Misambu 106:44 - MUKANDA WA MYIDI MUKULU

⁴⁴ Maweja-Nangila kumvua miadi yabu, kumonaye dikenga diabu.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁴ Kadi yeye wakamona dikenga diabo hakunvueye muadi wabo.

Misambu 106:44 ပူးပေါင်းရင်းမြစ်များ

2 Kulondolola 6:25

wewe Maweja-Nangila udi mu diulu, wikale muteleje. Ubajimijile mibi yabu. Ubapingajile maloba auvua mumane kupesha kale bankambua babu, mubapeshe ne bobu kabidi, bualu bena Izrayele mbantu bebe.

Misambu 107:13

Nenku mu dikenga diabu, kubikilabu Maweja-Nangila, yeye kubasungidila mu dikenga.

Misambu 107:19

Nenku mu dikenga diabu, kubikilabu Maweja-Nangila ne mbila mikole, yeye kubasungidila ku dikenga diabu.

Misambu 107:28

Nenku mu dikenga diabu kubikilabu Maweja-Nangila, yeye kubasungidila ku dikenga.

Misambu 107:6

Nenku mu dikenga diabu, kubikilabu Maweja-Nangila yeye kubapandisha ku dikenga.

Misambu 136:23

Patuvua mu dikenga kutuvulukaye, bualu dinanga diende ndia kashidi,

Balombodi 2:18

Misangu yonsu ivua Maweja-Nangila utumina bena Izrayele mulombodi, Maweja-Nangila nkayende uvua ku luseke lua mulombodi awu. Nanku Maweja-Nangila ke uvua usungidila bena Izrayele mu bianza bia baluishi, matuku onsu avua mulombodi awu ne muoyi. Maweja-Nangila uvua ufuila bena Izrayele luse, pavua-bu badila, banyingalala bua mushindu uvuabu babakengesha kudi baluishi babu.

Balombodi 3:9

Bena Izrayele kudila, kubikila Maweja-Nangila bua abambuluishe. Maweja-Nangila kubatumina Otniyele, muana wa Kenaze (Kenaze mmuakunyi wa Kalebe), bua abasungidile.

Balombodi 4:3

Yabine uvua ne matempu a mvita a biamu nkama tshitema. Uvua mukengeshe bena Izrayele bikole bidimu makumi abidi. Nanku bena Izrayele kubikila Maweja-Nangila bua abambuluishe.

1 Samuele 9:16

“Malaba anu pa diba ditudi edi, nenkutumine muntu wa mu tshisamba tshia Binyamine. Wewe neumujidile bua ikale mukalenga wa bantu banyi bena Izrayele. Neabumushe ku bumfumu bua bena Peleshete. Bualu bantu banyi bena Izrayele, mbambikila bua meme kubambuluisha, kabidi ndi mumone dikenga diabu.”