Mika 7:7 - MUKANDA WA MYIDI MUKULU

⁷ Kadi meme ndi ntangila kudi Maweja-Nangila. Bu mundi ntekemena Mvidi Mukulu, neansungidile. Mvidi Mukulu wanyi neumvue dilomba dianyi.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Kadi meme hanyi nentangishe mesu anyi kudi Yehowa; nengindile Nzambi wa luhandu luanyi; Nzambi wanyi neangunvuile.

Mika 7:7 ပူးပေါင်းရင်းမြစ်များ

Genese 49:18

Maweja-Nangila, ndi mutekemene lupandu kuudi.

Misambu 109:4

Nansha meme mubanange, badi bansonguela, kadi meme ndi ntendelela bua baluishi banyi,

Misambu 130:5

Ndi mutekemene kudi Maweja-Nangila, ne muoyi wanyi mujima, muindile diandamuna diende.

Misambu 25:5

Undongeshe, undudike bua nkulamate. Wewe ke Mvidi Mukulu udi umpandisha. Matuku onsu ndi ntekemena kuudi.

Misambu 37:7

Shala talalaa kumpala kua Maweja-Nangila, indila ne lutulu tshiavuaye kuenza. Kubabi badi bapeta diakalenga, badi bakumbaja meji abu mabi.

Misambu 38:15

Ndi ngenza bu muntu udi kayi umvua, ke pandi tshiyi ngandamuna.

Misambu 50:15

Pakukuata dikenga, umbikile nenkusungidile. Nenku neuntumbishe!

Misambu 65:2

Mvidi Mukulu, Wewe udi usomba mu tshimenga tshia Siyone, mbimpe tukuele tuasakidila, tukumbaje bituvua bakulaye.

Misambu 85:5

Eyi, Mvidi Mukulu musungidi wetu, mulengeje tshiakabidi, lekela kutufikila munda.

Yeshaya 12:2

“Monayi mudi Mvidi Mukulu umpandisha. Ndi ne ditalala munda, tshiena ntshina tshintu to. Maweja-Nangila ke bukole buanyi. Ndi mmuimbila, bualu uvua munsungidile.”

Yeshaya 17:7

Dituku adi, bantu nebalonde tshiakabidi mufuki wabu. Nebatangile kudi Mvidi Mukulu wa tshijila wa bena Izrayele.

Yeshaya 25:9

Dituku adi, bantu nebambe ne: “Yeye ke Mvidi Mukulu wetu. Tuvua batekemene amu kudiye, Yeye kutusungidila. Eyowa, tuvua batekemene amu kudi Maweja-Nangila. Tudi tusanka, tudi ne musangelu, bua padiye Mutusungidi wetu.

Yeshaya 45:22

Nuenu badi basombe ku ndekelu kua buloba, fikayi kundi meme. Nennusungidile. Bualu Mvidi Mukulu ke meme! Kakuena mukuabu to.

Yeshaya 8:17

Ndi muindile Maweja-Nangila. Mpindiewu udi ulengulula ndelanganyi ya Yakobe. Kadi ndi amu ndama lutulu, ntekemena kudiye.

Muadi 3:24

Ndi ngamba ne: Maweja-Nangila udi bumpianyi buanyi. Ke pandi ntekemena kudiye.

Danyele 3:17

Kadi umanye ne: Mvidi Mukulu wetu, Mvidi Mukulu utudi tukuatshila mudimu, udi mua kutusungidila. Eyowa, udi ne bukole bua kumpatula mu tshikutu tshia kapia, kutunyenga mu bianza biebe.

Osheya 12:6

Yeye ke Mvidi Mukulu wa bukole buonsu, udibu binyika ne: “Maweja-Nangila”.

Yowele 1:19

Maweja-Nangila, wewe ke undi mbikila! Kapia nkoshe bisosa bia mu mpata, ndimi ya kapia mmidie mitshi yonsu ya mu madimi.

Abakuke 2:1

Meme ndi mutentekedi wa mu tshimenga, ndi mubande kulu pa tshimana tshia tshimenga, ngindila. Ndi musue kumvua tshidi Mvidi Mukulu mua kungambila, mudiye mua kuandamuna ku dimudiwula dianyi.

Abakuke 2:3

Bindi nkuleja, kabiena bienzeka mpindiewu. Kadi nebikumbane pa tshikondu tshiabi. Nansha kabiyi bienzeka lukasa, indila ne lutulu, mutekemene. Bindi nkumanyisha nebienzeke, kamuyi mpata, kabiyi nansha binenga.

Dibadika 5:28

Kadi pikalaye kayi mumanye bualu, kayi mudinyange, mayi a bululu aa kaena amuenzela bualu to. Nealele bana.