Misambu 106:10 - MUKANDA WA MYIDI MUKULU

¹⁰ Kubasungidilaye kudi bavua babakina, kubanyenga mu bianza bia muluishi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Ka wakabasungila mu bianza bia wakabakina, wakababikila mu bukole bua bakadi nʼabo lukuna,

Misambu 106:10 ပူးပေါင်းရင်းမြစ်များ

Nehemya 9:11

Uvua nuukosolole mayi manene, bena Izrayele batangile. Bobu kusabuka ku makasa kuume. Kadi bonsu bavua babalonda, Wewe kubela mu mayi. Bobu kudinabu bu dibue diela mu mayi mondoke.

Misambu 107:2

Ke mudibu mua kuamba nanku, kudi bantu badi Maweja-Nangila mupikule, kudi bantu bavuaye musungidile mu bianza bia baluishi,

Misambu 136:24

kutusungidilaye kudi bena lukuna betu, bualu dinanga diende ndia kashidi.

Misambu 44:8

Kadi Wewe ke udi utusungidila ku baluishi betu, ufuisha badi batukina bundu.

Ekesode 14:30

Dituku adi ke divua Maweja-Nangila musungidile bena Izrayele ku bianza bia bena Ejipitu. Bena Izrayele kumona bitalu bia bena Ejipitu ku muelelu wa mayi.

Ekesode 15:13

Wewe kupikula bantu bebe! Wewe kubananga, kubalombola ne bukole! Wewe kubafikisha mu ditunga dia tshijila!

Mika 6:4

Nudi nuntompuela, bualu mvua munupatule mu Ejipitu, munupikule mu bupika, munutumine Moshe, Arone ne Miriyame bua kunulombola anyi?

Dielulula 11:4

pavuabu banuipata ne biluilu biabu, tubalu ne matempu. Nudi bamanye muvuaye mubabutule kashidi mu Mayi manene makunze.