Mika 6:13 - MUKANDA WA MYIDI MUKULU

¹³ Nenku, ndi mubange kununyoka, nennubutule, bua malu mabi enu.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Nunku meme kabidi nennutahe, nennubutule bualu bua mibi yenu.

Mika 6:13 ပူးပေါင်းရင်းမြစ်များ

Yeshaya 6:11

Ke meme kukonka ne: — Maweja-Nangila, nebikale nanku too ne ku diba kaayi? Yeye kungandamuna ne: — Nebikale nanku too ne ku diba didibu banyangakaja bimenga bionsu, batangalaja bantu, nzubu yonsu ishala munda mutupu, ditunga dijima dishala tshipela.

Yirmeya 14:18

Pandi nya ku budimi, ndi mmona amu bitalu bia bantu bavua bafue mu mvita. Pandi mpingana mu tshimenga, ndi mmona anu bitalu, bia bantu bavua bafue ku tshiyole tshia nzala. Bambi ne batuangaji badi batambakana mu ditunga, kabayi bamanye tshia kuenza.

Muadi 1:13

Uvua mutume kapia ka mu diulu. Kukabuejaye munda muanyi. Kungelaye buteyi ku makasa, kunshindishaye tshianyima. Kunnyingalajaye bikole. Ndi amu nsama matuku onsu.

Muadi 3:11

Kumpangishaye tshimvua mua kuenza bua kuikala ne muoyi. Kuntekeshaye, kumpuwisha kashidi.

Muadi 5:16

Buneme buetu mbujike! Tudi ne diakabi, bualu tuvua benzele Maweja-Nangila bibi.

Osheya 5:9

Dituku dia kunyoka bantu, bena Efrayime nebabutuke bonsu, ditunga diabu nedishale anu tshipela. Bionsu bindi mmanyisha bena Izrayele, nebienzeke, kamuyi mpata.

Lewitiki 26:16

nenku nennunyoke mushindu ewu: “Nennukuatshishe bowa, nunyane, nupete disama dia mubidi luya. Makenga aa neanupangishe mua kumona bimpe. Nenushale ne muoyi matuku makese. Nenukune biakudia mu madimi enu, kadi nebabidie amu kudi baluishi benu.

Mika 1:9

Mituutu idibu batuuta Samariya, idi imubutula kashidi. Baluishi mbabuele ne mu ditunga dia Yuda, mbafike ku biibi bia Yerushalayime, kudi bantu banyi basombe.

Mika 6:16

Nenuidikije malu mabi onsu, avua mukalenga Omri wenza ne bena diku dia Akabe, muanende wa balume. Nudi nulonda bilele biabu! Ke pandi mbutula tshimenga tshienu. Nuenu badi basombamu, bantu nebanuseke. Bundu budi bukuata bantu banyi bonsu, nebunukuate kabidi.”

Mika 7:13

Kadi buloba bukuabu nebushale tshipela, bua malu mabi a badi basombapu.

Bienzedi 12:23

Diakamue mutumibue wa Mvidi Mukulu kusamisha Erode, bualu uvua udikebela lumu luvua Mvidi Mukulu ne bua kupeta. Kubuelaye bikusu, kufua.