Mika 7:15 - MUKANDA WA MYIDI MUKULU

¹⁵ Utuenzele malu a kukema, bu tshikondu tshiuvua mutupatule mu Ejipitu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Bu munakenza mu matuku anuakuluhuka mu buloba bua Ejipitu, nembaleshe malu a kukema.

Mika 7:15 ပူးပေါင်းရင်းမြစ်များ

Misambu 68:22

Kadi Mvidi Mukulu neabose mitu mikale ne nsuki mile ya baluishi bende, neazaze tubalubalu tua mitu ya benji ba bibi.

Ekesode 3:20

Nanku neukengeshe bena Ejipitu ne makenga a mishindu yonsu. Pamona mukalenga wabu nanku, neanulekele.

Ekesode 34:10

Maweja-Nangila kuambila Moshe ne: — Ndi ntua nebe ndondu, nengenze malu a kukema munkatshi muenu, adi kaayi manji kuenzeka mu tshisamba tshikuabu pa buloba bujima. Bua bena Izrayele bonsu banudi nabu bajadike mudimu muimpe undi mubenzele pamue nebe.

Yeshaya 11:16

Bu muvua bena Izrayele bavua bapatuka mu Ejipitu, benda mu njila munene, ke mudi bantu bavua bashale ne muoyi, mu ditunga dia bena Ashure, mua kuenda kabidi mu njila munene.

Yeshaya 51:10

Uvua mumishe mayi manene, bu mayi a lubuwa, ki ngwewe anyi? Uvua mupande njila munkatshi mua mayi manene, bua bantu bauvua musungidile bapitshilemu, ki ngwewe anyi?

Yeshaya 51:9

Wewe Maweja-Nangila, tabalaku. Juka lukasa, kunengakanyi. Leja bukole buebe tshiakabidi. Ubuleje bu muuvua muenze kale mu bikondu bipite. Uvua mushipe, musaye Rakabe, nyama wa tshikisu wa mu mayi manene, ki ngwewe anyi?