Mika 3:9 - MUKANDA WA MYIDI MUKULU

⁹ Ndi nnubela nuenu, bamfumu ba ndelanganyi ya Yakobe, ne bakoshi ba nsambu ba bena Izrayele. Nudi nubenga kuenza malu mimpe, nukosa bilumbu bibi.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Ndi nnusengelela bua nunvue bienu muanda eu, nuenu badi ha mutu ha tshiota tshia Yakoba, ne bakokeshi ba tshisamba tshia Bena Isalele, badi bakina kulumbulula kuakane, badi banyanga malu makane.

Mika 3:9 ပူးပေါင်းရင်းမြစ်များ

Nehemya 13:17

Meme kutandisha balombodi ba bena Yuda. Meme kubakonka ne: — Nudi bamanye bibi binudi nuenza anyi? Nudi nunyanga dituku dia Dikisha bua tshinyi?

Ekesode 3:16

Ndaku, ubikile bakulu ba bena Izrayele bonsu, ubambile ne: “Maweja-Nangila, Mvidi Mukulu wa bankambua benu, wa Abrahame, wa Izake ne wa Yakobe mmummuenekele. Mmungambile ne: Ndi mumone mudibu banukengesha kudi bena Ejipitu.

Nsumuinu 17:15

Mubingishi wa muena tshibawu, ne mupishi wa muntu muakane, mbantu babidi badi Maweja-Nangila udiwula mushindu wa momumue.

Nsumuinu 17:23

Muntu mubi udi wanyisha mabuejila adibu bafila bua amone mua kunyanga tshilumbu.

Nsumuinu 18:5

Kubingishi muena tshibawu, kupishi muntu muakane.

Nsumuinu 21:7

Tshikisu tshia bantu babi tshidi tshibabutula, bualu badi babenga kulonda njila wa buakane.

Yeshaya 1:23

Bamfumu benu bakadi bantomboji, badi bumvuangana ne bivi. Badi banyisha mabuejila, basue bonsu bua bantu babasankishe. Kabena bakuila bana ba nshiye ku kabadi! Kabena bateleja mukaji mukamba.

Yirmeya 5:28

Bena Izrayele badi badiunda bikole, mubidi wabu mmusenene. Kadi badi anu benza malu mabi, kabayi bapungila. Kabena bakosa nsambu pa yoyi, kabena bakuila bana ba nshiya mu bilumbu biabu, bua bamone mua kubinga. Kabena bambuluisha bapele, bua bapete bidibu ne bua kupeta.

Yezekiyele 44:23

“Batuangaji nebalongeshe bantu banyi mudibu mua kusunguluja tshintu tshia tshijila, ne tshintu tshia patupu, tshintu tshidi ne mikiya ne tshidi katshiyi ne mikiya.

Osheya 5:1

Telejayi bimpe, nuenu batuangaji, nuenu kabidi bamfumu ba bena Izrayele, ne nuenu bonsu badi basombe mu lubanza lua mukalenga, nuenu ke bavua mua kulumbuluisha bantu bimpe. Kadi, ku Mispa nuvua bateye bantu banyi. Ku mukuna wa Tabore, nuvua nubamuenekela bu bukondu bumana kuela.

Lewitiki 26:15

panudi nubenga kunemeka ndondu wanyi, nubenga mikenji yanyi ne meyi andi munutumine,

Amosa 5:7

Nudi bena diakabi, nuenu badi banyanga bilumbu, bapisha badi babinga, babingisha badi bapila.

Mika 1:1

Telejayi bivua Maweja-Nangila muambile Mika, muena mu musoku wa Moreshete, mu tshikondu tshiwa Yotame, Akaze, ne Izkiya, bakalenga ba mu Yuda. Maweja-Nangila uvua mumuleje malu adi atangila bimenga bibidi: tshia Samariya ne tshia Yerushalayime.

Mika 3:1

Nuenu bamfumu ba ndelanganyi ya Yakobe, nuenu bakoshi ba nsambu ba bena Izrayele, ndi nnukonka ne: “Mudimu wenu kawena wa kukosa nsambu pa yoyi anyi?

Dielulula 27:19

“Muntu yonsu udi unyangakaja tshilumbu tshia muana nshiya, tshia mukaji mukamba, nansha tshia muenyi udi munkatshi muenu, asangane muena tshibawu kuenza anyi?” Bonsu ne: “Enze!”