Misambu 10:14 - MUKANDA WA MYIDI MUKULU

¹⁴ Kadi wewe kuena mpofu! Udi umona dikenga ne disumpakana dia bapele! Udi amu ukeba kubambuluisha! Muena dikenga mmudilekelela kuudi! Wewe ke udi wambuluisha muana nshiya.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Wewe wantangila bualu ebu, bualu bua utu watangila kanyinganyinga ne dikenga, bua kubikanda ku tshianza tshiebe. Udi kayi ne dikuatshisha udi udifila mu bianza biebe; wewe wakumana kuikala mukuatshishi wa bana ba nshiya.

Misambu 10:14 ပူးပေါင်းရင်းမြစ်များ

Genese 21:17

Mvidi Mukulu kumvua muadi wa muana. Mutumibue wa Mvidi Mukulu kuela diyi difumine mu diulu, kuebeja Agare ne: — Tshidi tshikutonda nanku ntshinyi? Kutshinyi to. Mvidi Mukulu umvu muadi wa muana.

Genese 31:12

Mutumibue awu kungambila ne: “Tangila: mikoku nansha mbuji yonsu ya mpumbu idi ne mipolu ne idi ne matoba idi ikuata mashina. Ndi muenze nanku, bualu ndi mumone malu onsu adi Labane mukuenzele.

2 Samuele 16:12

Misangu mikuabu Maweja-Nangila ke udi mua kumona dikenga dianyi, akudimune bipendu ebi bienza disanka.

2 Bakalenga 9:26

“Meme Maweja-Nangila mvua mumone bionsu biuvua muenze makelela. Wewe uvua mutume bantu bua bashipe Nabote ne bana bende ba balume. Nanku, meme Maweja-Nangila, ndi nditshipa bua kukusombuela anu mu budimi ebu.” Nanku, wewe Bidkare, ambula tshitalu tshia Yorame, utshimanshe mu budimi ebu, bu muvua Maweja-Nangila muambe.

2 Kulondolola 24:22

Mukalenga Yowashe kupua muoyi malu mimpe onsu avuabu bamuenzele kudi Yoyada, tatuende wa Zekarya. Kushipeshaye Zekarya. Bangabanga ne Zekarya kukula muoyi, kuelaye mbila ne: — Maweja-Nangila atangile bidi bienzeka, akunyoke!

2 Kulondolola 6:23

Diba adi, wewe Maweja-Nangila udi mu diulu, wikale muteleje, ukose tshilumbu tshia bena mudimu bebe, bua muena tshibawu apete dinyoka, bua udi mubinge amueneke ne: kena ne bualu.

Misambu 146:9

Maweja-Nangila udi ulama bantu badibu bipata, wambuluisha muana nshiya ne mukaji mukamba, kadi udi unyanga malu adi bantu babi bapangadika mua kuenza.

Misambu 22:11

Amu bandela, wewe kushala ndeji wanyi! Amu mmona diba, wewe ukavua Mvidi Mukulu wanyi!

Misambu 31:8

Ndi nsanka, ntshionkomoka, bualu uvua mungenzele bimpe, mumone dikenga dianyi, muvuluke dibungama dianyi.

Misambu 35:22

Kadi wewe Maweja-Nangila uvua mudimuene bionsu bivua bienzeka. Nanku kupuwi, kundekedi nkayanyi!

Misambu 55:22

Miaku yende ya lubombu mmisheme bu buitshi, kadi udi welangana amu meji a kuluangana mvita. Miaku mipepele idi ipatuka mukana muende, kadi idi amu bu muele wa ntapa kubidi.

Misambu 68:5

Imbilayi Mvidi Mukulu misambu, nutumbishe dina diende. Nuakidile udi wendakana pa mavuba. Dina diende mMaweja-Nangila. Nutue tshianga, numusamune.

Misambu 68:6

Mvidi Mukulu udi usomba mu nzubu wende wa tshijila. Udi Tatu wa bana ba nshiya, ulumbuluila bakamba.

Ekesode 2:25

Kumonaye bena Izrayele, kujadikaye dikenga divuabu nadi.

Ekesode 22:22

Bualu bobu badile, bambikile, nembateleje.

Ekesode 22:26

Bualu ke tshiende tshidiye natshi bua kudibuikila. Kadi pawakandamana natshi, yeye neadibuikile tshinyi? Nanku, yeye mudile, mumbikile, nemmuteleje, bualu meme ndi muena luse.

Nsumuinu 15:25

Maweja-Nangila udi ubumbula nzubu wa muena ditambisha, kadi udi ulama lupangu lua mukaji mukamba.

Nsumuinu 15:3

Mesu a Maweja-Nangila adi atangila miaba yonsu. Udi ujooja bimpe ne babi.

Yeshaya 10:3

Kadi dituku didi Maweja-Nangila ukosa nsambu, tshipepele tshikole tshifuma kule netshinupete. Diba adi, nenuenze tshinyi? Nenuye kudi nganyi? Nenupete diambuluisha muaba kaayi? Nenuye kuteka mpetu yenu penyi?

Yirmeya 16:17

Bualu ndi ntangila bimpe tshidibu benza. Kakuena tshidi mua kunjimina. Tshilumbu tshiabu ndi mutshimanye.

Yirmeya 23:24

Maweja-Nangila udi webeja ne: pikala muntu usokoma, tshiena ne mushindu wa kumumona anyi? Ndi miaba yonsu: mu diulu ne pa buloba. Kanuena bamanye bualu ebu anyi?

Yirmeya 49:11

“Panuafua, meme nendishe bana benu ba nshiya, nendame bakaji benu bakamba bimpe.”

Yirmeya 51:56

Badi basemena pabuipi ne Babilone bua kumukuata. Badi bakuata bilobu, batshibula mata abu. Bualu Maweja-Nangila udi Mvidi Mukulu udi mumanye mua kusombola. Udi upingajila muntu yonsu bivuaye muenze.

Muadi 3:59

Maweja-Nangila uvua mumone malu mabi avuabu bangenzele, uvua mukose nsambu yanyi pa yoyi.

Muadi 3:60

Uvua mumone muvuabu badisombuele. Uvua mumone bifufu bibi bivuabu bangelele.

Osheya 14:3

Pinganayi kudi Maweja-Nangila, numulomba ne: “Utufuileku luse. Wanyishe bua tukutumbishe.

Osheya 14:4

Bena Ashure kabena mua kutupandisha to. Katuena mua kubanda kabidi, pa nyama ya tubalu tua myita to. Mpingu yetu, mbintu bivuabu basonge. Katuena mua kuyinemeka kabidi bu Mvidi Mukulu wetu to. Bualu anu wewe nkayebe, ke udi ufuila bana ba nshiya luse.”

Yowele 3:4

Dituku dia Maweja-Nangila kadiyi dianji kufika, dituku dinene didi dikuatshisha bantu bowa, diba nedibuitshidile, ngondu neakunzubile bu mashi.”

Abakuke 1:13

Kadi mesu ebe adi mimpe be. Kuena mua kuanyisha bua amone malu mabi. Bantu badi bakengesha bakuabu, kuena mua kubatangila, kuyi wenza bualu. Kadi muudi umona bidi bena tshinyangu abu benza, kuyi wamba bualu, mbishi? Bantu babi aba badi babutula matunga a bantu ba nsongu badi babapita bobu. Kadi udi umona nanku, upuwa bua tshinyi?

Dielulula 10:18

Maweja-Nangila udi wakuila bakaji bakamba ne bana ba nshiya. Udi unanga bantu benyi badi munkatshi muenu, ubapesha bilamba ne biakudia.

2 Timote 1:12

Ke pandi ne bua kukenga nanku. Kadi tshiena nteketa mu maboku, bualu ndi mumanye undi mutekemene. Ndi mushindike ne: udi ne bukole bua kulama bimpe bivuaye mumpeshe, too ne ku dituku dia Tshilumbuluilu.

Ebrewu 4:13

Kakuena kantu nansha kamue kadi mua kusokoma Mvidi Mukulu. Bintu bionsu, bifukibua bionsu bisanga bidi bimueneka patoke ku mesu kuende. Yeye ke utudi ne bua kuambila malu etu onsu.

1 Petro 4:19

Kadi Mufuki udi ukumbaja bivuaye mulaye. Nanku badi bakenga bilondeshile mudi Mvidi Mukulu musue, bananukile kuenza malu mimpe, batekemene muabu muonsu kudi Mufhki wabu.

1 Petro 5:7

Muomekelayi ntatu yenu yonsu, bualu Yeye udi unulama.

Balombodi 1:7

Ke mukalenga Adoni-Bezeke kuela mbila ne: — Akia! Bakalenga makumi muanda mutekete, bavuabu bakose biala ne bana ba nkasa banene, bavua bangula, muinshi mua mesa anyi, biakudia bivua bimata panshi! Bushiwa, Maweja-Nangila wansombuedi ku bibi bionsu bimvua muenze. Kuyabu ne mukalenga Adoni-Bezeke ku Yerushalayime. Kuyaye kufuilaku.