Mika 5:8 - MUKANDA WA MYIDI MUKULU

⁸ “Eyowa, luisha baluishi bebe, ubashipe, ubasunsule!

Mukanda wa Nzambi Dihungila Dikulukulu ne Dihungila Dihia-dihia 2003

⁸ Difuka dia Yakoba nedikale munkatshi mua bisamba bia bantu, munkatshi mua bisamba bia bungi, bu nyama wa ntambue munkatshi mua nyama ya muitu, bu muana wa ntambue munkatshi mua bisumbu bia mikoko; yeye mene, biahiteye munkatshi muai, udi widiata, udi wisunsula, ne kakuena muntu wayihandisha.

Mika 5:8 ပူးပေါင်းရင်းမြစ်များ

Genese 49:9

Yuda, muananyi, udi bu muana wa ntambue. Udi ushipa nyama, upingana muaba uvuaye mulale. Ntambue udi utua tshiadi panshi, ulala. Kakuena udi mua kumujula ku bukole.

Misambu 104:20

Udi utuma miidima, butuku buila, nyama ya muitu yendakana.

Misambu 44:5

Wewe Mvidi Mukulu ke udi Mukalenga wanyi, udi uludika bantu bebe bua batshimune.

Misambu 50:22

Nuenu nukadi bampue muoyi! Kadi telejayi bimpe bindi nnuambila. Tshianana nennusunsule bu ntambue, muntu kayi mua kunkandika!

Nsumuinu 30:30

nyama wa ntambue udi upita nyama yonsu ku bukitu, kayi utshina tshintu nansha tshimue,

Yeshaya 5:29

Bibingu bia mvita bidibu beela kudi bena tshisamba atshi, bidi bu nyama wa ntambue mukaji ukungula, bu nyama wa lonji udila ukuata nyama, uya kumuteka muaba musunguluke, kakuyi udi mua kumunyenga.

Yezekiyele 39:10

Bantu kabakuya kukeba nkunyi mu mpata, nansha kabakukosa mitshi muitu to. Nebatemeshe kapia ne nkunyi ya mu bia mvita ebi. Nebibe pabu, nebanyangakaje bintu bia bantu bavua bibe biabu. Meme Maweja-Nangila Mvidi Mukulu ndi njadika nanku.

Osheya 5:14

Bualu meme Maweja-Nangila ndi nduisha bena Efrayime, bu mudi nyama wa ntambue. Ndi nduisha bena Yuda, bu mudi nyama wa tshikisu. Anu meme, meme nkayanyi, ke udi ubasunsula. Ndi ngambula minyinyi yabu. Kakuena udi mua kunnyenga minyinyi ayi to.

Mika 2:12

Maweja-Nangila udi wamba ne: “Nuenu ndelanganyi ya Yakobe, nennusangishe bonsu. Nuenu badi bashale ne muoyi mu Izrayele, nennukunguje. Nennusangishe muaba umue, bu mikoku mu lupangu luayi, bu tshisumbu tshia nyama mu mpata. Nennuenze tshisumbu tshimue tshia bantu bavule.

Mika 4:13

“Nuenu bena mu Yerushalayime, jukayi, shipulayi ntete. Nennukankamike, nushale mudi ngombe udi ne nsengu mikole bu tshiamu, ne bikonu bu tshiamu tshikunze. Nenuboze bantu ba bungi. Nenupawule bintu biabu, nenubijidile mu dina dianyi meme Maweja-Nangila, mfumu wa buloba bujima.”

Mika 4:7

Nensangishe badi batapike, tshisamba tshifululuke. Nengangate badi mu bupika, bashale tshisamba tshinene. Meme Maweja-Nangila, nengikale ku mutu kuabu, biangatshile ku Siyone, ku dituku adi too ne tshiendelele.

Mika 5:3

Yeye ke mfumu uvuabu babalaye. Nealombole bantu bende ne muoyi mukole. Nealeje bukole buende, ne butumbi bua Maweja-Nangila, Mvidi Mukulu wende. Bantu ba tshisamba tshiende nebasombe mu ditalala, bualu nebitabe bumfumu buende too ne ku nshikidilu kua buloba.

Mika 7:18

Kakuena mvidie nansha umue, udi mukufuane wewe Maweja-Nangila. Udi ufuila bantu bebe badi bashala ne muoyi luse, kuyi musue kuvuluka kashidi bilema biabu. Kuena ulama tshiji matuku onsu. Disanka diebe didi amu dia kutunanga, kutuenzela bimpe.

Zekâya 10:5

Nebikale bilobu. Nebadiate badi babaluisha, bu mudibu badiata bitotshi mu njila. Nebaluangane nanku, bualu Maweja-Nangila udi nabu. Baluishi badi babanda pa tubalu, nebafue bundu.

Zekâya 11:6

Ke pandi meme Maweja-Nangila ngamba ne: Tshiena mfuila bantu ba mu buloba ebu luse kabidi to. Nemfile muntu yonsu mu bianza bia muena mutumba nende, ne mu bianza bia mukalenga wende. Bakalenga nebanyangakaje buloba. Tshiena usungidila muntu ku bianza biabu.

Zekâya 12:3

Dituku adi, nengenze Yerushalayime dibue dinene dia bujitu, didi bantu bakeba kuambula. Kadi bonsu badi badiambula nebatapike. Nenku bisamba bionsu bia pa buloba nebidisangishe bua kuluisha Yerushalayime.

Zekâya 14:18

Pikala bena Ejipitu babenga kuya ku Yerushalayime, bua kuenzaku tshibilu tshia tuzubu tua Bisasa, tshipupu netshibakuate, muvuatshi tshikuate bisamba bikuabu, bivua bibenga kuya kuenza tshibilu etshi.

Zekâya 9:15

Maweja-Nangila wa bukole buonsu, nealame bantu bende, nealokeshe mvula ya mabue, bua kubutula ne kuzaza baluishi babu. Nebitshikije mashi a baluishi babu panshi, bu mudibu bitshikija pa matumba a tshilambuilu maluvu, nansha mashi a nyama ya milambu, adi tente mu makopu a kumiamina nawu.

Dibadika 24:9

Bena Izrayele kuzonzama, kulala panshi bu nyama ya ntambue. Udi mua kubajula ku bukole nnganyi? Izrayele, udi ukuela lupemba, bamuele pende! Udi ukutshipa, bamutshipe biende!

Matayi 10:14

Mu nzubu yonsu, nansha mu tshimenga, muikalabu babenga kunuakidila, nansha kunuteleja, nupatukemu. Kadi nututule lupuishi lua ku makasa enu.

Bienzedi 18:6

Kadi bena Yuda bavua bamuluisha, bamupenda. Nanku Polu kubanyukuila bilamba biende, ubamba ne: — Panuikala bajimine, nuambe ne: tudi badijimije nkayetu. Meme tshiena ne bualu. Bituadija ku lelu, nenye kudi bantu ba bisamba bikuabu.

Ebrewu 12:25

Nanku nudimuke! Kanubengi kuteleja udi wakula nenu. Bantu bavua babenga kuteleja muntu uvua ubabela pa buloba mu dina dia Mvidi Mukulu, batata bapete dinyoka. Nanku tuetu nangananga nebatunyoke patudi tubenga udi utuambila diyi didi difume mulu.

Ebrewu 2:3

Nanku, patualengulula lupandu bunene nenku, mutuapanduka dinyoka mmunyi? Maweja-Nangila nkayende uvua mudianze kutumanyisha lupandu elu. Pashishe bavua bumvue mudi lupandu elu kutujadikilabu bunene bualu.