Misambu 10:9 - MUKANDA WA MYIDI MUKULU

⁹ Udi ulala muaba musokome, utentekela bu ntambue, mualamine mupele bua kumukuata. Udi ukoka muena dikenga, umukuata mu bukondu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Udi ulala walamina bu mudi nyama wa ntambue walamina mu tshihuka; udi walamina nunku bua kukuata muena dikenga. Udi ukuata muena dikenga hamukokeye mu bukuondo buandi.

Misambu 10:9 ပူးပေါင်းရင်းမြစ်များ

Yobe 38:40

padibu basombe mu miaba yabu, balamine mu tshipuka anyi?

Misambu 109:31

Bualu udi wakuila mupele bua kumusungidila, kudi badi bakeba kumushipa.

Misambu 12:5

“Tudi bamanye mua kuakula, bua tupete bionsu bitudi tujinga. Netuambe bionsu bitudi basue, katuyi tutshina muntu.”

Misambu 140:5

Maweja-Nangila, undame bua tshiponyi mu bianza bia bantu babi; umpandishe kudi bena tshikisu, badi belangana meji a kunteya mukolu.

Misambu 17:12

Badi bangalamina mu tshisuku bu ntambue, bakeba kunsunsula bu nyama ya lonji.

Misambu 35:10

Nengambile Maweja-Nangila muanyi muonsu ne: “Kakuena udi bu wewe. Wewe udi upandisha mupele mu bianza bia baluishi bende, usungidila muena dikenga kudi muena tshinyangu.”

Misambu 37:14

Bantu babi badi batula muela, banana buta, bua kutapa mupela ne muena dikenga, bua kushipa badi balonda njila mululame.

Misambu 59:3

Ungumushe mu bianza bia badi bankebela diakabi, unsungidile kudi bashipianganyi aba.

Nsumuinu 14:31

Muntu udi ukengesha mupele, udi upenda Mvidi Mukulu wakamufuka. Kadi udi umuambuluisha, udi unemeka wakamufuka.

Nsumuinu 22:16

Muntu udi ukengesha mupele neamututshishe ku ndekelu dikasa dimpe. Udi upa mubanji bintu, neadibueje mu bupele.

Nsumuinu 28:15

Mfumu wa tshikisu udi ne bumfumu mu tshisamba tshia bantu bapete, udi bu ntambue udi ukungula, bu nkashama udi ukeba tshiakudia tshiende.

Yeshaya 3:15

Nudi nuzaza bantu banyi, nukengesha bapele bua tshinyi? Meme Maweja-Nangila ndi nnuebeja nanku!”

Yeshaya 32:7

Bantu bapale badi bamanye mua kukengesha bantu bakuabu bikole. Badi badilongolola, bua bamone mua kupisha bapele, pa kujadika malu a dishima. Ke mudi bena dikenga kabayi mua kubinga, nansha bobu kabayi ne bualu.

Yirmeya 5:26

Munkatshi mua bantu banyi bena Izrayele mudi bantu badi kabayi ne ditaba, kabayi balama mikenji. Badi bu bilembi bidi bialamina nyunyi bua kuyikuata. Basokome munkatshi mua mitshi, badi bateya bantu, babakuata.

Muadi 3:10

Uvua mungalamine bu nyama wa lonji, mudi nyama wa ntambue mubutame mu tshisuku.

Yezekiyele 22:29

Miaba yonsu mu ditunga badi bakengesha bantu, biba bintu biabu. Badi bakengesha bapele ne bakengi. Badi batatshisha benyi, kabayi babanemeka.

Amosa 3:4

Nyama wa ntambue udi mua kukungula muitu, kayi musangane nyama wa kudiaye anyi? Udi mua kudidila ku buina, kayi muanji kukuata nyama anyi?

Mika 7:2

Mu ditunga kamutshiena muntu, udi witaba Mvidi Mukulu, kamutshiena muntu wa nsongu. Bonsu badi bakeba amu kushipangana, baalaminangana mu njila.

Abakuke 1:15

Ke mudi bena Babilone bakuata bantu, mudibu baloba mishipa ne ndobu. Badi bu balobi badi bakuata mishipa mu makondu abu, bayipatula mu mayi, basanka, batshionkomoka.

Abakuke 3:14

Udi utubula mitu ya bamfumu ba baluishi betu, ubapingajila mikete ivuabu bakebe kutuasa. Bavua bafika ne lubilu bu mvunde, benda bela mbila ya disanka, bajinga kututangalaja, nansha kutuzaza miaba ituvua basokomene.

Zekâya 11:3

Bakalenga ba matunga mbase miadi, tshikondu tshiabu tshia kuditambisha ntshijike. Nyama ya ntambue idi ikungula, bualu mbabutule metu ayi mimpe, ku muelelu wa Yardene.

Yowanane 10:12

Muntu udi ukuata mudimu amu bua kupeta difutu, kayi mulami wa mikoku, kabidi kayi muena mikoku, padiye umona nyama wa lonji ufika, udi ulekela mikoku, unyema. Nanku nyama wa lonji udi uyikuata, uyitangalaja.

Bienzedi 23:21

Kadi kubitabi to! Bualu bantu bapite pa makumi anayi bayaya kuadila Polu mu njila bua kumukuata. mBaditshipe ne: katuena tudia, katuena tunua, amu tuetu bamushipe. Mpindiewu mbamane kudilongolola, bindile amu bua umutume mu Tshipangu.