Misambu 106:3 - MUKANDA WA MYIDI MUKULU

³ Badi bakosa nsambu biakane, ne badi benza malu makane misangu yonsu badi ne disanka.

Mukanda wa Nzambi Dihungila Dikulukulu ne Dihungila Dihia-dihia 2003

³ Disanka didi kudi badi balonda kulumbulula kuakane, ne badi benza malu makane misangu yonso.

Misambu 106:3 ပူးပေါင်းရင်းမြစ်များ

Misambu 119:106

Nenwuluke dilaya dimvua mukulaye, dia kukumbaja mapangadika ebe makane.

Misambu 119:112

Ndi musuminyine bua kuenza biudi musue, ke difutu dianyi dia kashidi.

Misambu 119:20

Muoyi wanyi mmusue kulonda mapangadika, audi muangate mu malu onsu.

Misambu 119:44

Ndi musue kulama mikenji yebe kashidi, tshiyi mpungila.

Misambu 15:2

— Ke muntu udi kayi kalema, wenza tshidi Mvidi Mukulu musue, wamba amu bidi bilelela.

Misambu 25:7

Nanku, kuvuluki bilema bianyi bia ku buana, nansha ntupakanyi yanyi. Kadi Maweja-Nangila, kumpu muoyi, bualu udi munnange. Ndi ntekemena luse luebe.

Yeshaya 64:5

Tudi bonsu bantu babi, katuena bakanyine kukukuatshila mudimu. Tudi bu tshintu tshipia mikiya. Nansha mianda mimpe ituvua tuenza, idi kabidi mikuatshike muendi bu tshilamba tshidi ne makeji a mashi. Bualu bua bilema bietu, tudi bu mabeji mume a mutshi, adi lupepele luambula luya nawu.

Marke 3:35

Bualu muntu udi wenza mudi Mvidi Mukulu musue, yeye awu udi muanetu wa balume, ne wa bakaji ne mamu wanyi kabidi.

Luke 11:28

Kadi Yezu kumuandamuna ne: — To! Badi bateleja muaku wa Mvidi Mukulu, baukumbaja, ke bena diakalenga!

Luke 11:42

“Nuenu Baparushe, nudi bena diakabi! Nudi nulambula tshia dikumi tshia bia mu madimi enu, tshia tshiluabenyi, tshia tshikote, nansha tshia bisekiseki bishilangane bikuabu. Kadi kanuena basue kuenzela bantu bimpe, nansha kunanga Mvidi Mukulu. Ke binuvua ne bua kuenza ebi, kanuyi nulengulula bikuabu abi.

Yowanane 13:17

Mpindiewu nudi bamanye bualu ebu. Nuenu benze nanku, nenuikale ne disanka.

Yowanane 15:14

Nudi balunda banyi, panudi nuenza mundi munuelele mukenji.

Bienzedi 24:16

Ke pandi ngenza muanyi muonsu, bua kondu kanyi ka munda kikale katalale kumpala kua Mvidi Mukulu ne kua bantu.

Rome 2:7

Bavua bananukila mu dienza dia malu mimpe ke bavua bakeba butumbi, lumu, ne bidi kabiyi bifua. Neabapeshe muoyi wa tshiendelele.

Ngalate 6:9

Tuenze amu malu mimpe, katuyi tupungila, katuyi tuteketa mu maboku. Nanku pakumbana tshikondu, netunowe.

Dielulula 11:1

Nunange Maweja-Nangila Mvidi Mukulu wenu, numuenzele mudimu, nukumbaje meyi ne mikenji yende.

Dielulula 5:19

“Kanuibi.

Yakobe 1:25

Kadi muntu udi ukenketa ne ntema mikenji mimpe idi itupikula, kayi uyiteleja patupu amu bua kuyipua muoyi, kadi uyenza, muntu awu Mvidi Mukulu neamuele lupemba mu midimu yende.

Didimanyisha 22:14

Bantu badi basukula mintumpu yabu, mbena diakalenga. Nanku nebabanyishe bua badie tshimuma tshia mutshi wa muoyi, babuele mu tshimenga, bapitshile ku tshiibi.

Didimanyisha 7:15

Ke padibu bimane kumpala kua nkuasa wa butumbi wa Mvidi Mukulu, bamukuatshila mudimu butuku ne munya mu nzubu muende. Udi musombe mu nkuasa wa butumbi neikale nabu bua kubalama.