Mika 5:7 - MUKANDA WA MYIDI MUKULU

⁷ — Bena Izrayele badi bashala ne muoyi munkatshi mua bisamba bia bungi, nebikale ne bukole bu bua nyama wa ntambue munkatshi mua nyama ya muitu, nansha munkatshi mua tshisumbu tshia mikoku. Muaba onsu udiye upita, udi uyikuata, uyisunsula, kakuyi muntu umunyengayi.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Difuka dia Yakoba nedikale munkatshi mua bisamba bia bungi bu mume mufume kudi Yehowa, bu kumata kua nvula ha mashinde, bidi kabiyi bindila dî dia muntu, ne bidi kabiyi bindila mei a bana ba balume ba bantu.

Mika 5:7 ပူးပေါင်းရင်းမြစ်များ

2 Samuele 17:12

Netupete Davide muaba onsu wikalaye musokome. Netumunguile bu mudi lumuma lumata pa buloba. Tatuebe ne bantu bonsu badiye nabu, netubabutule bonsu.

Misambu 110:3

Bantu badi bamanye mvita bikole badi baya nebe bua kukufila, dituku diudi usangisha bena mvita bebe. Bansongalume bebe badi bavue kuudi pa mikuna ya tshijila, bu mudi dima dipatuka pa kubundubundu.

Misambu 133:3

Bidi bu lumuma, lupueka pa mukuna wa Ermone, pa mukuna wa Siyone. Bualu mu Siyone ke mudi Maweja-Nangila muteke disanka ne muoyi kashidi.

Misambu 72:6

Bukalenga buende bulengelele bantu, bu mudi mvula uloka mu madimi, walengeja, bu mudi mvula wa mudimbi utotesha buloba, ubufukisha.

Nsumuinu 19:12

Tshiji tshia mukalenga tshidi tshikuata bowa bu muadi wa nyama wa ntambue. Kadi kalolu kadiye uleja muntu, kadi bu lumuma ludi lupueka pa bisosa, lufila tshitalela.

Yeshaya 32:15

Dituku dikuabu, Maweja-Nangila, neatutumine Mueyelu wende. Nenku, madimi avua kaayi akuama bintu, neandamuke malaba mafuke a mitshi. Mitshi ya bimuma neikale bungi bu mitshi ya muitu!

Yeshaya 44:3

Bualu nempuekeshe mayi mu ditunga didi kadiyi mayi. Nempatule tusulu mu buloba buume. Nengitshikije Mueyelu wanyi pa bana bebe. Nengele ndelanganyi yebe lupemba.

Yeshaya 55:10

Mvula ne mabungi bidi biloka. Kadi kabiena bipingana mulu, amu bianji kubolesha buloba, kubufukisha, amu bianji kumeneshamu ntete. Ntete eyi idi ipetesha mikuabu idibu mua kumiamina, ne mikuabu idibu mua kudia.

Yeshaya 66:19

Nembaleje mundi ne bumfumu. Kadi bantu bakuabu bandi mumane kupandisha, nembatume mu bisamba bia bena Tarshishe, bena Pule, bena Lude, — ke bantu badi bamanye bikole mua kuela mikete, — bia bena Tubale ne bena Yavane, ne mu bidiila bidi kulekule. Miaba yonsu ayi bantu kabena banji kumvua butumbi buanyi. Kadi bantu bambatuma, nebamanyishe bena bisamba ebi butumbi buanyi.

Yirmeya 14:22

Ku mvidie yonsu ya patupu ya pa buloba, udi mua kulokesha mvula mvidie kaayi? Tshibuashibuashi nkayatshi katshiena mua kulokesha mvula, kadi amu wewe Maweja-Nangila. Mvidi Mukulu wetu, tudi bakutekemena, bualu amu wewe ngudi wenza malu onsu.

Yezekiyele 14:22

Bushuwa, bamue bantu balume ne bakaji, mbashale ne muoyi. Kadi mbamane kubapatula mu tshimenga. Nebafike nabu kunudi mu bupika. Nuenu bamone malu mabi adibu benza, nenumvue bimpe mundi mukengeshe Yerushalayime anu pa bualu.

Yezekiyele 47:1

Muntu kupingana nanyi ku tshibuelelu tshia nzubu wa Mvidi Mukulu. Nanku meme kumona mayi apatukila muinshi mua mushiku wa mbelu, wa ku luseke ludi diba dipatukila. Bualu tshibuelelu tshia nzubu wa Mvidi Mukulu tshivua tshitangila ku luseke ludi diba dipatukila lua nzubu. Nanku mayi avua apuekela ku luseke lua kuinshi kua nzubu wa Mvidi Mukulu, pashishe avua apitshila luseke lua kuinshi kua tshilambuilu.

Yezekiyele 5:5

Meme Maweja-Nangila Mvidi Mukulu ndi ngamba ne: “Ke muenzelabu Yerushalayime, tshimenga tshindi muteke munkatshi mua bisamba, tshinyungulula kudi matunga a bantu benyi.

Danyele 11:32

Mukalenga ewu nkayende, ne miaku yende ya lubombu, neafikishe bantu ku dishipa dia ndondu. Kadi bantu bonsu badi bitaba Mvidi Mukulu ne muoyi umue, nebashindame mu malu adibu benza.

Osheya 14:5

— Maweja-Nangila udi wamba ne: Meme nendongolole bena Izrayele, bua bangitabe tshiakabidi. Ki mbikole bua meme kubaleja dinanga dianyi to. Nkadi mumane kubafuila luse, tshiena nabu kabidi ne tshiji.

Osheya 6:3

Tuenzayi muetu muonsu bua kumanya Maweja-Nangila, tukumbaje bidiye musue. Difika diende ndimane kujadika, anu bu mudi butuku butshia misangu yonsu. Neafike bua kutuambuluisha, bu mudi mvula mbedi uloka, bua kutalaja buloba.”

Amosa 5:15

Nulekele malu mabi, nunange bidi bimpe. Nukose nsambu pa yoyi. Bumue Maweja-Nangila, Mvidi Mukulu wa bukole buonsu, neamone mua kufuila bantu ba ndekelu ba ku ndelanganyi ya Yozefe luse.

Mika 2:12

Maweja-Nangila udi wamba ne: “Nuenu ndelanganyi ya Yakobe, nennusangishe bonsu. Nuenu badi bashale ne muoyi mu Izrayele, nennukunguje. Nennusangishe muaba umue, bu mikoku mu lupangu luayi, bu tshisumbu tshia nyama mu mpata. Nennuenze tshisumbu tshimue tshia bantu bavule.

Mika 4:13

“Nuenu bena mu Yerushalayime, jukayi, shipulayi ntete. Nennukankamike, nushale mudi ngombe udi ne nsengu mikole bu tshiamu, ne bikonu bu tshiamu tshikunze. Nenuboze bantu ba bungi. Nenupawule bintu biabu, nenubijidile mu dina dianyi meme Maweja-Nangila, mfumu wa buloba bujima.”

Mika 4:7

Nensangishe badi batapike, tshisamba tshifululuke. Nengangate badi mu bupika, bashale tshisamba tshinene. Meme Maweja-Nangila, nengikale ku mutu kuabu, biangatshile ku Siyone, ku dituku adi too ne tshiendelele.

Mika 5:3

Yeye ke mfumu uvuabu babalaye. Nealombole bantu bende ne muoyi mukole. Nealeje bukole buende, ne butumbi bua Maweja-Nangila, Mvidi Mukulu wende. Bantu ba tshisamba tshiende nebasombe mu ditalala, bualu nebitabe bumfumu buende too ne ku nshikidilu kua buloba.

Mika 5:8

“Eyowa, luisha baluishi bebe, ubashipe, ubasunsule!

Mika 7:18

Kakuena mvidie nansha umue, udi mukufuane wewe Maweja-Nangila. Udi ufuila bantu bebe badi bashala ne muoyi luse, kuyi musue kuvuluka kashidi bilema biabu. Kuena ulama tshiji matuku onsu. Disanka diebe didi amu dia kutunanga, kutuenzela bimpe.

Sefanya 3:13

Bena Izrayele badi bashale ne muoyi, kabatshiena benza malu mabi, kabena bashima kabidi, kabena badinga kabidi bantu ne mishiku yabu. Nebadie, balale, muntu kayi ubakuatshisha bowa.”

Zekâya 14:8

Dituku adi, mpokolu neabudike mu Yerushalayime, tshia bibidi tshimue tshia mayi awu, netshipuekele ku Mayi manene a luepu, tshia bibidi tshikuabu netshipuekele ku Mayi manene a pankatshi. Nebienzeke nanku tshidimu tshijima, mu mushipu, nansha mu mvula.

Zekâya 9:13

Yuda neangambuluishe bu buta bua mvita, Efrayime neikale bu mukete. Siyone, nentume bantu bebe, bua kuluishabu bena Ngreke. Nebangambuluishe bua kuluangana mvita, bu mudi muele wa myita wambuluisha muluanganyi wa bukitu.”

Matayi 28:19

Nenku nuye kudi bantu ba bisamba bionsu. Nubenze balongi banyi. Nubatue mu mayi mu dina dia Tatu, dia Muana, ne dia Mueyelu wa Tshijila.

Bienzedi 11:15

Ntuadija kulongesha, Mueyelu wa Tshijila kupuekela bantu abu, anu muvuawu mutupuekele petu mu ntuadijilu amu.

Bienzedi 13:46

Kadi Polu ne Barnabase bavua babambila patoke ne: — Nuenu ke batuvua ne bua kudianza kumanyisha muaku wa Mvidi Mukulu. Kadi bu munudi nuubenga, nudimona ne: katuena bualu ne muoyi wa kashidi, nanku tuetu tudi tuya kudi bantu badi kabayi bena Yuda.

Bienzedi 16:9

Butuku Mvidi Mukulu kuleja Polu malu. Kumonaye muntu wa bena Masedoniya muimane, umulomba ne: “Pitshila mu Masedoniya, uvue kutuambuluisha!”

Bienzedi 9:15

Ke Mfumu kumuandamuna ne: — Uye. Bualu muntu awu ke tshiamu tshia mudimu tshindi musungule, bua kumanyishaye bisamba bikuabu, bakalenga ba matunga, ne bena Izrayele, dina dianyi.

Rome 10:20

Ke padi muambi Yeshaya ukimina kuamba ne: “Mvidi Mukulu udi wamba ne: Tuamonanganyi ne bantu bavua kabayi bankeba. Ndi mudileje kudi bavua kabayi bangebeja bualu.”

Rome 11:12

Pakadi tshilema tshivua bena Yuda benze, tshipetesha bantu ba pa buloba bubanji kudi Mvidi Mukulu, pakadi ntupakanyi yabu yelesha bisamba bikuabu lupemba kudiye, nanku dituku diapinganabu muabu muonsu mu njila wa ditaba, nebapeteshe ba pa buloba bilenga bipite!

Rome 9:30

Nenku netuambe bishi? Bantu bavua kabayi bena Yuda, kabayi bakeba kubinga ku mesu kua Mvidi Mukulu, Mvidi Mukulu mmubabingishe kumpala kuende bua ditaba.

1 Korente 3:6

Mvua mukune maminu, Apolose kuamiamina mayi. Kadi Mvidi Mukulu ke udi wamenesha.

Dielulula 32:2

Bindi ndongesha bitampakane miaba yonsu, bu mudi mvula usankisha madimi. Mibelu yanyi imuangalake, mudi lumuma lutangalaka ku bisosa.

Balombodi 6:36

Ngideyone kuambila Mvidi Mukulu ne: — Uvua mumane kuamba ne: udi munsungule meme Ngideyone bua kusungidila bena Izrayele.