Mika 2:5 - MUKANDA WA MYIDI MUKULU

⁵ Nanku muntu wa kunudi nansha umue, kakupeta buloba budi bantu ba Maweja-Nangila babanyangana. Kanuakupeta muaba munkatshi muabu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Nunku mu disangisha dia Yehowa kanuena nuikala ne muntu wanutahuluila buloba bua buhianyi buenu nansha.

Mika 2:5 ပူးပေါင်းရင်းမြစ်များ

2 Bakalenga 17:23

Pashishe, Maweja-Nangila kavua musue kabidi bena Izrayele kumpala kuende to. Kubipataye, kubatuma ku Ashure. Ke muaba utshidibu too ne mpindiewu. Bionsu ebi bivua bienzeka bua kukumbaja diyi dia Maweja-Nangila divua bambi, bantu bende, bamba.

1 Kulondolola 16:18

Kumuambilaye ne: “Ndi nkupa buloba bua Kenaane. Ke ditunga dindi munupe, wewe ne ndelanganyi yebe.”

Nehemya 7:61

“Bantu bavua bafume ku bupika: ku Tele-Mela, ku Tele-Arsha, ku Kerube, ku Adone, ne ku Imere, kabavua mua kujadika meku a bankambua babu to. Nanku kabavua mua kujadikila bantu ne: tudi bena Izrayele to.

Misambu 16:6

Ke bidi binsankisha, ke diakalenga dindi nadi.

Osheya 9:3

Bena Efrayime kabena mua kushala mu ditunga dia Maweja-Nangila. Nebapingane mu Ejipitu, nansha mu bena Ashure, bua kudia biakudia bidi ne mikiya.

Dibadika 34:13

Moshe kuambila bena Izrayele mikenji eyi. Pashishe kubambilaye kabidi ne: — Ditunga edi ke didi Maweja-Nangila muambe bua tutshinke, tuabanyine bisamba tshitema bia bena Izrayele, ne tshitupa tshia tshisamba tshia bena Menashe.

Dibadika 34:16

Maweja-Nangila kuambila Moshe ne:

Dielulula 23:2

Muntu mulume mubozeke mipese, nansha mukoseke mubidi wa bantu balume, kena mua kubuela muaba udi bantu ba Maweja-Nangila basangile.

Dielulula 23:8

Kanupepeji bena Edome, bualu mbana benu. Kanupepeji kabidi bena Ejipitu, bualu nuvua basombe mu ditunga diabu.

Dielulula 32:8

Mvidi Mukulu wa bukole buonsu, mmuabanyine bantu matunga. Udi mushindike mikalu ya bisamba, muteke tshisamba tshionsu ku bumfumu bua muena mu diulu.

Yoshua 18:10

Muaba uvua Maweja-Nangila, Yoshuwa kutshinka bua kumanya mushindu uvuabu mua kuabanyina bena Izrayele bitupa bia buloba abi. Yoshuwa kupesha tshisamba tshionsu tshiatshi tshitupa tshia buloba mu ditunga adi.

Yoshua 18:4

Sungulayi bantu balume basatu ku tshisamba tshionsu. Nembatume bua bendakane ditunga dijima, bamone mushindu udidi. Bantu aba nebajadike bimpe mushindu udi tshitupa tshia buloba tshidi bisamba biabu mua kupeta. Pashishe, nebapingane bua kungambila bionsu bikalabu bamone.