Misambu 103:17 - MUKANDA WA MYIDI MUKULU

¹⁷ Kadi malu mimpe a Maweja-Nangila adi ashala bikondu bionsu kudi badi bamunemeka. Buakane buende budi bujama kudi bana ba bana babu,

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Kadi luse lujalame lua Yehowa ludi ku tshibangidilu tô ne kunshikidilu kudi badi bamunemeka. Buakane buandi budi kudi bana ba bana baledibue.

Misambu 103:17 ပူးပေါင်းရင်းမြစ်များ

Misambu 100:5

Bualu Maweja-Nangila udi ne malu makane, dinanga diende kadiena ne ndekelu, bulelela buende budi bushala bikondu bionsu.

Misambu 111:3

Malu ende adiye wenze adi ne lumu ne buneme, buakane buende budi bua kashidi.

Misambu 118:1

Tumbishayi Maweja-Nangila, bualu udi mulenga, dinanga diende ndia kashidi.

Misambu 22:31

Ndelanganyi yabu neyimuenzele mudimu. Baledi nebamanyishe bana mudi Maweja-Nangila!

Misambu 25:6

Maweja-Nangila, vuluka ne: wewe udi Mvidi Mukulu wetu, kuonsu kuaka uvua utunanga, utufuila luse.

Misambu 90:16

Tumone mudimu webe, ndelanganyi yetu imone bunene buebe!

Ekesode 20:6

Kadi bantu badi bannange, batumikile mikenji yanyi, nembanange, mbenzele bimpe too ne ku ndelanganyi tshinunu.

Yeshaya 41:8

Izrayele, muena mudimu wanyi, tshisamba tshia Yakobe tshimvua musungule, ndelanganyi ya Abrahame, mulunda wanyi, teleja.

Yeshaya 46:13

Malu aa kaena kabidi nenu kule to. Akadi pa kukumbana amu mpindiewu! Lupandu kaluena lunengakana. Meme mene ndi mfika nalu mu Siyone. Eyowa, ndi ntuadila bena Izrayele tshitupa tshia butumbi buanyi.

Yeshaya 51:6

Tangila mulu, mu diulu! Tangila panshi, pa buloba! Diulu nedijimine bu muinshi. Buloba nebusunsuke bu tshilamba. Bantu nebafue bu njiji. Kadi lupandu lundi ntuadila bantu, nelushale kashidi tshiendelele. Bumfumu buanyi kabuakuikala ne ndekelu.

Yirmeya 31:3

Bantu banyi bavua bamba ne: “Maweja-Nangila mmutumuenekele mufume kule!” Ke meme kubambila ne: “Ndi mununange tshiendelele. Ke pandi nnulamata kashidi.

Danyele 9:24

Mbapeshe tshisamba tshiebe ne tshimenga tshia tshijila tshiudi musombe bidimu makumi muanda mutekete, bua bajikije ditomboka diabu, balekele malu mabi, bafuilangane luse, bakose nsambu pa yoyi kashidi. Nanku malu adi Mvidi Mukulu uleja, adi bambi bambe, neakumbane. Nebajidile tshiakabidi nzubu wa Mvidi Mukulu wa tshijila.

Mika 6:5

Bantu banyi, nuvuluke mianda ya kale! Balake, mukalenga wa bena Mowabe, uvua muele meji a kunuenzela bibi. Nuvuluke bivuabu bamuandamune kudi Balaame, muana wa Beyore. Pashishe mvua muende nenu, biangatshile ku Shitime too ne ku Ngilgale. Nanku nuvua bamone malu mimpe, andi meme Maweja-Nangila munuenzele.”

Rome 1:17

Bualu Lumu lua Disanka ludi luleja mudi Mvidi Mukulu ubingisha bantu ku mesu kuende, amu bua ditaba nkayadi. Biangatshile ku ntuadijilu too ne ku ndekelu njila wa kulonda udi amu wa ditaba. Bualu Mukanda wa tshijila udi wamba ne: “Udi ubinga ku mesu kua Mvidi Mukulu bua ditaba, neikale ne muoyi.”

Rome 15:8

Bualu ndi nnujadikila ne: Kristu mmudienze muena mudimu wa bena Yuda, bua kukumbaja malaya avua Mvidi Mukulu muambile bankambua babu, kabidi bua kuleja nanku mudi Mvidi Mukulu wa diyi dimue.

Dielulula 10:15

Kale Maweja-Nangila uvua umvuangana amu ne bankambua benu, mubanange anu bobu. Kadi mpindiewu, mmunusungule nuenu, ndelanganyi yabu, munkatshi mua bisamba bionsu, munudi bamone emu.

2 Timote 1:9

Yeye ke udi mutusungidile, mutubikile bua tuikale bantu bende, kabiyi bua midimu mimpe ituvua benze, kadi amu mukavuaye mumane kubilongolola ku luse luende. Uvua mutupe dipa edi mu Yezu Kristu, kabayi banji kufuka bintu.

2 Petro 1:1

Meme Simone Petro, mupostolu ne muena mudimu wa Yezu Kristu, ndi mfundila bonsu bavua bapete ditaba dia mushinga mukole dia mushindu umue ne ditudi nadi. Nudi badipete ku disua dilenga dia Mvidi Mukulu wetu ne dia Musungidi Yezu Kristu.