantu bebe baudi munange bapande!

Mukanda wa Nzambi Dihungila Dikulukulu ne Dihungila Dihia-dihia 2003

⁷ Nzambi wakuamba dî mu kudijidila kuandi ne, Nentumbe bianyi, nentahulule buloba bua Shekeme, nengabanye tshibanda tshia Sukota.

Misambu 108:7 ပူးပေါင်းရင်းမြစ်များ

Genese 33:17

Kadi Yakobe kuya ku Sukote. Kuasayemu nzubu, kuibakilamu kabidi bimuna bikumbi. Ke padibu babikila muaba awu ne: Sukote, mbuena kuamba ne: bikumbi.

Misambu 60:7

Fika lukasa, leja bukole buebe, utusungidile. Witabe bitudi tukulomba. Nanku bantu baudi unanga nebapande.

Amosa 4:2

Nanku Maweja-Nangila Mvidi Mukulu udi uditshipa ne: “Meme Mvidi Mukulu wa tshijila, ndi nnujadikila bulelela ne: matuku adi kumpala, nebanukoke bonsu, mudibu bakoka mishipa mikuata ku ndobu.

Yoshua 17:7

Buloba bua Menashe buvua butuadijila ku Ashere, buya too ne ku Mikmetate, luseke ludi diba dipatukila lua Shekeme. Kumukila ku Mikmetate, mukalu uvua upuekela kuinshi muditunga, uya too ne ku muaba uvua bena Ene-Tapuwa.

Yoshua 20:7

Bena Izrayele kusungula bimenga bia kunyemena: ke Kedeshe udi mu Ngalileya luseke lua mikuna ya Naftali; Shekeme luseke lua mikuna ya Efrayime; ne Kiriyate-Arba uvuabu binyika kabidi Ebrone, luseke lua mikuna ya Yuda.

Yoshua 24:1

Yoshuwa kukunguja bisamba bionsu bia bena Izrayele ku Shekeme. Kubikidishaye bakulu, bamfumu, balumbuluishi, ne balombodi ba bena mvita ba bena Izrayele. Kufikabu bonsu muaba uvua Mvidi Mukulu.

1 Petro 1:3

Tutumbishayi Mvidi Mukulu, Tatu wa Mfumu wetu Yezu Kristu! Bu mudiye ne luse luvule, mmutupe muoyi mupiamupia pa kubisha Yezu Kristu ku bafue. Ke mutudi mua kutekemena bikole,

1 Petro 1:8

Kanuyi banji kumona Yezu Kristu, nudi numunanga; kanuyi numumona mpindiewu, nudi numuitaba. Ke panudi nusanka nutshionkomoka kabiyi mua kuamba.