Misambu 104:4 - MUKANDA WA MYIDI MUKULU

⁴ Udi utuma mpepele bu batumibue bebe, kapia ke webe muena mudimu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Udi uvuisha mpehele bu ba-messager bandi, ne ndimi ya kahia bu bakuatshi bandi ba mudimu.

Misambu 104:4 ပူးပေါင်းရင်းမြစ်များ

2 Bakalenga 2:11

Patshivuabu benda bayukila, kumonabu ditempu diela ndimi ya kapia. Nyama ya tubalu ivua ikoka ditempu adi, ivua yela kabidi ndimi ya kapia. Nanku, ditempu adi ne nyama ya tubalu, kupita pankatshi pa Eliya ne Elisha bua kubapandulula. Diakamue, tshipepela tshia mvunde kuambula Eliya mulu.

2 Bakalenga 6:17

Muambi Elisha kutendelela Maweja-Nangila, wamba ne: — Maweja-Nangila, tabaja mesu a muena mudimu ewu bua kumonaye. Maweja-Nangila kutabaja mesu a muena mudimu wa muambi Elisha. Muena mudimu kumona muambi Elisha, bamuela munkatshi kudi mikuna, pa mikuna apu pikala nyama ya tubalu ya bungi, ne matempu a mvita atema kapia.

Misambu 148:8

nuenu kabidi kapia ne mabue a mvula, neje ne dibungi, tshipepele tshidi tshitumikila diyi diende, numutumbishe.

Yezekiyele 1:13

Munkatshi mua nyama inayi, muvua mumueneka bu makala a kapia akenka, bu bimunyi. Kapia kavua kakole, kavua kapenya.

Zekâya 6:5

Kungandamunaye ne: — Matempu aa adi mpepele inayi: ivua mimane muaba udi Maweja-Nangila wa buloba bujima; mmiumuke muaba awu amu mpindiewu.

Bienzedi 23:8

(Bualu Basaduke kabena bitaba ne: bafue nebabiike; nansha ne: batumibue ba Mvidi Mukulu ne mikishi bidiku. Kadi Baparushe badi bitaba bionsu abi).

Ebrewu 1:14

Batumibue ba Mvidi Mukulu mene mbanganyi? Buonsu buabu mmieyelu idi yenzela Mvidi Mukulu mudimu. Bobu ke badiye utuma bua kuambuluisha badi ne bua kupeta lupandu.

Ebrewu 1:7

Bua batumibue, Mvidi Mukulu uvua muambe ne: “Mvidi Mukulu udi wenza batumibue bende mueyelu, bena mudimu bende, ndimi ya kapia.”