Mika 3:6 - MUKANDA WA MYIDI MUKULU

⁶ Nenku, nuenu bambi, tshiakunuleja kabidi malu adi kumpala, tshiakunumanyisha kabidi tshindi musue. Miidima neyinunyunguluke. Butuku nebunuvuile. Kanuakumona kabidi tshintu, bu dituku didi diba dimane kubuela.”

Mukanda wa Nzambi Dihungila Dikulukulu ne Dihungila Dihia-dihia 2003

⁶ Nunku butuku nebunuidile, kanuyi numona kabidi bikena kumona, mîdima neyikaleku, bua nuenu kanumanyi mua kutempa mbuku; diba nedibuelele baprofete, ne munya newandamuke midima kudibo.

Mika 3:6 ပူးပေါင်းရင်းမြစ်များ

Misambu 74:9

Kakutshiena bidi bileja ne: wewe udi munkatshi muetu. Bambi kabatshiena bamanyisha malu. Kakuena wa kutudi udi mumanye ne: ebi nebijike diba kaayi.

Yeshaya 29:10

Bualu Maweja-Nangila neanuladike tulu tukole. Uvua munusuike tshilamba pa mesu. — Mesu enu ke bambi benu. — Mmunubuikile tshilamba mu mitu yenu. — Mitu yenu ke badi bamona malu. —

Yeshaya 59:10

Tudi tuenda tutetuka, bu mpofu udi wenda ulonda tshimana. Tudi tububuta bu muntu, udi kayi umona kudiye uya. Munda munya tudi tutetuka, bu badi benda mu njila munda nkulu. Tudi ne bukole bua mubidi, kadi tukadi bu bantu bafue.

Yirmeya 13:16

Nemekayi Maweja-Nangila Mvidi Mukulu wenu. Tshianana nennutumine miidima, bua nuenu kutetuka pa mikuna, kuenda mu miidima inuvua kanuyi bindile, batekemena munya. Maweja-Nangila kuandamuna butuku, kunutumina miidima, bu mavuba a mvula wa tshipupu.

Yirmeya 15:9

Mamu muena bana muanda mutekete, uvuabu bela ka lumbandi, udi ushala kayi ne muana. Kena ne mushindu wa kueyakana bimpe kabidi to. Diende diba divua dibuela munda munya. Bundu buamukuatshi! Lumu luende ndujimine! Pikala bakuabu bashale ne muoyi, baluishi babu nebabashipe. Meme Maweja-Nangila ndi njadika nanku.

Yirmeya 18:18

Bantu bakuabu bavua bamba ne: “Tuyayi, tuelela Yirmeya tshitungu amu mpindiewu. Bualu batuangaji badi mua kutulongesha, tudi amu nabu. Tudi ne bena meji, bua bafile ngenyi. Tudi ne bambi badi mua kutumanyisha tshidi Mvidi Mukulu wamba. Tumufunde ku tshilumbu, katuteleji kabidi tshidiye wamba.”

Yezekiyele 13:9

“Bambi badi bambila bantu malu a dishima adi afuma amu ku lungenyi luabu nkayabu, nembaleje bukole buanyi. Kabakuikala ne muaba mu tshipangu tshia bantu banyi. Kabena babafunda mu mukanda udi ne mena a bena Izrayele. Kabakupingana mu ditunga diabu. Nanku nebajadike ne: meme ndi Maweja-Nangila Mvidi Mukulu.

Yezekiyele 7:26

Nenukenge anu kukenga. Nebanumanyishe anu ngumu mibi. Nebasengelele muambi bua abaleje malu atshidi kumpala, kadi kakubalejawu to. Mutuangaji kakuikala ne bualu budiye mua kulongesha. Bakulu kabakusa kabidi ngenyi.

Amosa 8:11

Maweja-Nangila udi wamba kabidi ne: mu matuku adi kumpala, nentume nzala mu ditunga. Bantu nebafue nzala, kabayi bajinga mampa. Nebafue nyota, kabayi bakeba mayi a kunua. Nebafue nzala ne nyota, bualu nebakebe kumvua tshindi ngamba, bapanga.

Mika 2:6

Bamue badi bangamba ne: “Lekela kuakula nanku! Udi ukolesha malu! Bilumbu biudi utuasa mbia patupu!