Misambu 108:6 - MUKANDA WA MYIDI MUKULU

⁶ Mvidi Mukulu leja bunene buebe budi bupite diulu, butumbi buebe bukenkeshe buloba bujima!

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bua bantu bebe baudi munange bahandishibue, ubasungile ne tshianza tshiebe tshia bukole, ungitabe.

Misambu 108:6 ပူးပေါင်းရင်းမြစ်များ

2 Samuele 12:25

Maweja-Nangila kuambila muambi Natane bua amanyishe Davide bualu ebu. Bu muvua Maweja-Nangila munange muana ewu, muambi Natane kumuinyika dina dikuabu ne: Yedidiya, mmumue ne: “Muana udi Maweja-Nangila munange.”

1 Bakalenga 18:24

Bambi ba Baale nebalombe mvidie wabu, meme nendombe Maweja-Nangila. Nanku, Mvidi Mukulu witaba ku malomba, watemesha kapia, asangane Mvidi Mukulu mulelela kuenza anyi? Bantu bonsu ne: — Enzee.

1 Bakalenga 18:26

Bambi ba Baale, kuangata ngombe uvuabu babapesha. Kulongololabu mulambu. Pashishe, kulombabu kapia kudi Baale biangatshile ku dinda too ne munda munya, bamba ne: “Mvidie Baale wetu utuitabe!” Bavua baja maja, banyunguluke tshilambuilu tshivuabu bibake. Kadi, mvidie Baale kena mubandamune diyi nansha dimue to.

1 Bakalenga 18:29

Diba dia munda munya dimane kupita, kubikilabu kabidi mvidie Baale bikole, bamutendakena too ne ku dilolu diba didibu balambula. Kadi, mvidie Baale kena mubandamune diyi nansha dimue: kena mubambile bualu, kena mubaleje nansha tshimanyinu to.

Misambu 54:1

Musambu wa mu mukanda wa mulombodi wa bena misambu. Wa kuimba ne nzenze. Kasala ka mu mukanda wa misambu ya Davide.

Misambu 57:6

Mvidi Mukulu, leja bumfumu buebe budi bupite diulu, ne butumbi buebe budi bukenka pa buloba bujima.

Ekesode 15:6

Maweja-Nangila, tshianza tshiebe tshia balume tshidi ne bukole, tshidi tshibutula baluishi bebe.

Yeshaya 65:24

Kabayi banji kumbikila, meme nembitabe. Kabayi banji kujikija dindomba, meme nkadi mumane kumvua.

Yirmeya 33:3

Umbikile meme, nenkuandamune. Nenkujinguluile malu manene masokoka audi kuyi mumanye to.

Matayi 17:5

Patshivua Petro wakula, divuba dikenka kubabuikila. Diyi kumvuika mu divuba ne: — Ewu ke Muananyi menemene, undi munange. Yeye udi unsankisha bikole. Numuteleje.

Matayi 3:17

Ke diyi kumvuika mu diulu, diamba ne: — Ewu ke Muananyi undi munange. Yeye ke udi unsankisha bikole.

Rome 1:7

Nuenu bonsu badi mu Rome, badi Mvidi Mukulu unanga, badiye mubikile bua nuikale bende ba tshijila, ndi nnutumina mukanda ewu. Dinanga ne bupole bia kudi Mvidi Mukulu Tatu wetu, ne bia kudi Mfumu Yezu Kristu, bishindame munda muenu.

Efeze 1:6

Nanku tutumbishayi Mvidi Mukulu bua ditunanga diende dia dikema, divuaye mutulejile bimpe bitambe mu Muanende munanga.

Dielulula 33:12

Moshe kuela ndelanganyi ya Binyamine lupemba, wamba ne: “Binyamine ntshisamba tshidi Maweja-Nangila mupite kunanga. Badi basomba talala pabuipi ne Mvidi Mukulu wabu. Maweja-Nangila udi ubalama matuku onsu, usomba munkatshi muabu.”

Kolose 3:12

Nudi bena Tshisumbu tshia bantu ba Mvidi Mukulu. Mvidi Mukulu mmununange; mmunusungule bua nuikale bende. Nanku nudi ne bua kuikala ne muoyi wa luse, wa dinanga, wa bupuekele, wa bupole, ne wa lutuulu.