Mika 4:5 - MUKANDA WA MYIDI MUKULU

⁵ Muntu yonsu mu tshisamba tshiende, udi ukeba kusankisha mvidie yende. Kadi tuetu tudi tukeba kusankisha Maweja-Nangila Mvidi Mukulu wetu tshiendelele.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu bua ba mu bisamba bionso batshidi benda muntu ne muntu mu dina dia nzambi wandi; kadi tuetu netuende mu dina Yehowa Nzambi wetu tshiendelele.

Mika 4:5 ပူးပေါင်းရင်းမြစ်များ

Genese 17:1

Abrame mumane kukumbaja bidimu makumi tshitema ne tshitema, Maweja-Nangila kumumuenekela, umuambila ne: — Ndi Mvidi Mukulu wa bukole buonsu. Witabe diyi dianyi, wikale muntu muakane.

2 Bakalenga 17:29

Kadi bantu ba bisamba bikuabu aba, bavua amu badienzela mpingu ya mvidie yabu, bayiteka miaba ya kutendelela, ivuabu bibake kudi bantu bavua base kale mu ditunga dia Samariya. Tshisamba tshionsu tshia bantu abu, tshivua anu ne lupingu lua nanku mu bimenga bionsu bivuabu basombe.

2 Bakalenga 17:34

Ndelanganyi ya bantu ba bisamba bikuabu abu, itshidi ilonda bilele ebi bia kale too ne mpindiewu. Kabena batendelela Maweja-Nangila menemene to. Nanku, kabena batumikila menemene nansha mikenji ne bilele bia bankambua babu, nansha mikenji ivua Maweja-Nangila muambile ndelanganyi ya Yakobe. — Yakobe awu ke uvua Maweja-Nangila muinyike dina dia Izrayele.

Misambu 20:6

Nanku netuele mbila ya disanka, bualu neutshimune ne bukole bua Muena Kulu. Netusempele ne dibendela, tutumbishe Mvidi Mukulu wetu! Maweja-Nangila akumbaje bionsu biudi umulomba.

Misambu 48:14

Nukatshile mudi bimana biatshi! Numone muvuabu bakoleshe imue nzubu! Nanku, nenumone mua kumanyisha ndelanganyi yalonda ne:

Misambu 71:16

Maweja-Nangila, Mvidi Mukulu wanyi, nemmanyishe bantu muudi ne bukole, muudi Wewe nkayebe wenza bionsu amu biakane.

Yeshaya 2:5

Nuenu, ndelanganyi ya Yakobe, vuayi, tuende bonsu pamue, mu butoke bua Maweja-Nangila.

Yeshaya 26:13

Maweja-Nangila Mvidi Mukulu wetu, tuvua ne bamfumu bakuabu. Kadi wewe nkayebe, ke utudi tuvuluka.

Yeshaya 26:8

Maweja-Nangila, bua tumone mua kukumbaja biudi wewe musue, tudi tutekemena amu kuudi. Kutela dina diebe, kukuela mbila, ke tshidi mutshima wa muntu yonsu ujinga.

Yirmeya 32:40

Ndi ndaya ne: tshiena musue kubabenga kabidi to. Nanku nentue nabu ndondu wa kashidi. Nenbambuluishe bua bannemeke, bua kabalamuki kabidi kundi.

Zekâya 10:12

Nenkankamike bantu banyi, nebenze amu malu adi andengelela. Meme Maweja-Nangila, ndi ngamba nanku.”

Bienzedi 14:16

Ku kale Mvidi Mukulu uvua muanyishe bua bantu ba bisamba bikuabu balonde wabu njila.

Dielulula 27:10

Numutumikile, nukumbaje meyi ende ne mikenji yende, bindi nnumanyisha lelu ebi.

Kolose 2:6

Nenku panudi bamane kuitaba Yezu Kristu bu Mfumu, nudisange nende.

Kolose 3:17

Bionsu binudi nuenza, nansha binudi nuamba, nubikumbaje mu dina dia Yezu Kristu. Nuele amu kuela Mvidi Mukulu tuasakidila kudiye.

Yoshua 24:15

Panuikala nubenga bua kuenzela Maweja-Nangila mudimu, lelu nusungule mvidie inudi basue kutendelela. Tshilejilu: mvidie ivua bankambua benu batendelela, patshivuabu dishiya dia musulu wa Perate, nansha mvidie ya bena Amore, idi mu ditunga dinudi basombe edi. Kadi meme ne bena diku dianyi, netuenzele Maweja-Nangila mudimu.