Misambu 107:1 - MUKANDA WA MYIDI MUKULU

¹ Maweja-Nangila, tuasakidila, bualu udi ne malu mimpe, dinanga diebe kadiena ne ndekelu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Sakidilai bienu Yehowa, bualu bua yeye udi muimpe; bua luse luandi ludi lujalame tshiendelele.

Misambu 107:1 ပူးပေါင်းရင်းမြစ်များ

1 Kulondolola 16:34

Tumbishayi Maweja-Nangila, bualu mmulenga, dinanga diende ndia kashidi.

1 Kulondolola 16:41

Bavua ne Emane, Yedutune ne bantu bakuabu bavuabu basungule amu bua batumbishe Maweja-Nangila, bua dinanga diende dia kashidi.

2 Kulondolola 20:21

Yosafate kumyuangana ne bantu, kuteka bena misambu kumpala kua bena mvita. Bena misambu bavua bavuale bilamba bia tshijila, batumbisha Maweja-Nangila, bamba ne: “Tumbishayi Maweja-Nangila, bualu dinanga diende ndia kashidi!”

2 Kulondolola 5:13

Bonsu, bedi ba mpungi ne bimbi bakuabu, kuimbabu pamue, bua kusamuna ne kutumbisha Maweja-Nangila. Bavua bimba misambu, bela mpungi, ludibu ne biombelu, bamba ne: “Tumbishayi, Maweja-Nangila, bualu mmulenga. Dinanga diende ndia kashidi”. Diba adi, divuba kuwula mu nzubu wa Mvidi Mukulu tente.

2 Kulondolola 7:3

Bena Izrayele bonsu bavua muaba awu, kumonabu kapia kafumina mu diulu, butumbi bua Maweja-Nangila bukenka mu nzubu wa Mvidi Mukulu. Diakamue, kutuabu binu panshi, kuinyika mitu panshi bua kutendelela Maweja-Nangila, kumutumbisha bua bulenga buende ne bua dinanga diende didi kadiyi dijika.

2 Kulondolola 7:6

Batuangaji bavua anu pa miaba Kuabu benzela mudimu. Bena Levi bavua bimba biombelu bia tshijila, bivua mukalenga Davide muenzeje. Bavua batumbisha Maweja-Nangila, bua dinanga diende didi kadiyi ne ndekelu, bilondeshile musambu uvua Davide mubalongeshe. Batuangaji bavua bela mpungi, batangilangane ne bena Levi aba. Bantu bonsu bavua amu bimane kulu.

Misambu 100:5

Bualu Maweja-Nangila udi ne malu makane, dinanga diende kadiena ne ndekelu, bulelela buende budi bushala bikondu bionsu.

Misambu 103:17

Kadi malu mimpe a Maweja-Nangila adi ashala bikondu bionsu kudi badi bamunemeka. Buakane buende budi bujama kudi bana ba bana babu,

Misambu 105:1

Tumbishayi Maweja-Nangila, kobuelayi dina diende, numanyishe bantu bakuabu malu a kukema adiye muenze.

Misambu 106:1

Tumbishayi Maweja-Nangila, Aleluya! Tumbishayi Maweja-Nangila bualu udi ne malu makane, dinanga diende kadiena ne ndekelu.

Misambu 118:1

Tumbishayi Maweja-Nangila, bualu udi mulenga, dinanga diende ndia kashidi.

Misambu 119:68

Maweja-Nangila, udi muimpe, wenza malu mimpe, undongeshe biudi musue.

Matayi 19:17

Yezu kumuebeja ne: — Udi unkonka bua kumanya bualu budi buimpe bua tshinyi? Udi muimpe udi amu umue. Pawikala musue kupeta muoyi kudiye, itaba ku mikenji yende.

Luke 1:50

Ku ndelanganyi ne ndelanganyi muoyi wende mulenga udi kudi bonsu badi bamunemeka.