Mika 6:10 - MUKANDA WA MYIDI MUKULU

¹⁰ Ndi mua kutangila ne mesu patupu bantu babi, badi buwuja nzubu yabu, ne bintu bivuabu bapete ku dishima, ne ku bipimu bia buivi, bisendame, — ke bindi mbenga — anyi?

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Biuma biakuhetabo ku bibi bitshidi mu nsubu ya bantu babi, anyi? Tshihiminu tshia buivi tshindi ngela mulau tshidimu, anyi?

Mika 6:10 ပူးပေါင်းရင်းမြစ်များ

Nsumuinu 10:2

Biuma bipeta ku bubi kabiena bilubuluka kudi udi nabi, kadi muntu udi uvuluka Mvidi Mukulu mu midimu yende neashale ne muoyi.

Nsumuinu 11:1

Maweja-Nangila udi udiwula bantu badi ne bitempelu bia dishima, kadi udi wanyisha badi bapima bintu mudibi.

Nsumuinu 20:10

Kupima bujitu nansha bule bua tshintu ne bipimu bia kudinga nabi bantu, nngenzelu udi Maweja-Nangila udiwula bikole.

Nsumuinu 20:23

Maweja-Nangila udi udiwula majitu adibu bapima badinga bantu. Udi ubenga tshipimu tshia dishima.

Nsumuinu 21:6

Bantu badi bapeta biuma ne didinga mbantu bapote, badi bafika ku lufu.

Amosa 3:10

Maweja-Nangila udi wamba ne: “Bena Samariya kabena bamanye kuenza bualu buimpe nansha bumue. Badi bunguija mu nzubu yabu ya bukalenga, biuma bipeta mu buivi ne dishipangana.”

Amosa 3:9

Bandayi pa misaka ya nzubu ya bukalenga ya mu Asdode, tshimenga tshia bena Peleshete, ne ya mu Ejipitu, nuele mbila ne: “Disangishayi pa mikuna, pabuipi ne tshimenga tshia Samariya, bua nujadike mudi bena tshinyangu, bakengeshanganamu, bajula tshimvundu.”

Mika 6:9

Telejayi bidi Maweja-Nangila wambila badi basomba mu tshimenga: Badi bangata mibelu yende ne mushinga, neabasungidile. “Nuenu bena tshisamba tshia Yuda, nuenu bonsu badi badisangisha mu tshimenga, telejayi!

Sefanya 1:9

Dituku adi, nennyoke bonsu badi batupikila pa mutu pa mushiku wa nzubu wa Mvidi Mukulu, mudi bantu ba bisamba bikuabu benza. Nennyoke bonsu badi buwuja nzubu wa mfumuabu ne biuma bipeta ku buenzayi ne tshinyangu.”

Zekâya 5:6

Meme kumukonka ne: — Ntshinyi etshi? Kungandamunaye ne: — Munda mua tshibondu etshi mudi malu mabi a mu ditunga dijima.

Yoshua 7:1

Bena Izrayele bavua benza bualu bubi butambe, bualu bavua bangata bintu bivua Maweja-Nangila mukandike. Nenku muntu wa mu tshisamba tshia Yuda, dina diende Akane, muana wa Karmi, (Karmi uvua muana wa Zabdi, kabidi muikulu wa Zera) uvua mudiangatshile ku bukole bimue bintu. Nenku Maweja-Nangila kufikila bena Izrayele munda.