Mika 7:14 - MUKANDA WA MYIDI MUKULU

¹⁴ Maweja-Nangila, lombola bantu bebe ne dikombu diebe dia bulami. Badi basomba pa nkayabu, mu buloba budibu kabayi mua kudima, munkatshi mua madimi mimpe adi ku mpenga. Bu muuvua muenze kale, utufikishe mu mpata mimpe ya Bashane, ne mu ditunga dia Ngilaade.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Ulombele bantu bebe ne mulangala webe wa bulami, mikoko ya buhianyi buebe, idi mishikame ha nkayai mu ditu munkatshi mua Kâmele; badie biabo mu Bashana ne mu Gilada, bu muakenzabo mu matuku a kale.

Mika 7:14 ပူးပေါင်းရင်းမြစ်များ

Misambu 100:3

Numanye ne: Maweja-Nangila udi Mvidi Mukulu. Yeye ke udi mutufuke, tudi bantu bende. Tudi bantu bende ne mikoku idiye ulama.

Misambu 143:5

Ndi mvuluka matuku akadi mamane kupita, ngela meji a bionsu biudi muenze, nganyina mudimu webe.

Misambu 28:9

Maweja-Nangila, sungidila bantu bebe, ubele lupemba, wikale mulami wabu, ubakube kashidi.

Misambu 95:7

Bualu yeye ke udi Mvidi Mukulu wetu, tudi bantu badiye ulama, tudi tshisumbu tshia mikoku tshidi tshianza tshiende tshilombola. Lelu, nudi mua kumvua tshidiye wamba anyi?

Ekesode 33:16

Kabidi mmunyi mudi bantu mua kumanya ne: meme ne bena Izrayele tudi bapete diakalenga kuudi, paudi kuyi munkatshi muetu? Bua tuetu kushilangana ne bisamba bikuabu, anu wewe muikale munkatshi muetu.

Musambu wa Solomo 4:1

Munanga wanyi, udi muimpe mutambe. Udi mulenga tshishiki! Mesu ebe adi engelela ne dinanga, bu nyunyi ya nkudimba, nansha wewe muabuikile ne tshilamba. Nsuki yebe idi ipepa pa makaya, mudi mbuji mifiike tshisumbu ipulumuka pa mukuna wa Ngilaade.

Yeshaya 27:13

Dituku adi, muadi munene wa mpungi neumvuike. Nenku bonsu bavua bajimine mu bena Ashure, nansha bavua batangalaka mu Ejipitu, nebafike. Nebatue binu kumpala kua Maweja-Nangila, pa mukuna wa tshijila, udi mu Yerushalayime.

Yeshaya 35:2

bilenga bu kapapankole! Eyowa, ditunga dimeneshe bilongu, disangale, diele mbila ya disanka! Maweja-Nangila neadipeshe buimpe bua mikuna ya Lebanone, bulenga bua mukuna wa Karmele, ne bua mpata wa Sarone. Nenku bantu bonsu nebamone butumbi bua Maweja-Nangila, buneme bua Mvidi Mukulu wetu.

Yeshaya 37:24

Wewe uvua mutume bantu bebe, bua bampende meme Maweja-Nangila. “Uvua wamba ne: ‘Meme Senakeribe, ndi ne matempu a mvita mapite bungi. Ndi mubande ku nsongu ya mikuna. Ndi muye ne munkatshi mua ditunga dia Lebanone, bua kukosa mitshi ya sedre, idi mipite mikuabu yonsu ku buimpe, ne mitshi ya siprese, idi mipite mikuabu yonsu ku bule. Nemfike ku nsongu ya mikuna, ku ndekelu kuayi, ne munkatshi mua ditu.

Yeshaya 40:11

Udi bu mulami wa mikoku, udi usaka mikoku yende. Udi utuma amu tshianza, uyikunguja kaba kamue. Udi wambula bana ba mikoku mu tshiadi tshiende, usaka bitulu bitulu mikoku idi yamusha tuana.”

Yeshaya 49:10

Kabakufua kabidi nzala nansha nyota to. Nansha tshipepele tshia mu tshipela, nansha munya mukole kabiakubakuata to. Bualu Meme udi ubaludika, ndi mbananga. Nembanuishe mayi matalale a mu mpokolu.

Yeshaya 65:10

Bantu badi bankeba, nebadishe bimuna biabu mu mpata wa Sarone. Mu tshibandabanda tshia Akore ngombe yabu neipete lupangu, ne muaba wa kulala.

Yirmeya 49:31

Maweja-Nangila udi wamba ne: Jukayi nuye kuluisha bantu aba, badi kabayi bumvua lutatu, basombe amu talalaa. Bimenga biabu kabiena ne tshiibi nansha bikuvu. Badi basombe amu pa nkayabu, ku mpenga.

Muadi 1:7

Yerushalayime matuku aa udi mu dikenga, uvuluka bintu bia mushinga mukole bivuaye nabi ku kale. Tshikondu tshivua baluishi bakuate bantu bende, kakuyi muntu nansha umue umuambuluisha, bavua bamutshimune kusankabu, bualu uvua mushale tshintu tshia tshianana.

Muadi 5:21

Utupingaje kuudi, Maweja-Nangila, bua tupingane kuudi bulelela. Utuakajile nsombelu wetu, bu muvuaye bangabanga.

Yezekiyele 36:11

Bantu ne nyama nebivulangane miaba yonsu. Nenuikale bantu ba bungi, nupete ndelanganyi mivule. Ditunga nedikale ne bantu ba bungi bu bangabanga. Nennuendeshe diakalenga dipite dia bangabanga. Nanku nenujadike ne: meme ndi Maweja-Nangila.

Lewitiki 27:32

Padi muntu ne ngombe, mikoku nansha mbuji, udi ne bua kulambula Maweja-Nangila tshimuna tshimue pa bimuna dikumi.

Amosa 9:11

Maweja-Nangila udi wamba ne: “Tshimenga tshia Davide, tshidi bu nzubu mumane kupuka. Kadi dituku dikuabu, nengasulule tshimenga. Nengibakulule bitupa bia tshimana tshiatshi, bivuabu bashimbule mu mvita. Nendongolole nzubu yonsu bimpe, tshimenga tshipete lumu luatshi lua kale.

Obadya 1:19

Bena Yuda badi basombele kuinshi mu ditunga, nebakuate ditunga dia mikuna dia bena Edome. Badi luseke ludi diba dibuelela, nebakuate ditunga dia bena Peleshete. Bena Izrayele nebakuate ditunga dia bena Efrayime, ne tshimenga tshia Samariya. Bena Binyamine nebakuate ditunga dia Ngilaade.

Mika 5:4

Yeye neafile ditalala. — Pikala bena Ashure bafika bua kukuata ditunga dietu, babuela mu nzubu ya bakalenga betu, netubatumine bamfumu tshisumbu tshinene bua kubaluisha.

Sefanya 3:13

Bena Izrayele badi bashale ne muoyi, kabatshiena benza malu mabi, kabena bashima kabidi, kabena badinga kabidi bantu ne mishiku yabu. Nebadie, balale, muntu kayi ubakuatshisha bowa.”

Zekâya 10:10

Nembumushe mu ditunga dia Ejipitu ne dia bena Ashure, nembapingaje kuabu, nenye nabu mu ditunga dia Ngilaade ne dia Lebanone. Kadi nansha mu matunga awu, kabakupeta muaba mukumbane.

Zekâya 11:7

Ke meme kushala mulami wa mikoku, ivua bangenda mushinga bakeba kushipa. Nanku meme kuangata makombu abidi. Meme kuinyika dikombu dia kumpala ne: “Bulunda,” dibidi ne: “Bobumue.” Ke meme kulama nawu mikoku bimpe!

Malaki 3:4

Pashishe Maweja-Nangila neanyishe milambu ya bantu ba mu Yuda ne ba mu Yerushalayime, bu muvuaye muyanyishe kale, mu bidimu bishale panyima.

Dibadika 23:9

Ndi nsomba pa mbuebue, ntangila bantu aba. Ndi pa mikuna, mpuekesha mesu, mbakenketa. Bena Izrayele mbantu ba pa buabu, mbashilangane ne ba bisamba bikuabu.

Dibadika 32:1

Ndelanganyi ya Rubene ne ya Ngade ivua ne bimuna bipite bungi. Kumonabu ditunga dia Yazere ne dia Ngilaade abalengelela bua kumunyinabu bimuna.

Dibadika 32:4

mbia mu ditunga dia bena Izrayele, didibu bapete ku diambuluisha dia Maweja-Nangila. Ditunga edi ndimpe bua tuetu kumunyinamu bimuna bietu.

Matayi 2:6

“Wewe, Betleyeme, musoku wa mu ditunga dia Yudeya, kuena mushadile ku misoku yonsu ya mu ditunga dia Yudeya. Bualu kuudi wewe nkuafumina mfumu, mulombodi wa bantu banyi, bena Izrayele.”

Yowanane 17:16

Kabena ba pa buloba to, mundi meme tshiyi wa pa buloba.

Dielulula 33:28

“Bena Izrayele badi basomba talala. Ndelanganyi ya Yakobe mmisombe bimpe, mu ditunga didi ne ntete ya kuenza bukula, kabidi ne mitshi ya maluvu a mvinyo. Bualu badi bapeta tshitalela tshifuma mu diulu.