Mika 7:11 - MUKANDA WA MYIDI MUKULU

¹¹ Dituku didibu bibakulula bimana bia tshimenga tshienu tshikulu nedifike. Dituku adi nebasemeje kule mikalu ya buloba buenu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Dituku dia kuibaka ngumbu yebe kabidi nedifike! Mu dituku adi mikalu yebe neyisemene kule kulê.

Mika 7:11 ပူးပေါင်းရင်းမြစ်များ

Nehemya 2:17

Nanku, mpindiewu meme kubambila ne: — Nudi bamone dikenga ditudi nadi: tshimenga tshia Yerushalayime ntshinyangakaja. Biibi biatshi mbiosha ne kapia! Tuyayi kuibakulula bimana bia Yerushalayime, bua tujikije bundu butudi nabu.

Nehemya 2:8

Umpeshe mukanda mukuabu wa meme kupesha Ashafe, mulami wa metu a mukalenga, bua kumpeshaye mabaya makumbane a meme kuenza nawu biibi bianzubu wa balami ba nzubu wa Mvidi Mukulu, kuenza nawu kabidi bimana bia ku tshimenga, ne kuasa nawu nzubu wa meme kusomba. Mukalenga wa bakalenga kumpesha mikanda ayi, bualu Mvidi Mukulu wanyi uvua mungambuluishe.

Nehemya 4:3

Tuetu kutendelela Mvidi Mukulu wetu, kuteka batentekedi butuku ne munya, bua kualamina baluishi abu.

Nehemya 4:6

Bena Yuda bavua basombe pabuipi ne baluishi betu, kufikabu kutudi misangu bu dikumi, bua kutumanyisha ne: “Nudi ne njiwu, pinganayi kuetu.”

Yeshaya 54:11

Wewe Yerushalayime udi mukengi, udibu banyungisha kudi tshipepele tshikole, kakuyi muntu udi ukusamba. Kadi meme Maweja-Nangila ndi ngamba ne: “Nenkuasulule ne mabue malengeja bimpe. Nengenzulule bitaku biebe ne mabue mafikuluke.

Yeshaya 54:2

Diundisha munda mua ntenta webe, sakidila bilamba, ubivungulule. Kutangidi bungi bua biudi utula. Lepesha mionji ya kusuika nayi ntenta. Popela milonda bikole mu buloba.

Yeshaya 58:12

Nenku nenuasulule miaba ivua mishale makolu. Nenuibakulule nzubu mipiamipia, pa bitaku bia nzubu binukavua bamane kulekela kale. Bantu nebanumanye bu bantu badi balongolola miaba ya mu bimana bia tshimenga idi minyanguke, bu bantu badi balandakaja misesu idi mu tshimenga.

Yeshaya 61:4

Nebasulule nzubu muimpe muaba udi dikolu. Nebibakulule nzubu, uvuabu babumbule kale. Nebalongolole bimenga bivua binyanguke mutantshi mule.

Danyele 9:25

Umanye bimpe, ujingulule ne: kudi bidimu muanda mutekete misangu muanda mutekete, kubangila ku diba divuabu bamanyishe mukenji wa dipingana dia bena tshimuangi, ne wa dibakulula dia Yerushalayime, too ne ku diba didi mfumu wa tshijila upatuka kuudi. Pashishe bidimu muanda mutekete misangu makumi asambombu ne ibidi nebibakulule tshimenga ne bimana biatshi. Kadi matuku awu neikale a ntatu.