Mika 7:12 - MUKANDA WA MYIDI MUKULU

¹² Pashishe, bana benu, nebapingane mu ditunga dienu, bafumina ku bena Ashure ne ku Ejipitu, ku mielelu ya Nile ne Perate, ku mielelu ya mayi manene, ne ku matunga a mikuna.

Mukanda wa Nzambi Dihungila Dikulukulu ne Dihungila Dihia-dihia 2003

¹² Mu dituku adi nebalue kûdi, bafume ku Ashû to ne ku misoko ya mu Ejipitu mene, ku Ejipitu tô ne ku musulu wa Pelata, ku mai manene tô ne ku mai manene makuabo, ku mukuna tô ne ku mukuna mukuabo.

Mika 7:12 ပူးပေါင်းရင်းမြစ်များ

Yeshaya 11:11

Dituku adi Maweja-Nangila neenze tshiakabidi muende muonsu, bua kupikula bantu bende. Neapingaje kuabu bavua bashale ne muoyi mu ditunga dia Ashure ne dia Ejipitu, mu ditunga dia Patrose ne dia Kushe, mu Elame ne mu Babilone, mu Amate wa bena Arame, ne mu matunga a ku muelelu wa mayi manene.

Yeshaya 11:16

Bu muvua bena Izrayele bavua bapatuka mu Ejipitu, benda mu njila munene, ke mudi bantu bavua bashale ne muoyi, mu ditunga dia bena Ashure, mua kuenda kabidi mu njila munene.

Yeshaya 43:6

Nengambile badi ku mutu ne: ‘Nubalekele, bapingane kuabu.’ Nengambile badi kuinshi ne: ‘Kanukandamanyi nabu to.’ Nufike ne bana banyi ba balume, badi ku mutu kuaka. Nufike ne bana banyi ba bakaji, badi ku ndekelu kua buloba.

Yeshaya 49:12

Tangilayi, mbobu aba bakadi bafika. Badi pa mayi manene, batumina kule. Bamue mbafumine ku mutu kua matunga, banga kudi diba dibuelela, bakuabu ku Ejipitu kuinshi kua ditunga.”

Yirmeya 23:3

“Meme nkayanyi nensangishe mikoku idi mishale ne muoyi mu matunga amvua muyitangalaje. Nenyipingaje mu mpata yayi bua imone mua kudia kudiunda, kuvulangana.

Yirmeya 3:18

Diba adi, bena Yuda ne bena Izrayele nebumvuangane. Bonsu babidi nebafumine mu ditunga didi ku mutu kua dienu, bua kupingana mu ditunga dimvua mupeshe bankambua babu bua dishale diabu.

Yirmeya 31:8

Eyowa, meme Maweja-Nangila ndi mbasangisha ku matunga a ku mutu. Ndi mbakunguja ku ntengu ne ntengu ya buloba. Bantu bonsu nebikaleku: bampofu, ne badi batebuka, bakaji badi ne mafu, ne bakadi balele. Bantu banyi bonsu nebapingane tshisumbu tshinene.

Yirmeya 46:27

Wewe Izrayele, muena mudimu wanyi, kutshinyi nansha. Kutekeshi mu maboku to. Nuenu ndelanganyi ya Yakobe, ndi mvua kunusungidila mu matunga a kule. Ndi mvua kupikula bana benu mu ditunga didibu baya nabu mu bupika. wewe Izrayele neupete kabidi ditalala ne bupole. Muntu nansha umue kakukuenzela kabidi bibi to.

Yezekiyele 29:21

“Diba dienzeka bionsu abi, nempeshe kabidi bena Izrayele bukole bupiabupia. Nenkupeshe wewe Yezekiyele bumfumu bua kuakula nabu, bua bajadike ne: meme ndi Maweja-Nangila.”

Yezekiyele 37:21

Pashishe newambile bantu tshindi meme Maweja-Nangila Mvidi Mukulu mubamanyishe ne: “Nuenu bena Izrayele, nennupatule munkatshi mua bisamba bia bantu munuvua baye. Nennusangishe, nnupingaje mu ditunga dienu.

Osheya 11:11

Nebafumine kabidi ku Ejipitu bu mudi nyunyi ya mishamisha, ne ku bena Ashure, bu mudi tshisaku tshia nyunyi ya nkudimba. “Nembapingaje mu ditunga diabu.” Ke mudi Maweja-Nangila wamba nanku.