Mika 5:2 - MUKANDA WA MYIDI MUKULU

² Maweja-Nangila nealekele bantu bende mu bianza bia baluishi babu, too ne ku tshikondu tshidi mukaji udi kulu ulela muana wa balume. Diba adi bantu badi bashala ne muoyi mu bupika, nebapingane mu ditunga diabu, bua kudisangisha ne bena Izrayele bakuabu.

Mukanda wa Nzambi Dihungila Dikulukulu ne Dihungila Dihia-dihia 2003

² Kadi wewe, Betelehema Efelata, udi mukese munkatshi mua biota bia Yuda, mukuabo nealuhuke munda muebe bua bualu buanyi, bua kuikala mukokeshi wa Bena Isalele; tshibangidilu tshiandi tshidi tshia kale kale, tshia ku ntuadishila mene

Mika 5:2 ပူးပေါင်းရင်းမြစ်များ

Genese 35:16

Yakobe ne bena diende kumuangala ku Betele. Kabayi banji kufika ku Efrata, Rakele kulela muana. Kadi kulela aku kuvua kukole!

Genese 35:19

Rakele ufua, kumujikabu ku muelelu wa njila udi muye ku Efrata, muaba udibu binyika mpindiewu ne: Betleyeme.

Genese 48:7

Bualu pamvua ngumukila ku Mezopotamiya, mamuebe Rakele kufuila mu njila, muaba umvua mu ditunga dia Kenaane, tshiyi muanji kufika mu musoku wa Efrata. Meme kumujika muine amu ku mpenga kua njila (Efrata ke musoku udibu babikila mpindiewu ne: Betleyeme).

Genese 49:10

Nsesu wa bukalenga neashale mu diku dia Yuda. Dikombu dia bumfumu nedishale kudi ndelanganyi yende, too ne pafika muena bukalenga, udi bantu bonsu ne bua kutumikila.

1 Kulondolola 2:54

Ndelanganyi ya Salma idi nenku: bena mu tshimenga tshia Betleyeme, tshia Netofa, tshia Atrote-Bete-Yowabe, tshia bibidi tshia bena Manakate, bena Sora,

Misambu 132:6

Tuetu kumvua bamba ne: mushete wa tshijila udi mu musoku wa Efrata, tudi bausangane mu mpata ya Yayire.

Misambu 90:2

Diambedi mikuna kayiyi mianji kuikalaku, diambedi buloba mene kabuyi buanji kufuka, ku kale kuonsu aku, wewe ke udi Mvidi Mukulu, newikale Mvidi Mukulu matuku onsu.

Ekesode 18:21

Pashishe, usungule bantu ba nsongu badi batshina Mvidi Mukulu munkatshi mua bena Izrayele. Bantu badi bamba malu malelela, babenga mabuejila ubateke bakulu badi ku mutu kua bantu tshinunu, lukama, makumi atanu too ne kua bantu dikumi.

Ekesode 18:25

Kusungulaye bantu bashindame munkatshi mua bena Izrayele. Kubatekaye bakulu badi ku mutu kua bantu tshinunu, lukama, makumi atanu too ne ku kua bantu dikumi.

Yeshaya 11:1

Lutonga ludi lupatuka ku tshikuku tshia Ishayi. Ditamba dipiadipia didi dimena ku miji yende.

Yeshaya 53:2

Bualu Maweja-Nangila uvua musue, bua muena mudimu wende ende ukola bitekete bitekete, bu mutshi wa tshitende, bu mutshi udi wela miji mu buloba buume. Kavua ne buneme, nansha bulenga, buvua mua bantu kumutangidila. Kavua ne tshintu nansha tshimue, tshivua mua kusaka bantu bua bamutangile.

Yeshaya 55:4

Meme kumuteka, bua ikale mukalenga wa bukua matunga. Ke nuwuaye ne bua kushindika bumfumu buanyi munkatshi mua bisamba.

Yeshaya 7:14

Nanku Maweja-Nangila nkayende neakupeshe tshimanyinu: nsongakaji neimite difu. Nealele muana wa balume. Neamuinyike Emanuwele, mmumue ne: “Mvidi Mukulu udi netu.”

Yirmeya 30:21

Mfumu wenu neikale muntu wa mu tshisamba tshienu. Eyowa, muntu wa munkatshi muenu neanulombole. Nengitabe bua asemene pabuipi nanyi. Bualu, muntu udi mua kufika kundi, meme tshiyi mumubikile anyi? Meme Maweja-Nangila ndi njadika nanku.

Osheya 6:3

Tuenzayi muetu muonsu bua kumanya Maweja-Nangila, tukumbaje bidiye musue. Difika diende ndimane kujadika, anu bu mudi butuku butshia misangu yonsu. Neafike bua kutuambuluisha, bu mudi mvula mbedi uloka, bua kutalaja buloba.”

Amosa 9:11

Maweja-Nangila udi wamba ne: “Tshimenga tshia Davide, tshidi bu nzubu mumane kupuka. Kadi dituku dikuabu, nengasulule tshimenga. Nengibakulule bitupa bia tshimana tshiatshi, bivuabu bashimbule mu mvita. Nendongolole nzubu yonsu bimpe, tshimenga tshipete lumu luatshi lua kale.

Mika 4:10

— Eyowa! Nudinyenge, bu mudi mukaji udi ukeba kulela. Nenupatuke mu tshimenga, nenusombe mu madimi, nenuye too ne mu Babilone. Amu muaba awu ke udibu banusungidila. Maweja-Nangila neanupandishemu kudi baluishi benu.

Zekâya 13:7

Maweja-Nangila wa bukole buonsu udi wamba ne: “Muele wa myita, utape mulami wa mikoku, utuvua tukuata nende mudimu; ushipe mulami wa mikoku, mikoku neitangalake, meme mene nenduishe bana bayi.”

Zekâya 9:9

Yerushalayime, sanka bikole! Wewe tshimenga tshia Siyone, ela tunkunduluila! Tangila mudi mukalenga webe ukuvuila. Udi uvua kukusungidila, kukosa nsambu pa yoyi. Kadi kena uditambisha to! Udi mubande pa nyama wa mpunde, pa muana wa mpunde mukaji.

Matayi 2:1

Kulelabu Yezu mu musoku wa Betleyeme, mu ditunga dia Yudeya. Tshikondu atshi Erode ke uvua mukalenga wa ditunga. Bamane kulela Yezu, bena meji, bavua balonge malu a mitotu bikole, kufikabu mu tshimenga tshia Yerushalayime, batumine luseke ludi diba dipatukila.

Matayi 2:6

“Wewe, Betleyeme, musoku wa mu ditunga dia Yudeya, kuena mushadile ku misoku yonsu ya mu ditunga dia Yudeya. Bualu kuudi wewe nkuafumina mfumu, mulombodi wa bantu banyi, bena Izrayele.”

Matayi 28:18

Ke Yezu kusemena pabuipi nabu, ubambila ne: — Mvidi Mukulu mmumpeshe bumfumu buonsu mu diulu ne pa buloba.

Luke 23:2

Kutuadijabu kumusonguela kua Pilate, bamba ne: — Tudi basangane muntu ewu upambula bena ditunga. Udi ukandika bantu ne: kanufutshi tshitadi tshia mukalenga wa bakalenga. Udi udiamba kabidi ne: ndi Kristu, mukalenga wa ditunga.

Luke 23:38

Kulu kua mutu wa Yezu, ku mutshi mutshiamakane awu, bavua bafunde ne: “Ke mukalenga wa bena Yuda.”

Yowanane 7:42

Mbafunde mu Mikanda ya tshijila ne: Meshiya neikale wa ku ndelanganyi ya Davide. Neatumine mu Betleyeme, mu musoku uvua Davide usomba.

Dielulula 1:15

Nanku bua kunulombola, mvua mubikidishe bantu bashindame, ba lumu luimpe, bavua bamane kuikala ne midimu mikuabu mu bisamba bienu. Meme kuteka bua bikale bamfumu, banulombola mu bisumbu bia bantu tshinunu, lukama nansha makumi atanu, too ne ku bia bantu dikumi. Meme kuteka bena Izrayele bakuabu ku mudimu wa kuludika bantu ku tshisamba tshienu tshionsu.

Kolose 1:17

Kristu uvuaku, bintu kabiyi bianji kuikalaku. Bintu bionsu bidi bishala muaba wabi, amu munda muende.

Ebrewu 13:8

Yezu Kristu udi momumue makelela, lelu ne tshiendelele.

Ebrewu 7:14

Tudi bamanye bimpe ne: bavua balela mfumu wetu mu tshisamba tshia Yuda. Pavua Moshe mufunde mikenji idi itangila batuangaji, kavua mutele tshisamba etshi ku bualu nansha bumue.

1 Yone 1:1

Tudi tunufundila bua Muaku udi upetesha muoyi. Muaku awu uvuaku biangatshile ku tshibangidilu tshia bionsu. Tuvua bawumvue, baumone ne mesu etu, bautangile, baulenge ne bianza bietu.

Didimanyisha 19:16

Bavua bafunde pa muntumpu wende ne pa tshibelu tshiende dina diende ne: “Mukalenga mupite bakalenga bonsu, Mfumu mupite bamfumu bonsu.”

Didimanyisha 2:8

— Fundila mutumibue wa Tshisumbu tshia bena ditaba ba mu Smirna ne: “Wa kumpala ne wa ndekelu, uvua mufue, kadi mupete tshiakabidi muoyi, udi wamba ne:

Didimanyisha 21:6

Kuambaye kabidi ne: — Miaku yanyi mmimane kukumbana! Ndi Alfa ne Omega, ntuadijilu ne ndekelu. Udi ne nyota, nemmupeshe tshiakunua, kayi ufuta. Nemmupeshe mayi a ku mpokolu wa mayi a muoyi.

Balombodi 17:7

Nsongalume mukuabu wa bena Levi uvua musombe bu muntu muenyi mu Betleyeme, musoku wa mu tshisamba tshia Yuda.

Rute 1:1

Matuku avua balombodi balombola ditunga dia Izrayele, tshiyole tshia nzala tshivua tshibuela mu ditunga. Ke muntu wa mu musoku wa Betleyeme, mu ditunga dia Yuda, kuangata mukajende ne bana bende ba balume babidi, bua kuanjibu kuya kusomba mu ditunga dia Mowabe.

Rute 4:11

Bantu bonsu bavuaye mubikile muaba awu, ne bakulu, kuambabu ne: — Eyowa, tuajadiki. Maweja-Nangila ele mukaji awu lupemba, bu muvuaye muluele Rakele ne Leya. Bubidi buabu bawa batantshisha tshisamba tshia bena Izrayele. Wewe pebe, usanguke mu Efrata, dina diebe ditumbe mu Betleyeme.

1 Samuele 10:19

Kadi mpindiewu, nuenu bena Izrayele, nudi babenga Mvidi Mukulu uvua munupandishe matuku a dikenga ne a kanyinganyinga. Nuenu kumulomba ne: “Tupeshe mukalenga.” Nanku fikayi kumpala kua Maweja-Nangila, balondangane mu bisamba bienu ne mu meku enu.

1 Samuele 17:12

Davide uvua muana wa Ishayi wa mu diku dia Efrata, musombele mu tshimenga tshia Betleyeme mu Yuda. Ishayi uvua ne bana ba balume muanda mukulu. Tshikondu atshi tshivua Shawule mukalenga, Ishayi uvua mumane kukola mukulakaje.

1 Samuele 17:18

Angata kabidi fromaje dikumi eyi, bua kupesha mfumu mulombodi wa bena mvita. Neutangile bana benu, ne badi bimpe. Neuntuadile tshintu tshidi tshinjadikila ne: kakuena bualu to.

1 Samuele 23:23

Nujadike miaba yonsu idiye mua kunyemena. Pashishe, nupingane kundi, nuenu bamane kujadika bionsu ebi bimpe. Nanku netuye nenu. Pikalaye mu ditunga adi, nemmukuate, nansha bu meme ne bua kumukeba miaba yonsu mu buloba bua bena Yuda.

1 Samuele 8:12

Bana benu bakuabu nebikale balombola bena mvita tshinunu, balombola bena mvita makumi atanu. Mfumu awu, neangate bana benu nansha bakuabu bua kumudiminabu madimi, bua kunowa biakudia, nansha bua kumuenzela biamu bia kuluangana nabi, ne bintu bia kuteka mu matempu ende.