Mika 5:6 - MUKANDA WA MYIDI MUKULU

⁶ — Bena Izrayele badi bashala ne muoyi munkatshi mua bisamba bia bungi, nebikale bu lumuma ludi Maweja-Nangila ulokesha, bu mvula ulokela pa bisosa. Kabena balomba bantu tshintu, badi batekemena amu Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Nebabutule buloba bua Ashû ne muele wa nvita, ne buloba bua Nimeloda tô ne ku bibuelelu biabu. Yeye neatuhandishe kudi Muena Ashû halueye mu buloha buetu, hadiateye ku mikalu yetu.

Mika 5:6 ပူးပေါင်းရင်းမြစ်များ

2 Bakalenga 15:29

Tshikondu tshivua Peka mukalenga wa bena Izrayele, Tiglate-Pilesere, mukalenga wa bena Ashure, kukuata bimenga ebi: Yone, Ebele-Bete-Maaka, Yanowa, Kadeshe ne Ashore. Tiglate-Pilesere kukuata buloba bua bena Ngilaade, Ngalileya, ne ditunga dijima dia Naftali. Kuyaye ne bena ditunga mu bupika mu Ashure.

1 Kulondolola 1:10

Nemrode, muana mukuabu wa Kushe, ke uvua tshilobu tshia kumpala pa buloba.

2 Kulondolola 33:11

Nanku, Maweja-Nangila kubatumina balombodi ba bena m vita ba mukalenga wa bena Ashure. Kukuatabu Menashe, kumuela nkanu ku mbanga, kumusuikabu bikole ne nkanu, kuyabu nende ku Babilone.

Yobe 29:22

Pamvua njikija kabavua batontolola nansha. Miaku yanyi ivua ibuela munda muabu bu mayi a mvula.

Misambu 110:3

Bantu badi bamanye mvita bikole badi baya nebe bua kukufila, dituku diudi usangisha bena mvita bebe. Bansongalume bebe badi bavue kuudi pa mikuna ya tshijila, bu mudi dima dipatuka pa kubundubundu.

Misambu 72:6

Bukalenga buende bulengelele bantu, bu mudi mvula uloka mu madimi, walengeja, bu mudi mvula wa mudimbi utotesha buloba, ubufukisha.

Yeshaya 14:2

Bantu ba mu bisamba bikuabu nebambuluishe bena Izrayele, nebabafile kuabu. Mu buloba bua Maweja-Nangila, bena Izrayele nebadiangatshile bantu aba balume ne bakaji bu bapika babu. Bantu bavua babela mu lukanu, bena Izrayele nebabele kabidi mu lukanu. Nebashale bamfumu ba bantu bavua babatumina diyi.

Yeshaya 14:25

Nenyangakaje bukole bua bena Ashure, mu buloba buanyi meme. Nembudiatakaje pa mikuna yanyi. Nenjikije tshinyangu, tshidibu banyanga natshi bantu banyi. Nengumushe bujitu bunene, budibu babambuishe.”

Yeshaya 33:1

Wewe munyangi wa bintu bionsu, udi muena diakabi, bualu kabavua bakunyange wewe nenku to. Udi welela bakuabu tshitungu, padibu kabayi bakuelela wewe tshitungu! Pawamana kulekela kubutula bakuabu, nebakubutule ne wewe kabidi. Pawamana kutungila bakuabu tshitungu, nebakutungile ne wewe kabidi.

Yeshaya 37:36

Nanku, mutumibue wa Maweja-Nangila kuya mu mitanda ya bena Ashure. Kushipaye bantu binunu lukama ne makumi muanda mukulu ne bitanu. Butshia dinda, bantu bavua bashala ne muoyi babika, kumonabu bitalu bionsu abi.

Yeshaya 37:37

Nanku, Senakeribe, mukalenga wa bena Ashure, kutudisha mitanda, kuya kusomba mu tshimenga tshiende tshikulu tshia Ninive.

Yeshaya 6:13

Ku bantu dikumi, anu umue neapanduke ku tshinyangu. Yeye awu neabutuke kabidi. Neikale bu lutonga ludi lutoloka ku tshikuku tshia lusanga, nansha tshia mutshi wa terebinte. Nebaludie kudi nyama. Kadi tshikuku tshidi tshishala, netshisangule bantu badi banemeka Maweja-Nangila.

Yirmeya 14:22

Ku mvidie yonsu ya patupu ya pa buloba, udi mua kulokesha mvula mvidie kaayi? Tshibuashibuashi nkayatshi katshiena mua kulokesha mvula, kadi amu wewe Maweja-Nangila. Mvidi Mukulu wetu, tudi bakutekemena, bualu amu wewe ngudi wenza malu onsu.

Nahume 2:11

Badi bapawula bintu, banyangakaja tshimenga, batshibutula! Bonsu kuteketa mu maboku, mikolu kukanka, mibidi kuzakala, mpala kutokoloka ne bowa.

Sefanya 2:13

Maweja-Nangila neanyoke kabidi badi ku mutu kua ditunga. Neabutule bena Ashure, neashidishe bena Ninive. Tshimenga atshi netshishale tshipela, kamuyi muntu.

Sefanya 3:12

Nenshiye amu bantu bapuekele ne bapele munkatshi muenu, badi bandomba bua meme kubakuba.

Luke 1:71

Ukavua mulaye bua kutupikula kudi baluishi betu, ne ku bumfumu bua bonsu badi batukina.

Luke 1:74

mumulaye bua kutupikula ku bumfumu bua bena lukuna betu, ne kubambuluisha bua tumuenzele mudimu katuyi ne bowa,

Luke 24:27

Diba adi Yezu kubumvuija bionsu bivuabu bafunde bualu buende mu Mikanda ya tshijila, kutuadija ku mikanda ya Moshe, too ne ku ya bambi bonsu.

Dielulula 32:2

Bindi ndongesha bitampakane miaba yonsu, bu mudi mvula usankisha madimi. Mibelu yanyi imuangalake, mudi lumuma lutangalaka ku bisosa.