Mika 7:2 - MUKANDA WA MYIDI MUKULU

² Mu ditunga kamutshiena muntu, udi witaba Mvidi Mukulu, kamutshiena muntu wa nsongu. Bonsu badi bakeba amu kushipangana, baalaminangana mu njila.

Mukanda wa Nzambi Dihungila Dikulukulu ne Dihungila Dihia-dihia 2003

² Muntu muakane wakujimina ha buloba, kakuena muntu mujalame munkatshi mua bantu kabidi. Bonso badi balamina bakuabo bua kumatshisha mashi abo hanshi; muntu yonso udi wanda muanʼabo bukuondo.

Mika 7:2 ပူးပေါင်းရင်းမြစ်များ

Misambu 10:9

Udi ulala muaba musokome, utentekela bu ntambue, mualamine mupele bua kumukuata. Udi ukoka muena dikenga, umukuata mu bukondu.

Misambu 12:1

Musambu wa mu mukanda wa mulombodi wa bena misambu, wa kuimba ne lunzenze lua nshinga muanda mukulu. Musambu wa mu mukanda wa misambu ya Davide.

Misambu 12:2

Maweja-Nangila, utuambuluishe! Tshianana, bantu bebe badi mua kujimina. Kamutshiena kabidi bantu ba nsongu.

Misambu 57:6

Mvidi Mukulu, leja bumfumu buebe budi bupite diulu, ne butumbi buebe budi bukenka pa buloba bujima.

Nsumuinu 1:11

padibu bakuamba ne: “Vuaku, tuye kualamina bantu mu njila bua kubashipa, tubajikidile, tubabunde, nansha bobu kabayi batuenzele bibi.

Nsumuinu 12:6

Miaku ya bantu babi idi mateyi adi akebela bantu lufu. Tshidi bantu bakane bamba, tshidi tshiepula bakuabu ku lufu.

Yeshaya 3:5

Netshikale tshikondu tshia buntomboji, tshia kufuila mianzu. Bansonge nebakengeshe bakulumpe, bantu babule meji nebapetule bantu ba mushinga.

Yeshaya 57:1

Bantu bakane badi babutuka, kakuyi muntu udi usumpakana bualu buabu. Bantu bimpe badi bafua mu mvita, kakuyi muntu udi ubatangila. Kadi ndi mbapatula mu bianza bia bantu badi babakengesha.

Yeshaya 59:7

Nudi nunyema lubilu, bua kuya kuenza malu mabi. Nudi nuambuluja makasa, bua kushipa badi kabayi ne bualu. Meji anudi nuela adi amu a kuenzela bakuabu bibi. Mu njila yenu nudi numiamina tshimvundu ne kabutu.

Yeshaya 9:19

Badi bangata bintu ku dia balume, nzala yabu kayiyi ijika. Badi bangata binga ku dia bakaji, kabayi bukuta. Muntu yonsu udi ubutula mukuende.

Yirmeya 16:16

Maweja-Nangila udi wamba ne: ndi ntuma bilembi bia bungi bua bikuate bena Yuda, mudibu bakuata minyinyi ya mu mayi. Pashishe ndi ntuma bilembi bia bungi bua bibakebe miaba yonsu, mudibu bipata nyama mu mikuna minene ne mikese, too ne mu mbuebue.

Yirmeya 5:16

Mikete ya mvita ya tshisamba atshi idi ibutula bantu. Bena mvita batshi bonsu badi bilobu.

Yirmeya 5:26

Munkatshi mua bantu banyi bena Izrayele mudi bantu badi kabayi ne ditaba, kabayi balama mikenji. Badi bu bilembi bidi bialamina nyunyi bua kuyikuata. Basokome munkatshi mua mitshi, badi bateya bantu, babakuata.

Yirmeya 8:6

Meme ndi muteleje bionsu bidibu bamba, kabena bamba malu mimpe to. Kakuena muntu udi unyingalala bua bubi buende, nansha udikonka ne: “Tshindi muenze ntshinyi?” Muntu yonsu udi wenda mu njila udiye musue, bu mudi nyama wa kabalu mumane kufika munda utomboka mu mvita.

Muadi 4:18

Badi amu batutentekela, katuyi ne mushindu wa kuya ku yetu miaba. Diba dietu ndikumbane. Nshikidilu wetu udi pabuipi. Tukadi tufua!

Yezekiyele 22:12

Muebe, badi bangata bantu ku mudimu, babafuta bua bashipe bantu bakuabu. Badi basombeshangana makuta bua kupeta kasombele ka bungi. Badi banyenga bintu bia muena mutumba bua kunema nabi. Kadi badi bampua muoyi kashidi meme Maweja-Nangila Mvidi Mukulu. Ke malu andi mujadike awu.

Yezekiyele 24:6

Meme Maweja-Nangila Mvidi Mukulu ndi ngamba ne: Tshimenga tshia bashipianganyi netshipete diakabi, tshidi bu luesu lukuate dimoma, ludibu kabayi mua kusukula kabidi to. Sabula munyinyi udi mu luesu, ku dibulu ku dibulu, lushale munda mutupu. Kuena mua kusunguluja diudi usabula.

Osheya 5:1

Telejayi bimpe, nuenu batuangaji, nuenu kabidi bamfumu ba bena Izrayele, ne nuenu bonsu badi basombe mu lubanza lua mukalenga, nuenu ke bavua mua kulumbuluisha bantu bimpe. Kadi, ku Mispa nuvua bateye bantu banyi. Ku mukuna wa Tabore, nuvua nubamuenekela bu bukondu bumana kuela.

Osheya 6:9

Bu mudi benzedianganyi ba bibi balamina bantu mu njila, batuangaji mbashipe bantu mu njila wa ku Shekeme. Ebu bualu mbubi butambe!

Mika 2:8

Kadi nuenu, Maweja-Nangila udi unuambila ne: “Nudi badienza baluishi ba bambi banyi. Bantu badi benda talala mu njila, kabayi benzela bakuabu bibi, nudi nubanyenga tshinkutu tshiabu.

Mika 3:10

Nudi nuibaka Yerushalayime, tshimenga tshia Mvidi Mukulu, ne mashi a bantu banudi nushipa, ne bintu bia banudi nukengesha.

Mika 3:2

Kadi, nudi nukina malu mimpe, nunanga malu mabi! Nudi nuvula bantu too ne ku dikoba dia pambidi! Nudi nutula too ne minyinyi idi ku mifuba yabu.”

Zekâya 11:6

Ke pandi meme Maweja-Nangila ngamba ne: Tshiena mfuila bantu ba mu buloba ebu luse kabidi to. Nemfile muntu yonsu mu bianza bia muena mutumba nende, ne mu bianza bia mukalenga wende. Bakalenga nebanyangakaje buloba. Tshiena usungidila muntu ku bianza biabu.

Bienzedi 24:9

Bena Yuda kutua ku tshia Tertuluse, bela mbila ne: muudi muambe amu, mmomu!

1 Samuele 24:11

Lelu ewu, ujadike ne: Maweja-Nangila uvua mukufile mu bianza bianyi mu lubuebue emu. Bakungambila bua meme kukushipa. Kadi meme kukufuila luse. Tshivua musue kukushipa to. Bualu Maweja-Nangila ke uvua mukusungule bua wikale mukalenga.

1 Samuele 26:20

Kadi meme tshiena musue kufuila muaba mukuabu to, anu muaba udi Maweja-Nangila. Mukalenga Shawule, meme ndi kantu tshianana, bu mudi tshipu, kadi udi unduisha bua tshinyi? Udi wenda ungipata, bu mudi muntu wipata nkuadi mu mikuna bua tshinyi?