Mika 7:10 - MUKANDA WA MYIDI MUKULU

¹⁰ Pamona baluishi betu malu aa, bundu nebubakuate. Bualu bavua batukonka ne: “Maweja-Nangila Mvidi Mukulu wenu, tshidiye wenza ntshinyi?” Nebabadiate mu makasa, bu bitotshi bia mu njila, tuetu netubandile malu aa!

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Hashishe, umena lukuna wanyi neamone muanda eu, bundu nebumukuate, yeye wakadi unkonka ne, Yehowa, Nzambi webe, udi kudi kunyi? Mesu anyi neamumone bimpe, ne tshituha tshilu nebamudiate munda mua makasa bu bitahikidi bia mu misesu.

Mika 7:10 ပူးပေါင်းရင်းမြစ်များ

2 Samuele 22:43

Ndi mbavingutula, mbashiya bu lupuishi. Ndi mbadiata bu bitotshi bia mu misesu.

Misambu 109:29

Bua badi bansonguela, lumu luabu lupuke bu kazaku, bafue bundu bu muntu mudibuikile tshilamba!

Misambu 115:2

Bantu ba bisamba bikuabu badi bakonka ne: “Mvidi Mukulu wabu udi penyi.”

Misambu 18:42

Nansha bela mbila, muntu kena ubambuluisha. Nansha batendelela Maweja-Nangila, kena ubitaba.

Misambu 35:26

Badi basanka bua diakabi dianyi, bundu bubakuate, bupuke lumu! Badi baditambisha, bampepeja, bafue bundu disu tente!

Misambu 42:10

Nenkonke Mvidi Mukulu, lubuebue luanyi ne: “Udi mumpue muoyi bua tshinyi? Ndi nkenga, tshiyi ne dikisha, bualu kaayi? Mudi baluishi banyi bankengesha nenku mbishi?”

Misambu 42:3

Muoyi wanyi udi ne nyota ya Mvidi Mukulu, ya Mvidi Mukulu wa muoyi. Ndiba kaayi dingabuela mu nzubu wa Mvidi Mukulu, bua kumueneka kumpala kuende, kumutendelela.

Misambu 58:10

Nebabakose bu ntambua dishinda, kabidi nansha mutshikale mubishi nansha mosha mvunde neabatangalaje.

Misambu 79:10

Bantu benyi badi batukonka ne: “Mvidi Mukulu wabu udi wenza tshinyi?” Kadi bamanye ne: tudi basue kumona muudi usombuela, bua lufu lua bena mudimu bebe.

Misambu 92:12

Ndi mumone mudibu batshimuna bena lukuna banyi, ndi mumvue muadi wa badi banduisha.

Yeshaya 26:11

Maweja-Nangila, wewe udi olola tshianza bua kubanyoka, kadi kabena bamona biudi musue kuenza to. Udi ubaluisha bundu, ubanyoka, bua bamone muudi unanga bantu bebe bikole! Kapia kaudi mufundile bena lukuna bebe, kababutule bonsu bungi buabu!

Yeshaya 41:25

Ndi mujule muntu, ufumina luseke ludi diba dipatukila. Muntu awu udi ufika luseke lua ku mutu kua ditunga. Badi batela dina diende, luseke ludi diba dipatukila. Udi udiatakaja balombodi ba maloba, mudibu badiata bitotshi, mudi mufumbi wa ngesu, udiata diima, udibeta.

Yirmeya 49:15

Wewe Edome, nenkuenze tshisamba tshishadile ku bisamba bikuabu bionsu. Tshisamba tshidi bantu bonsu bapetula,

Yirmeya 51:24

Kadi Maweja-Nangila udi wamba ne: Mpindiewu nenumone mundi mpingajila bena Babilone malu mabi onsu avuabu benzela Siyone.

Yirmeya 51:51

Tuvua ne bundu bua bungi patuvua tunwua bipendu! Tuvua ne bundu patuvua bamone bantu ba bisamba bikuabu, babuele mu muaba wa tshijila mu nzubu wa Maweja-Nangila.

Yezekiyele 7:18

Nebavuale bilamba bikayapale. Luzakalu nelubakuate. Bundu budi bumuenekela pa mpala yabu. Nebakungule bonsu mu mitu yabu.

Danyele 3:15

Nenumvue kabidi mpindiewu bela mpungi, nshiba, nzenze, lunkombe, ne biombelu bikuabu bionsu. Nanku mpindiewu nenuiname panshi, nukukuile lupingu lundi muenzeje anyi? Kadi binuabenga kulukukuila, diakamue badi banuela mu tshikutu tshidi ne kapia kakole. Diba adi, mvidie kaayi udi mua kunusungidila kundi?

Yowele 2:17

Batuangaji, badi bakuatshila Maweja-Nangila mudimu, badidile muadi mu nzubu wa Mvidi Mukulu, pankatshi pa tshibuelelu ne tshilambuilu, basengelele Mvidi Mukulu, bamuambile ne: “Maweja-Nangila, utufuile luse, tudi bantu bebe, kutufuishishi bundu, kuanyishi bua bantu batuseke, batukonke ne: ‘Tshidi Mvidi Mukulu wabu ubenzela ntshinyi?’ ”

Obadya 1:10

“Nuvua baluishe bana benu, ndelanganyi ya Yakobe babashipe, bapawule bintu biabu. Nanku bundu nebunukuate. Nebanubutule kashidi.

Obadya 1:12

Nuenu bena Edome, kanuvua mua kusanka, pavua bana benu bena Yuda mu dikenga. Kanuvua mua kuseka, pavuabu bababutula. Kanutua mua kubapenda, pavuabu bapampakana.

Mika 4:11

Mpindiewu bisamba bia bungi, mbimane kudisangisha bua kunuluisha. Bidi biamba ne: “Tshimenga tshiabu tshinyanguke, tshifue bundu. Tubandilayi kabutu ka Yerushalayime!”

Mika 7:8

Nuenu baluishi betu, kanutuseki mu dikenga dietu. Nansha tuetu badishinde panshi, netujuke kulu! Nansha tuetu mu midima, Maweja-Nangila udi butoke buetu.

Sefanya 3:15

Maweja-Nangila mmukujimijile bubi buebe. Maweja-Nangila, mukalenga wa Izrayele, udi munkatshi muenu, mmunuipatshile baluishi benu. Nanku kanuena ne bua kutshina tshintu nansha tshimue.

Zekâya 10:5

Nebikale bilobu. Nebadiate badi babaluisha, bu mudibu badiata bitotshi mu njila. Nebaluangane nanku, bualu Maweja-Nangila udi nabu. Baluishi badi babanda pa tubalu, nebafue bundu.

Malaki 1:5

Nuenu bena Izrayele nenumone malu aa. Nenukeme, nuamba ne: “Maweja-Nangila udi uleja bukole buende too ne ku ba bende, miaba idi kayiyi bena Izrayele!” Maweja-Nangila udi ubela batuangaji

Matayi 27:43

Uvua mutekemene kudi Mvidi Mukulu. Nanku bu Mvidi Mukulu umunanga bushuwa, amusungidile mpindiewu! Bualu uvua ujadika ne: “Ndi Muana wa Mvidi Mukulu.”

Yoshua 7:9

Bena Kenaane ne bantu bakuabu ba mu ditunga nebumvue lumu elu. Nebadisange bua kutuluisha. Nebatubutule. Kadi mudibu mua kujadika mpindiewu muudi ne bukole mbishi?

Didimanyisha 18:20

Wewe diulu, sanka, bua padi tshimenga etshi tshibutuke. Nuenu bantu ba Mvidi Mukulu, nuenu bapostolu ne bambi, tuayi tshianga! Bualu Mvidi Mukulu mmutshifundile tshibawu tshia bubi buvuatshi tshinuenzele!