Mika 3:12 - MUKANDA WA MYIDI MUKULU

¹² Nanku bualu buenu, Siyone neikale bu budimi, budibu babundulula ne lukasu. Yerushalayime neashale makolu. Mukuna wa nzubu wa Mvidi Mukulu nebaubuikile kudi tshipuka.

Mukanda wa Nzambi Dihungila Dikulukulu ne Dihungila Dihia-dihia 2003

¹² Nunku bua bualu buenu nebabundulule Siona ne lukasu bu mudibo babundulula budimi; Yelushalema neikale bu mishiki ya mabue, ne mukuna wa ntempelo newikale bu mikuna ya muitu.

Mika 3:12 ပူးပေါင်းရင်းမြစ်များ

Misambu 107:34

buloba bua bufuke buenza bua lusenga, pikala badi basombapu benza malu mabi.

Misambu 79:1

Musambu wa mu mukanda wa misambu ya Asafe. Eyi, Mvidi Mukulu, bantu benyi mbanyange muaba webe uudi usomba, mbashiye mikiya mu nzubu webe wa tshijila, Yerushalayime mmushale kabutu.

Yeshaya 32:14

Nzubu wa mukalenga mmushale mutupu, tshimenga, tshivua bantu tente, tshikadi tshipela. Mukuna wa Ofele, ne kaleya ka batentekedi, mbishale dikolu kashidi. Nyama ya mpunde ya ditu ikadi inayilamu, bimuna bikadi bikebelamu biakudia biabi.

Yirmeya 17:3

ne mu mpata mitumbuke. Nuenu bena Yuda telejayi. Ndi ntuma bantu, bua kupawula biuma bienu bionsu, bua banyange miaba inudi nutendelela. Ke mundi nnunyoka bua bubi bunudi nuenza mu ditunga dijima.

Yirmeya 22:5

Kadi panuabenga kuteleja mundi nnuambila, ndi nditshipa ne: meme Maweja-Nangila, bu mundi Mvidi Mukulu mulelela, ndi njadika ne: nzubu ewu wa bukalenga neupuke ashale lubuwa.

Yirmeya 22:6

Bua nzubu wa bukalenga bua bena Yuda, Maweja-Nangila udi wamba ne: Nansha meme musakidile nzubu wa bukalenga ewu, mumumone muakane, amu bu mundi nsankidila metu a Ngilaade, nansha nsongu ya mikuna ya Lebanone, ndi nditshipa ne: nzubu ewu neashale tshipela, muaba udi bantu kabayi basombe.

Yirmeya 26:18

— Mu tshikondu tshia Izkiya, mukalenga wa bena Yuda, muvua muambi mukuabu, dina diende mMika, wa mu Mereshete. Uvua muambile bantu bonsu ba mu Yuda ne: Maweja-Nangila wa bukole buonsu udi wamba ne: “Siyone neikale bu budimi budibu babundulula. Yerushalayime neashale bu mu dikolu. Mukuna, muaba udi nzubu wa Mvidi Mukulu, newikale bu ditu.”

Yirmeya 35:17

Yirmeya kuamba kabidi ne: — Ke padi Maweja-Nangila wa bukole buonsu, Mvidi Mukulu wa Izrayele wamba ne: “Nuenu bena Yuda ne bena Yerushalayime, nennutumine makenga onsu amvua mudianze kunumanyisha. Bualu mvua munubele, kadi kanuvua banteleje. Mvua munubikile, kadi kanuvua bitabe to.”

Yirmeya 44:2

— Maweja-Nangila wa bukole buonsu, Mvidi Mukulu wa Izrayele, udi wamba ne: “Nuvua bamone makenga onsu amvua mutumine bena Yerushalayime ne bimenga bikuabu bia Yuda. Bimenga ebi lelu mbimane kubutuka bishale makolu.

Yirmeya 52:13

Uvua muoshe nzubu wa Mvidi Mukulu, nzubu wa mukalenga, ne nzubu ya mu tshimenga, nangananga nzubu yonsu ya bantu banene ba mu Yerushalayime.

Yirmeya 9:10

Maweja-Nangila udi wamba ne: “Nengandamune Yerushalayime ashale dikolu, muaba udi nyama ya mibuabua isomba. Bimenga bia bena Yuda nebishale tshipela, kabiyi ne bantu to.”

Yirmeya 9:11

Muntu udi ne meji makumbane, bua kutujinguluila bualu ebu udiku anyi? Pikala Maweja-Nangila mumumanyishe bualu ebu, atuandamune ne: ditunga ndinyanguke bua tshinyi? Didi dishale anu tshipela, muntu kayi upitshilamu bua tshinyi?

Muadi 5:18

bualu mukuna wa Siyone mmukudimuke tshipela, mmuandamuke tshisombelu tshia nyama ya mibuabua.

Mika 1:6

Maweja-Nangila udi wamba ne: “Bua malu aa, nengandamune Samariya, ashale dikolu, muaba udibu bakuna mionji ya mvinyo. Nembunguluje mabue ende, aye muinshi mua lupongu. Nemmueneshe bitaku biende patoke.

Matayi 24:2

Kadi Yezu kubandamuna ne: — Nudi nukema bionsu ebi! Kadi ndi nnujadikila bulelela ne: ku nzubu ewu kakuakushala dibue diambata pa dikuabu to. Bionsu nebiupuke!