Mika 2:4 - MUKANDA WA MYIDI MUKULU

⁴ Tshikondu atshi, nebimbe musambu, nebanuelele kasala ka muadi ne; “Eyi! Mbatubutule bonsu. Mbanyenge tshisamba tshietu maloba atshi. Badi batuipata mu madimi etu, badi baabanyangana. Mbatunyenge bintu bietu bua tshinyi?”

Mukanda wa Nzambi Dihungila Dikulukulu ne Dihungila Dihia-dihia 2003

⁴ Mu dituku adi nebanusendeke, nebanubingile bikole, bamba ne, Tuakubutudibua kabutu; yeye wakuha bakuabo buhianyi buetu; ke bu mudiye mubûmushe kutudi! Udi wabanyina bantombueshi madimi etu.

Mika 2:4 ပူးပေါင်းရင်းမြစ်များ

2 Samuele 1:17

Ke Davide kusaka musambu wa lufu lua Shawule ne Yonatane.

2 Kulondolola 35:25

Muambi Yirmeya kuenza kasala ka madilu a lulu lua Yoshiya. Biangatshile musangu awu, too ne ku lelu, bimbi ba misambu, balume ne bakaji, bonsu badi bimba, batela dina dia Yoshiya mu miadi yabu. Bikadi bishale tshibidilu mu Izrayele. Badi bafunde Miaku ya Misambu eyi mu mukanda wa Miadi.

Yobe 27:1

Pashishe Yobe kuamba kabidi ne:

Yeshaya 14:4

Diba adi nebimbe musambu wa kuseka nawu mukalenga wa bena Babilone, bambe ne: Kia! Ebi mbienzeke munyi? Mfumu wa tshikisu mmufue bishi? Kakukengesha kabidi muntu nansha umue.

Yeshaya 24:3

Mu buloba nemushale mutupu bulelela. Nebabutule buloba bujima. Bualu Maweja-Nangila udi wamba ne:

Yeshaya 6:11

Ke meme kukonka ne: — Maweja-Nangila, nebikale nanku too ne ku diba kaayi? Yeye kungandamuna ne: — Nebikale nanku too ne ku diba didibu banyangakaja bimenga bionsu, batangalaja bantu, nzubu yonsu ishala munda mutupu, ditunga dijima dishala tshipela.

Yirmeya 14:18

Pandi nya ku budimi, ndi mmona amu bitalu bia bantu bavua bafue mu mvita. Pandi mpingana mu tshimenga, ndi mmona anu bitalu, bia bantu bavua bafue ku tshiyole tshia nzala. Bambi ne batuangaji badi batambakana mu ditunga, kabayi bamanye tshia kuenza.

Yirmeya 4:13

Monayi mubishi udi ubanda, bu mavuba a mvula wa tshipupu. Matempu ende a mvita adi anyema lubilu bu mvunde. Nyama yende ya tubalu idi inyema mipite nyunyi wa tshiminyi ku lubilu. Tuajiminyi, tuabutuku!

Yirmeya 6:12

Maweja-Nangila udi wamba ne: Bantu bakuabu nebangate nzubu yabu. Nebangate kabidi madimi abu ne bakaji babu. Eyowa, meme Maweja-Nangila nennyoke bena ditunga edi bonsu.

Yirmeya 8:10

Maweja-Nangila udi wamba ne: Bakaji babu, nembafile kudi bakuabu. Madimi abu, nengafile kudi badimi bakuabu. Bualu bantu bonsu, bana ne bantu bakole, badi amu ne lukuka lua biuma. Muambi ne mutuangaji, bonsu badi anu badingangana.

Yirmeya 9:10

Maweja-Nangila udi wamba ne: “Nengandamune Yerushalayime ashale dikolu, muaba udi nyama ya mibuabua isomba. Bimenga bia bena Yuda nebishale tshipela, kabiyi ne bantu to.”

Yirmeya 9:16

Ke mudi Mvidi Mukulu wa bukole buonsu wamba nanku. Elayi meji ku malu adi enzeka lelu. Nubikile bakaji badi badila. Nutume bantu baye kukeba bakaji badi bamanye mua kudila mu madilu.

Yezekiyele 16:44

Maweja-Nangila kuamba kabidi ne: — “Yerushalayime, bedi ba nsumuinu nebakuambe ne: ‘Tshiowa katshitu tshilela munga nyunyi’.

Yezekiyele 2:10

Tshianza tshitua tshivungulula mukanda kumpala kuanyi. Bavua bafunde miaku mu nseke yonsu ibidi ya mukanda. Batua bafundemu miadi ya madilu, miyenga ne mikemu.

Yowele 1:13

Nuenu batuangaji, vualayi bilamba bia mu madilu! Nuenu badi benza mudimu ku tshilambuilu, dilayi! Nuenu bantu ba Mvidi Mukulu wetu, luayi, bungamayi butuku bujima! Bualu milambu ya ntete, nansha ya maluvu, kabatshiena bafika nayi mu nzubu wa Mvidi Mukulu.

Yowele 1:8

Asayi muadi, mudi mukaji utshidi nsongakaji wenza mu madilu, udila bayende utshivua umuselelaku!

Amosa 5:1

Bena Izrayele, telejayi kasala ka madilu kandi nnuela:

Amosa 5:17

Nansha mu madimi a mvinyo, nebadile amu kudila, pandi mpitshila munkatshi muenu bua kununyoka. Meme Maweja-Nangila ndi ngamba nanku.”

Mika 1:15

Nuenu badi basomba mu Maresha, Maweja-Nangila neanufile kudi muntu mupiamupia udi unutshimuna. Bamfumu ba lumu ba mu Izrayele, nebaye kusokoma mu nyongolu wa Adulame.

Mika 1:8

Pandi ngela meji ku bionsu abi, meme Mika, ndi ngasa muadi, ndi ndila, ntua mikemu. Ndi ngenda butaka, ku makasa kutupu. Ndi ngela mikunda, bu nyama ya mibuabua, ntua mikemu ngabakana bu nyunyi ya mikolu mile.

Mika 2:10

Jukayi! Umukayi! Dikisha dienu diajiki! Malu mabi anuvua benze, neanukebele makenga makole mapite!”

Abakuke 2:6

Kadi bantu badibu batshimune, nebabele nsenda, babatshipa, bamba ne: Nudi bena diakabi! Nudi nudiangatshila bintu bia bende, nutangila bantu bu badi ne bua kunufuta mabanza. Kadi nenuenze nanku too ne ku diba kaayi?

Sefanya 1:2

Maweja-Nangila udi wamba ne: “Nembutule tshintu tshionsu tshidi ne muoyi pa buloba.

Dibadika 23:18

Ke Balaame kuela kasala, wimba ne: “Balake, muana wa Sipore, juka, unteleje bimpe!

Dibadika 23:7

Balaame kuamba ne: “Balake, mukalenga wa bena Mowabe, mmumbikile, ku mikuna ya Arame ya ku luseke ludi diba dipatukila: ‘Balaame, ufike bua kukanyina, kutshipa mene bena Izrayele, ndelanganyi ya Yakobe!’

Dibadika 24:15

Balaame kuela kasala, wimba ne: “Meme ndi Balaame, muana wa Beyore, umvuayi tshindi ngamba. Meme ndi mmona bimpe malu masokome.

Dibadika 24:3

Kuelaye kasala, wimba ne: “Meme, ndi Balaame muana wa Beyore, umvuayi tshindi ngamba. Ndi mmona malu masokome, telejayi diyi dianyi!

Marke 12:12

Bamfumu ba bena Yuda bavua bakeba mushindu udibu mua kukuata Yezu. Bualu bavua bamanye muvuaye wela lusumuinu elu bualu buabu. Kadi bavua batshina bantu, nenku bobu kumulekela kuyabu.

Dielulula 28:29

Nenuendakane munda munya, nubabata bintu bu mpofu. Midimu yenu kayakutungunuka to. Bantu nebanukengeshe bikole, nebanyenge bintu bionsu binudi nabi, muntu nansha umue kayi mua kunuakuila.