Mika 3:8 - MUKANDA WA MYIDI MUKULU

⁸ Kadi meme ndi ne bukole bua bungi. Maweja-Nangila mmunguwuje ne Mueyelu wende. Ndi ndongesha bantu ne muoyi mukole, mbambila bidibu ne bua kuenza. Ndi mbela bena Izrayele, ndelanganyi ya Yakobe, bua balekele kutombokela Maweja-Nangila, bakumbaje tshidiye musue.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Kadi meme hanyi, ndi mule tente ne bukole bua kudi Nyuma wa Yehowa, ne dijingulula dia malu makane, ne bukole bua mutshima, bua kulesha Bena Yakoba malu mabi abo ne Bena Isalele bubi buabo.

Mika 3:8 ပူးပေါင်းရင်းမြစ်များ

Yobe 32:18

Ndi ne miaku ya bungi munda muanyi indi ne bua kuamba. Meji anyi mavule adi ansaka bua kuakula.

Yeshaya 58:1

Maweja-Nangila udi wamba ne: Ela lubilu lukole. Kulekedi to. Diyi diebe difike kule, bu mudi muadi wa mpungi. Vuluija bantu banyi mudibu bantombokela. Manyishayi ndelanganyi ya Yakobe bilema biayi.

Yeshaya 61:1

Maweja-Nangila Mvidi Mukulu, mmunguwuje ne Mueyelu wende, bualu mmundabe manyi a tshijila, mmutume bua kumanyisha bapele lumu lua disanka, bua kukolesha ku muoyi badi benda batekete mu maboku, bua kuambila bavuabu baye nabu mu matunga a bende ne: nudi mua kuya kuonsu kunudi basue, ne bua kuambila bena lukanu ne: mbamane kunupatula mu lukanu.

Yeshaya 61:2

Uvua muntume bua kumanyisha bantu ne: tshidimu etshi, Maweja-Nangila mmunufuile luse. Dituku edi Mvidi Mukulu wetu neanyoke baluishi bende. Mbantume bua kusamba bonsu badi mu madilu,

Yirmeya 1:18

Biangatshile lelu, nenkupeshe bukole. Newikale bu tshimenga tshikolesha ne bimana, bu dikunji dia tshiamu, bu tshimana tshiasa ne tshiamu tshikunze, kumpala kua bena ditunga bonsu, kua bamfumu ba bena Yuda, balombodi ba mu bukalenga, batuangaji ne bantu bakuabu bonsu, badi basomba mu bukalenga.

Yirmeya 20:9

Pandi ngamba ne: “Tshiena musue kuvuluka kabidi Mvidi Mukulu to. Tshiena musue kuakula kabidi mu dina diende”, diba adi munda muanyi, muaku webe udi bu kapia kadi katema. Ndi ngenza muanyi muonsu bua kukajima munda muanyi, kadi tshiena ne mushindu to.

Yirmeya 6:11

Maweja-Nangila, tshiji tshikole tshiudi wewe natshi, meme kabidi ndi amu natshi. Tshiena kabidi ne mushindu wa kutshituyisha to. Tangalaja tshiji tshianyi atshi ne kudi bana badi mu misesu. Utshipumuine bansonga muaba udibu basangile. Batatu ne bamamu, bakulakaje ne bikunda, nebabakuate bonsu baye nabu mu bupika.

Muadi 2:14

Bambi bebe mbakuambile anu meyi a dishima ne a tshianana. Kabavua bakusokoluela bubi buebe. Bualu ebu ke buvua mua kukudimuna dikenga diebe. Meyi avuabu bakuambile avua anu a dishima a kukudinga nawu.

Yezekiyele 16:2

— Muntu, uleje bena mu Yerushalayime muvuabu benza bibi bitambe.

Yezekiyele 20:4

Nansha wewe anu muntu, udilongolole bua kukosa tshilumbu tshiabu. Kutshinyi to. Ubavuluije malu mabi avua bankambua babu benze.

Yezekiyele 22:2

— Muntu, udilongolole bua kulumbuluisha tshimenga tshia Yerushalayime, tshia bashipianganyi. Kutshinyi to! Ubavuluije malu mabi avuabu benze.

Yezekiyele 23:36

Maweja-Nangila kungambila ne: — Yezekiyele, udilongolole bua kulumbuluisha Okola ne Okoliba. Ubafunde patoke ku tshilumbu bua malu mabi avuabu benze.

Yezekiyele 3:14

Mueyelu wa Mvidi Mukulu uvua mungambule pa buloba, muye nanyi. Bukole bua Maweja-Nangila buonsu buvua bumbuele munda, tshiyi mua kubenga. Ke meme kudiunwua mubungame, mudiumvue bibi.

Yezekiyele 43:10

Wewe, Yezekiyele, umanyishe bena Izrayele mushindu udi nzubu wa Mvidi Mukulu. Ubabele bua bumvue bundu bua malu mabi abu, batangile bimpe mushindu udibu ne bua kuasa nzubu ewu.

Matayi 7:29

Bualu Yezu kavua ulongesha bu balongeshi bakuabu ba mikenji, uvua ulongesha ne bumfumu.

Marke 3:17

Yakobe ne muanabu wa balume Yowanane, bonsu babidi bavua bana ba Zebede (Yezu uvua mubinyike ne: Bowanerjese, mmumue ne: “Bantu bafuana makubakuba”),

1 Korente 2:4

Bimvua muambe, bimvua munulongeshe, kabivua binutuila bualu mvua ngakula ne miaku ya lubombu, nansha ne meji matue a bantu; kadi amu bualu bukole bua Mueyelu wa Mvidi Mukulu buvua budileja munda muanyi.