Misambu 1:3 - MUKANDA WA MYIDI MUKULU

³ Udi bu mutshi udi bantu bakuna ku muelelu wa mayi. Mutshi awu udi ukuama bimuma pa tshikondu tshiabi. Mabeji awu kaena mua kufubidila. Bionsu bidi muntu wa nanku wenza bidi amu ne tshipeta.

Mukanda wa Nzambi Dihungila Dikulukulu ne Dihungila Dihia-dihia 2003

³ Yeye udi bu mutshi wakukunabo kukala kua misulu ya mai, udi ukuama mamuma au mu tshidimu tshiau; dibeshi diau kadiena difubidila. Malu onso adiye wenza adi atuta diakalengele.

Misambu 1:3 ပူးပေါင်းရင်းမြစ်များ

Genese 39:23

Mulombodi wa balami ba bena lukanu awu katshivua ulondolola bionsu bivua kudi Yozefe to, bualu Maweja-Nangila uvua ne Yozefe, umutatshisha diakalenga mu bionsu bivuaye wenza.

Genese 39:3

Potifare kujadika ne: Maweja-Nangila mmulame Yozefe, mmumututshishe diakalenga mu bionsu bivuaye wenza.

2 Bakalenga 18:7

Maweja-Nangila uvua wambuluisha Izkiya. Izkiya uvua ne diakalenga mu bionsu bivuaye wenza. Izkiya kutombokela mukalenga wa bena Ashure, kubenga mua kushala ku bumfumu buende.

1 Kulondolola 22:11

Nanku, muananyi, Maweja-Nangila Mvidi Mukulu webe, ikale nebe, bua umone mua kumuashila nzubu, bu muvuaye mulaye bualu buebe.

1 Kulondolola 22:13

Paudi unemeka, witaba kabidi meyi ende ne mikandu, bivuaye mupeshe Moshe bua kuambila bena Izrayele, newikale ne diakalenga mu bionsu biwenza. Wewe, kolesha muoyi, ikala ne dikima, kutshinyi, kuzakadi.

2 Kulondolola 31:21

Pavua Izkiya ulongolola nzubu wa Mvidi Mukulu, ukuata mudimu bua bantu banemeke meyi ne mikenji bia Mvidi Mukulu, uvua wenza muende muonsu bua amanye tshidi Mvidi Mukulu musue. Uvua muenze nanku ne muoyi wende mujima. Mvidi Mukulu uvua umuambuluisha.

2 Kulondolola 32:23

Bantu ba bungi kutuadila Maweja-Nangila milambu mu Yerushalayime. Kutuadilabu kabidi Izkiya mukalenga wa bena Yuda bintu bia kumusankisha nabi. Biangatshile musangu awu, kunemekabu mukalenga Izkiya kudi bena matunga onsu, bavuaye nabu mutumba.

Yobe 14:9

Mutshi awu padiwu upuita mayi, udi mua kumena tshiakabidi, kuela matamba bu mutshi mutekete.

Yobe 22:28

Neupete dikasa dimpe mu bionsu biudi musue kuenza. Kuebe kuonsu kuudi uya, nekuikale amu diakalenga.

Misambu 128:2

Usanke ne tshiudi mupete ku mudimu webe. Wikale ne disanka, malu ebe onsu neikale bimpe!

Misambu 129:8

Bapitshi ba mu njila kababambi ne: “Maweja-Nangila anuele lupemba!” Tudi tunuela lupemba mu dina dia Maweja-Nangila.

Misambu 92:14

Udi bu mutshi mukuna mu lubanza lua nzubu wa Mvidi Mukulu, udi udiunda mu nzubu mua Maweja-Nangila Mvidi Mukulu wetu.

Misambu 92:15

Neukuame bimuma too ne pakulakajawu, newikale ne mayi, neushale mubishi,

Yeshaya 27:11

Matamba a mitshi adi uma, atshibuka. Bakaji nebaangule bua kutemesha nawu kapia. Bulelela, bantu aba kabena bumvua bualu nansha bumue. Ke padi mubafuki wabu, kayi kabidi ubafuila luse. Uvua mubafumba kena musue kubalama ne muoyi to.

Yeshaya 3:10

Vulukayi ne: diakalenga ndia bantu badi bitaba Mvidi Mukulu, bualu bidibu benze nebibapeteshe tshipeta tshimpe.

Yeshaya 44:4

Ndelanganyi yebe neitoloke, idiunde, bu bisosa bidi ne mayi, bu mitshi ya pepliye, idi mimene ku mielelu ya misulu.

Yeshaya 58:11

Maweja-Nangila neanulombole. Nansha nuenu bende mu tshipela, neanudishe nuukute, nupete bukole. Badi banumona nebasanke. Bualu nenuikale bu lupangu, ludibu bamiamina mayi mavule, bu mpokolu wa mayi a bungi, adi kaayi akama.

Yirmeya 17:8

Muntu awu neikale bu mutshi, udibu bakuna ku muelelu wa mayi. Miji yawu idi ifika ne ku mayi. Mutshi awu kawena utshina tshintu. Nansha mu munya mukole, mabeji awu adi amu mabishi. Nansha mu tshikondu tshia munanga mukole, mutshi awu kawena ufubidila. Udi ukuama amu kukuama bimuma.

Yezekiyele 17:8

Kadi bavua baukune kumpala mu buloba bufukisha ku muelelu wa mayi a bungi, bua wele matamba adi mua kukuama bimuma bia bungi, bua wikale wa mvinyo muimpe mutambe.”

Yezekiyele 19:10

Mamuebe uvua mufuanangane ne muonji wa mvinyo, mukuna ku muelelu wa mayi. Uvua mutoloke mabeji, mukuame bimuma, bualu uvua upeta mayi mavule.

Yezekiyele 31:5

Mayi onsu avua mutshi upeta avua audisha. Nanku uvua mutumbuke, mule mupite mitshi mikuabu. Matamba awu avua a bungi, malabale:

Yezekiyele 47:12

Mitshi ya bimuma ya mishindu yonsu neyitoloke ku mielelu yonsu ya musulu wa muenji. Mabeji ayi kaakuuma to. Mitshi neyikuame bimuma diba dionsu. Neyikuame bimuma ku ngondu ku ngondu; bualu mayi adi ayidisha, adi afumina ku nzubu wa Mvidi Mukulu. Bimuma biayi nebikale tshiakudia. Mabeji ayi neikale buanga bua kuondapa nabu.

Dibadika 24:6

Nzubu yenu idi itangalaka bu mayi, bu mpangu mimpe ku mielelu ya misulu. Idi mifuanangane ne mitshi ya ndunga ne ya nsanga, ivua Maweja-Nangila mukune ku muelelu wa musulu.

Matayi 13:6

Kadi munda munya, diba kuosha buloba. Mitshi kuuma, bualu kayi vua ne miji mile.

Matayi 21:19

Kumonaye mutshi wa mfiku ku muelelu wa njila. Kuyaye pabuipi nawu, kusangana anu mabeji. Ke kutshipaye mutshi awu ne: — Wewe kuakukuama kabidi bimuma kashidi! Diakamue mutshi kuumawu.

Matayi 21:34

Tshikondu tshia kupola tumuma tshikumbana, kutumaye bena mudimu bende kudi bavuaye mushile budimu abu, bua kupeta tuende tumuma.

Matayi 21:41

Kumuandamunabu ne: — Kakumvuila bantu babi aba luse to. Neabashipe bonsu. Neashile bantu bakuabu budimi buende, bua bamupeshe pa diba tshiende tshitupa tshia bimuma bidibu banowa.

Yowanane 15:6

Muntu udi kayi ushala mudisange nanyi, nebamuimanshe pa mbelu bu ditamba. Neume. Matamba mume badi baangula, baela muiku, baosha.

Dielulula 28:8

Maweja-Nangila Mvidi Mukulu wenu nealame biakudia bionsu binudi bateke mu mayeba enu. Neanuendeshe diakalenga ku midimu yenu yonsu. Nanku neanusankishe bulelela, mu ditunga didiye munupe.

Yuda 1:12

Padibu nenu ku mesa bua didia dienu bonsu pamue, badi banufuisha bundu, bualu badi basukumina biakudia. Badi bu balami ba nyama badi badivuluka amu bobu nkayabu. Badi bu mavuba masaka kudi lupepele, adi kaayi alokesha mvula. Badi bu mitshi idi kayiyi ikuama bimuma, nansha tshikondo tshiabi tshimane kufika. Badi bu mitshi mifue misangu ibidi, matamba ayi mamane kuuma, mbajule ne miji yayi kabidi.

Didimanyisha 22:2

upueka munkatshi mua musesu munene wa mu tshimenga. Ku nseke ibidi ya musulu kudi mutshi wa muoyi, udi ukuama bimuma misangu dikumi ne ibidi ku tshidimu, musangu umue ku ngondu yonsu. Bavua bondapa bisamba bia bantu ne mabeji awu.