Mika 6:6 - MUKANDA WA MYIDI MUKULU

⁶ “Tufike ne mulambu kaayi, patudi tuya kutendelela Maweja-Nangila, Mvidi Mukulu Muena Kulu? Tufike ne milambu ya kuosha, ya bana ba ngombe ba tshidimu tshimue anyi?

Mukanda wa Nzambi Dihungila Dikulukulu ne Dihungila Dihia-dihia 2003

⁶ Ndue ne tshintu kai ku mpala kua Yehowa bua kukukuila Nzambi Mutambe Bunene wa mu diulu? Ndue ku mpala kuandi ne milambu ya kuosha, ne ya bana ba ngombe ba tshidimu tshimue, anyi?

Mika 6:6 ပူးပေါင်းရင်းမြစ်များ

2 Samuele 21:3

Mukalenga Davide kukonka bena Ngibone ne: — Bua meme kudia nenu tshibalu, nuenu kuela bena Izrayele lupemba bua makenga onsu awa manuenzekele, nnuenzele tshinyi?

Misambu 116:12

Tshindi mua kupingajila Maweja-Nangila, bua bionsu bidiye mungenzele ntshinyi?

Misambu 22:29

Bualu Maweja-Nangila udi mukalenga wa bantu, udi ku mutu kua bukua bisamba!

Misambu 95:2

Tuye kumpala kuende, tuimbe misambu ya kumusankidila, tumusankidile ne misambu.

Misambu 95:6

Buelayi, tuiname, tuinyike mitu, tutue binu, kumpala kua Maweja-Nangila, Mutufuki wetu.

Ekesode 12:5

Muana wa mukoku nansha muana wa mbuji awu ikale wa tshidimu tshimue, kayi ne tshilema pambidi, kabidi anu mulume wa nyama.

Ekesode 23:15

Tshibilu tshia kumpala tshikale tshia mampa adi kaayi mela buanga. Nutshienze mu ngondu wa Abibe matuku malondangane muanda mutekete. Nudie mampa awu, anu mushindu umvua munuambile. Bualu ngondu awu ke unuvua bapatuke mu Ejipitu. Kanufiki kundi kanuyi ne milambu to.

Nsumuinu 15:8

Maweja-Nangila udi udiwula milambu ya bantu babi. Kadi udi wanyisha bikole dilomba dia bantu ba diyi dimue.

Nsumuinu 21:3

Muntu udi ulonda njila wa buakane, muikale kabidi ne muoyi wa kalolu, udi usankisha Maweja-Nangila, mupite muntu udi umulambula milambu.

Yeshaya 40:16

Nyama yonsu ya mu Lebanone, kayena mikumbane bua kumulambula mulambu muakanyine bumfumu buende. Nkunyi yonsu ya mu metu ende, kayena mikumbane bua kuosha mulambu mumukumbanyine.

Yirmeya 6:20

Milambu yabu ya ku Saba, ne mitshi ya dipembu ya mu ditunga dia kule, bidi mua kungenzela tshinyi? Nyama idibu bangoshila pa tshilambuilu, kayena insankisha to. Tshiena musue milambu yabu.

Yezekiyele 46:9

Kadi, pikala bantu bafike bua kuntendelela meme Maweja-Nangila mu bikondu bisunguluke, badi babuela ku tshiibi tshia luseke lua ku mutu wa nzubu, nebapatukile ku tshiibi tshia luseke lua kuinshi. Badi babuela ku tshiibi tshia luseke lua kuinshi, nebapatukile ku tshiibi tshia luseke lua ku mutu wa nzubu. Muntu nansha umue kena mua kupatukila muaba udiye mubuelele to. Kadi muntu yonsu neapatukile ku tshiibi tshikuabu, tshidi tshitangilangane ne tshivuaye mubuelele.

Danyele 3:26

Nebukadnesare kusemena pabuipi ne mushiku wa tshikutu tshia kapia kuela lubila lukole ne: — Shadrake, Meshake, Abede-Nego, batendeledi ba Mvidi Mukulu wa mu diulu, patukayi, luayi! Diakamue kupatukabu bonsu basatu mu kapia.

Danyele 4:9

Uvua ne mabeji mimpe matambe, ukuama bimuma bipite bungi, bua bonsu bamone mua kubidia, kuukuta. Nyama ya mu mpata ivua ikisha mu dileji dia mutshi awu. Nyunyi ivua ibaka masua ayi mu matamba awu. Tshifukibua tshionsu tshidi ne muoyi tshiwa tshipetelaku tshiakudia tshiatshi.

Danyele 5:18

Mvidi Mukulu, Muena kulu, uvua muenze tatuebe Nebukadnesare mukalenga munene, wa lumu ne bubanji.

Danyele 5:21

Bakamuipata munkatshi mua bantu, bamupuekesha milongu ya nyama. Kusombaye ne nyama ya mpunde ya mu tshisuku. Kudiaye bisosa bu ngombe. Mubidi wende kubola ne lumuma, too ne pakamanyaye ne: Mvidi Mukulu, Muena kulu, ke udi mfumu wa makalenga a bantu, ke udi upesha muntu udiye musue bukalenga.

Osheya 5:6

Badi baya ne ngombe ne mikoku, bua kuyilambula Maweja-Nangila. Badi bakeba Maweja-Nangila, kadi kabakumusangana to. Bualu mmumane kubabenga.

Amosa 5:22

nansha nundambula milambu ya kuosha. Milambu ya bia pa madimi enu idi imfikila ku muoyi. Tshiena nansha ntangila nyama, inudi nundambula bu milambu ya bobumue.

Matayi 19:16

Muntu kampande uvua muye kudi Yezu, umukonka ne: — Mulongeshi, bua meme kupeta muoyi wa kashidi, ndi ne bua kuenza bualu buimpe kaayi?

Marke 12:33

Nenku, muntu udi ne bua kunanga Mvidi Mukulu ne muoyi wende onsu, ne lungenyi luende luonsu ne bukole buende buonsu. Udi ne bua kunanga kabidi muntu nende bu mudiye mudinange yeye mene. Kuenza nanku nkupita kuoshila Mvidi Mukulu nyama pa tshilambuilu ne kumulambula milambu ya mishindu yonsu.

Marke 5:7

kuela diyi dikole ne: — Yezu Muana wa Mvidi Mukulu wa kulu, butudi nebe mbunganyi? Ndi nkusengelela mu dina dia Mvidi Mukulu, kunnyoki nansha!

Luke 10:25

Ke mulongeshi wa mikenji kufika kudi Yezu, kumuela lukonku bua kumuteya, wamba ne: — Mulongeshi, bua kupeta muoyi wa kashidi, ngenze tshinyi?

Yowanane 6:26

Yezu kubandamuna ne: — Ndi nnujadikila ne: nudi nunkeba bualu nuvua badie buukute, kadi kanuvua bajingulule bishima bimvua muenze to.

Bienzedi 16:17

Kutulondaye tuetu ne Polu, wela mbila ne: — Bantu aba mbena mudimu wa Mvidi Mukulu, Muena kulu! Badi banumanyisha munudi mua kupanda!

Bienzedi 16:30

Pashishe kubapatulaye mu kazubu aku, ubakonka ne: — Bakalenga, bua meme kupanda, ngenze tshinyi?

Bienzedi 2:37

Bantu bumvua miaku eyi, kulubakanabu bikole. Kukonkabu Petro ne bapostolu bakuabu ne: — Kadi, bana betu, tshitudi ne bua kuenza ntshinyi?

Efeze 3:14

Ke pandi ntuila Mvidi Mukulu Tatu binu.

Ebrewu 10:11

Ku dituku ku dituku, mutuangaji yonsu uvua wimana kulu bua kuenzela Mvidi Mukulu mudimu wende. Udi ulambula misangu mivule milambu ya momumue idi kayiyi mua kujimija mibi musangu nansha umue.

1 Samuele 15:22

Samuwele kukonka Shawule ne: — Maweja-Nangila udi usanka bua milambu ya bungi idibu bamulambula, anyi udi usanka bua mikenji yende idibu batumikila? Milambu kayena imusankisha to. Bualu, kutumikila Maweja-Nangila, kuenza tshidiye muambe, nkupite milambu ya nyama, nansha yoyi ne mafuta a bungi.