Misambu 107:7 - MUKANDA WA MYIDI MUKULU

⁷ Kubalombolaye mu njila mululame, wa kuya ku musoku udi bantu basombe.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Yeye wakabalombola mu nshila mululame, bua bamanye mua kufika mu musoko wa kushikamabo.

Misambu 107:7 ပူးပေါင်းရင်းမြစ်များ

Nehemya 11:3

Bamfumu ba buloba bavua basombe mu Yerushalayime. Kadi bena Izrayele bakuabu: batuangaji, bena Levi, bena midimu mikuabu ya mu nzubu wa Mvidi Mukulu, too ne bantu ba ku ndelanganyi ya bena mudimu ba Shelomu, bavua basombe mu misoku yabu, muntu muende, muntu muende.

Misambu 107:36

Udi usombesha badi ne nzala mu miaba eyi, basamu nzubu ya kusomba.

Misambu 107:4

Kulalakanabu mu tshipela, mu njila ya lusenga, nanshabu kumona njila wa kuya ku musoku uvua bantu basombe.

Misambu 136:16

Kulombolaye tshisa tshiende mu tshipela, bualu dinanga diende ndia kashidi.

Misambu 77:20

Mvidi Mukulu uvua mupande njila mu mayi manene, uvua wendela muinshi mua mayi manene muntu kavua mua kumona dikasa diebe.

Misambu 78:52

Pashishe kutumaye bantu bende, bu tshisumbu tshia mikoku tshidi tshipatuka mu tshikumbi, kuyaye ne bantu bende mu tshipela bu mudi muntu ulombola mikoku yende.

Yeshaya 30:21

Panuakeba kuya, ku dia balume nansha ku dia bakaji, nenumvue miaku eyi ifumina kunyima kuenu, yamba ne: “Ke njila unudi ne bua kulonda ewu.”

Yeshaya 32:18

Bantu ba Maweja-Nangila nebasombe talalaa, muaba udi bupole ne dikisha, muaba udibu kabayi ne lutatu nansha lukese.

Yeshaya 48:17

Wa tshijila wa bena Izrayele, Maweja-Nangila, uvua muangate bualu buenu ne manza abidi. Ke yeye udi ukuambila ne: “Meme Maweja-Nangila ndi Mvidi Mukulu webe. Meme ndi nkulongesha, malu adi ne bua kukulengelela. Meme ndi nya nebe mu njila uudi ne bua kulonda.

Yirmeya 31:24

Nanku bantu nebasombe mu bimenga, nebasombe mu ditunga. Bakuabu nebasombe mu mpata, badima. Balami ba mikoku bobu kabidi nebendakane mu mpata ne bisumbu biabu bia mikoku.

Yirmeya 31:9

Badi bapingana badila muadi, kadi meme ndi ngenda nabu, mbasamba. Nembafile ku misulu idi ne mayi mavule. Ndi mbafile mu njila muimpe, udi kayi ne biniina, bua kabayi kudishinda. Bualu meme ndi tatu wa bena Izrayele. Efrayime ke muananyi muanabute.

Yirmeya 6:16

Maweja-Nangila udi wamba ne: Anji imanayi mu njila. Nuele meji a bivua binuenzekele kale. Nukonke bankambua benu. Nanku nusungule njila muimpe. Nulonde njila awu bua nupete dikisha. Kadi kubengabu bamba ne: “Katuena tulonda njila muimpe to.”

Dibadika 9:22

Pavua divuba adi dishale muaba wa tshijila matuku abidi, ngondu mujima, nansha matuku mapite bungi, bena Izrayele bavua anu basombe, bindile bua divuba dibande.

Ebrewu 11:16

Kadi batata bajinga ditunga ditambe buimpe, mbuena kuamba ne: ditunga dia mu diulu. Ke padi Mvidi Mukulu kayi umvua bundu padibu bamubikila ne: mMvidi Mukulu wetu, bualu mmubalongoluele tshimenga.

Ebrewu 12:22

Kadi nuenu nudi basemena pabuipi ne mukuna wa Siyone, kabidi ne tshimenga tshia Mvidi Mukulu wa muoyi, ke Yerushalayime wa mu diulu, muaba udi batumibue ba Mvidi Mukulu binunu ne binunu.

2 Petro 2:15

Badi bantu bapambuke. mBumuke mu njila mululame bua kulonda njila mubi, uvuabu balonda kudi Balaame, muana wa Bozore, uvua munange makuta avuabu ne bua kumufuta bua malu ende mabi.

2 Petro 2:21

Bivua bimpe bipite bua kabamanyi njila mululame, pa mutu pa kumumanya, kadi kushisha kubenga mikenji ya tshijila ivuabu babamanyishe.