Misambu 101:8 - MUKANDA WA MYIDI MUKULU

⁸ Dinda dionsu nempuwishe bantu babi bonsu ba mu ditunga, bua kumusha bantu babi bena malu mabi mu tshimenga tshia Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Ku dinda ku dinda nembutule bantu babi bonso ba mu buloba ebu, bua kumusha benji ba malu mabi bonso mu musoko wa Yehowa.

Misambu 101:8 ပူးပေါင်းရင်းမြစ်များ

Misambu 46:4

nansha mavuala akungula, asaba, adiela mulu, anyungisha mikuna.

Misambu 48:2

Maweja-Nangila udi munene. Mbimpe tutumbishe Mvidi Mukulu wetu mu tshimenga tshiende, pa mukuna wende wa tshijila.

Misambu 48:8

bu mudi lupepele lua kudi diba dibanda, lutshibula majuwa manene adi aya ku Tarshishe.

Misambu 75:10

Kadi meme tshiakupuwa to. Nengimbile Mvidi Mukulu wa Yakobe misambu, mmanyishe bantu bionsu bivuaye muenze.

Misambu 92:10

Bua baluishi bebe, Maweja-Nangila, bobu nebajimine, ne bonsu badi bakengesha bakuabu, nebatangalake.

Nsumuinu 16:12

Mukalenga ki mmunange bua bantu benze bibi, bualu nkuasa wa bukalenga udi ujalama padi buakane.

Nsumuinu 20:26

Mukalenga wa meji udi utandula benji ba bibi. Udi ubanyoka kayi ubafuila luse to.

Nsumuinu 20:8

Pikala mukalenga musombe ukosa nsambu, udi utandula musangu umue muena dishima.

Yirmeya 21:12

Nuenu bantu ba mu diku dia Davide, telejayi tshidi Maweja-Nangila wamba. Udi wamba ne: Ku dituku ku dituku panualumbulula bilumbu, nukose nsambu amu pa yoyi. Bantu badibu banyenga bintu biabu, nubapatule mu bianza bia badi babakengesha. Tshianana tshiji tshianyi netshijuke bu mudi kapia kadi kuosha bionsu, kapia kadi muntu kayi mua kujima. Bualu nuvua benze malu mabi mapite bungi.

Osheya 9:3

Bena Efrayime kabena mua kushala mu ditunga dia Maweja-Nangila. Nebapingane mu Ejipitu, nansha mu bena Ashure, bua kudia biakudia bidi ne mikiya.

Mika 3:9

Ndi nnubela nuenu, bamfumu ba ndelanganyi ya Yakobe, ne bakoshi ba nsambu ba bena Izrayele. Nudi nubenga kuenza malu mimpe, nukosa bilumbu bibi.

Didimanyisha 21:27

Kadi tshintu nansha tshimue tshidi ne mikiya, katshiakubuela mu tshimenga etshi. Muntu udi wenza malu mabi, ushima, kakubuelamu. Amu badi ne mena abu mu mukanda wa muoyi, mukanda wa Muana wa mukoku, ke badi mua kubuelamu.